Регион
Грчки војник повредил дете од Сирија со гумени куршуми на границата со Турција
Грчките погранични единици во неделата со гумени куршуми ја погодиле во ногата 8-годишната Газин Абду, која сакала да ја премине границата, пренесува „Дејли сабах“.
„Грчкиот војник на границата отвори оган кон нас. Сестра ми беше застрелана со 2 гумени куршума во ногата. Подоцна нè навредуваа, ни рекоа да се вратиме. Турската полиција ни помогна. Нè донесоа во полициската станица. Потоа нè однесоа во болница, ја лекуваа сестра ми“, вели постариот брат на Газин, 19-годишниот Хазар Абду, додавајќи дека дошле на грчката граница за да одат во Европа.
Турските безбедносни сили во областа Мерич во Едрене идентификувале 9 нелегални мигранти од Сирија. Повредената Газин Абду е пренесена во болница.
По спроведените рутински проверки, нелегалните мигранти се однесени во Дирекцијата за миграција во Едрене.
Европската Унија минатиот четврток ја повика Грција да ги почитува основните права и европскиот Закон за азил на грчко-турската граница.
Земјата исто така предизвика критики со својата политика на враќање на мигрантите. Само во саботата 19 мигранти потиснати од грчките сили беа спасени од турската крајбрежна стража.
Според договорот од 2016 година помеѓу ЕУ и Турција, мигрантите што пристигнуваат на грчките острови ќе останат таму додека им биде одобрено барањето за азил или до депортацијата во Турција. Но, заостанатите барања за азил, комбинирани со континуирани пристигнувања и малкуте депортации, доведоа до пренатрупаност во Морија и другите кампови на источните егејски острови.
Грција постојано се жали дека нејзините партнери во ЕУ направија премалку за да помогнат откако земјата стана една од главните порти за влез во Европа за мигранти и баратели на азил во 2015 година. Групите за права, вклучително и агенцијата за бегалци на ОН, постојано ја повикуваат Грција да истражи ги тврдењата за принудно враќање на мигрантите.
„Ваквите обвинувања се зголемија од март, а извештаите покажуваат дека неколку групи луѓе можеби биле вратени по пристигнувањето на грчка територија“, изјави претходно Високиот комесаријат за бегалци на ОН (УНХЦР).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Нови детали за малата Данка: нејзината ДНК не била пронајдена на автомобилот со кој била удрена
Како што пренесува „Нова.рс“, на ниеден од предметите што биле земени за помош во истрагата не биле пронајдени биолошки траги од двегодишната Данка Илиќ од Србија.
Српскиот портал напиша дека досега се пронајдени повеќе од 400 траги во службеното возило за кое се сомневаат дека го користеле Дејан Драгојевиќ и Срѓан Јанковиќ кога, според нивното признание, го удриле девојчето. Обвинителството пред неколку дена ги доби резултатите од новите вештачења.
„Од внатрешноста на службениот автомобил во Бор се земени повеќе од 500 траги, како и траги од надворешната страна на автомобилот. Досега вештачењата покажаа дека нема трага од ДНК на Данка Илиќ ниту во самиот автомобил ниту на надворешните делови од возилото“, пишува „Нова.рс“ повикувајќи се на Вишото јавно обвинителство.
Медиумот потсетува дека осомничените работници на фирмата „Водовод“ од Бор, Јанковиќ и Драгијевиќ, биле на работна задача на 26 март кога во Бањско Поле исчезна двегодишно девојче. Според признанието на Драгијевиќ, девојчето го удриле со службеното возило, го задавиле и го фрлиле на дива депонија, од каде што два дена подоцна Дејан со својот татко (73) и сега починатиот брат Далибор (40) наводно го преселиле телото на друга, непозната локација.
Телото на двегодишната Данка сè уште не е пронајдено.
Регион
Се урна конструкција на рингишпил, повредени 13 деца, од кои едно е во животна опасност во Куршумлија
Во Куршумлија денеска се случила несреќа кога на локалниот саем се урнала конструкцијата на рингишпилот, пренесуваат српските медиуми.
Според написите, повредени се 13 деца, од кои едно потешко.
Станува збор за девојче, чиј живот е во опасност и има сериозни повреди на главата и ‘рбетниот столб.
Таа била итно префрлена во КЦ „Ниш“ на Одделот за неврохирургија.
Седум деца се во друга болница, каде што во тек е понатамошна дијагностика, а другите деца се полесно повредени, пишуваат тамошните медиуми.
Регион
Шји Џјинпинг: Србија е првата земја од Европа со која ќе изградиме заедница со заедничка иднина
Претседателот на Народна Република Кина, Шји Џјинпинг, изјави дека во денешните разговори со претседателот Вучиќ е постигнат значаен консензус и дека Србија ќе биде првата земја од Европа со која ќе изгради заедница со заедничка иднина.
„Заеднички објавивме дека ќе изградиме заедница меѓу Кина и Србија со заедничка иднина во новата ера, што ќе отвори ново поглавје во историјата на кинеско-српските односи. Пред осум години Србија стана првиот сеопфатен стратешки партнер на Кина во Централна и Источна Европа, а денеска станува првата европска земја во која ќе изградиме заедница со заедничка иднина“, рече Шји во говорот по размената на потпишаните меѓудржавни договори меѓу Србија и Кина во Палатата „Србија“.
Тој посочи дека како вистински пријатели и добри партнери Кина и Србија уживаат политичка доверба, која е силна како карпа.