Црна хроника
МВР:Расчистена кражбата во Општина Центар-осомничени три лица
Скопската полиција во вторникот соопшти дека ја расчистила и документирала кражбата во Општина Центар, во која беа одземени два уреди за мрежно поврзување, шест кабли за поврзување на технички уреди и приклучок на прожектор за видео бим, за што се осомничени три лица.
Освен оваа кражба, работејќи со лицата расчистени се и поголем број на други имотни деликти за кои се сомничат А.К.(21), Д.О.(22) и Д.К.Р.(24), сите тројца родени во Германија.
Првоосомничениот се товари за сторени четири „тешки кражби“ од кои една на особено дрзок начин за што од страна на надлежен судија на претходна постапка му е изречена мерка притвор во времетраење од осум дена. Останатите двајца се осомничени за сторени две тешки кражби.
Пријавените на 09.09.2014 во 04,40 часот во бараките на општина Центар, со употреба на физичка сила и погоден предмет делувале на влезната врата на барака бр.6, со што ја отвориле и низ истата влегле внатре. На идентичен начин како што ја отвориле влезната врата од бараката, пријавените ја отвориле и вратата од салата, влегле во истата и се обиделе да украдат еден прожектор, еден рекордер и два приклучни електрични кабли. Потоа преку ходникот дошле до шалтерското прозорче од писарницата и исто така со употреба на погоден предмет со насилно делување меѓу крилото и рамката од истото, го отвориле и со протнување влегле внатре. Од писарницата пријавените дошле до кафематот кој се наоѓал во ходникот, насилно ги отвориле и ги оштетиле двете врати и дел од деловите во внатрешноста, но од истиот не украле ништо. Пријавените се упатиле и до соседната барака бр.7 во која се сместени просторииите на Државниот инспекторат за труд на град Скопје, каде со употеба на погоден предмет и физичка сила – влечење, се обиделе да ја отворат влезната врата, притоа откорнале дел од дрвената лајсна ја оштетиле и бравата, но не успеале да ја отворат. Во текот на извршување на делото, го виделе чуварот на општината и на бетонската патека ги оставиле украдените предмети (три монитори, компјутерско куќиште, рекордер и прожектор), а успеале да понесат со себе само два ИТ уреди, шест кабли за поврзување на технички уреди и џек за приклучок на прожектор за видео бим.
Покрај ова осомничените се товарат за уше три кражби
Во однос на првата кривична пријава, А.К., на 10.09.2013 околу 19.15 часот на ул. ,,Димитрије Чуповски“ спроти книжара на „Просветно дело“ со намера да се стекне со противправна имотна корист кривичното дело го извршил на тој начин што ја пресретнал оштетената која се движела по улицата, со раката ја стегнал во пределот на вратот и со влечење успеал да скине и одземе едно златно ланче со привезок срце, по што со трчање се оддалечил.
На 17.09.2014 во раните утрински часови, на ул.Аминта III во фирма за печатење со употреба на физичка сила и погоден предмет делувале на еден од прозорите, го отвориле и влегле внатре од каде одзеле: една камера, два лап-топ компјутери, приклучни кабли, полнач и кулер за лап-топ, но при излегување од објектот биле забележани од полициски службеници од Единицата-Алфа при што едно лице е приведено.
На 20.09.2014 пријавениот А.К., во раните утрински часови на ул.,,11-ти Октомври“ бб поточно во просториите на Домот на хуманитарни организации ,,Даре Џамбаз“ во канцеларијата на Националниот сојуз на лица со телесен инвалидитет на Македонија – Мобилност Македонија со употреба на физичка сила и погоден предмет делувал од задната страна со удирање и при тоа целосно избил два преградни лимови со што направил отвор низ кој се протнал и влегол внатре. Од таму одзел два комјутери со монитори, надворешен хард диск, безжичен телефон, два пара тренерки и долни тренерки од македонска репрезентација, но при излегување од објектот со одземените предмети истиот бил забележан од полициските службеници од Единицата-Алфа и приведен во ПС-Центар каде го појаснил начинот на извршување на кривичното дело, а предметите се одземени и вратени.
По целосно документирање на случаите против осомничените ќе бидат поднесени кривичните пријави, а истите и претходно се пријавувани за дела од областа на имотните деликти. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Со цигла скршил стакло од прозорец и влегол да краде, го нападнал и сопственикот: истрага за разбојничка кражба во Скопје
Основното јавно обвинителство Скопје донесе Наредба за спроведување истражна постапка и предложи мерка притвор за лице осомничено за – Разбојничка кражба според член 238 став 1 од Кривичниот законик.
На 19 октомври осомничениот со цигла го скршил стаклото на прозорецот од спалната соба во куќа на улицата “Благоја Стефковски”. Влегол во куќата и пребарувал, па во една од собите пронашол и одзел 1.580 евра и 2.000 денари и се обидел да го напушти местото.
Сопственикот на куќата го забележал и сакал да го спречи, но осомничениот физички го нападнал, го турнал во грмушките во дворот и избегал.
Притвор е побаран поради опасноста од бегство, можност за влијание врз сведоците и оштетениот, како и ризикот осомничениот да го повторува делото.
Топ
Загинатите во тешката сообраќајна незгода кај Плетвар се од Кавадарци, објавен идентитетот на учесниците во несреќата
МВР објави информации за лицата кои загинаа и повредените во сообраќајната несреќа на патот Градско-Прилеп, во близина на Плетвар.
При судир на два автомобила, вчера загина едниот од возачите Ѓ.П.(35) од селото Дреново, и неговиот сопатник Б.П.(56) од истото село во Кавадаречко.
Другиот автомобил го управувал О.О.(31) од с.Тополница, радовишко, кој се здобил со тешки повреди. Меѓу повредените се и неговиот сопатник С.О.(24) од с.Тополница, радовишко. Тешко повредени се и Н.П.(28), Т.П.(53) и С.П.(31) сите од с.Дреново, кавадаречко.
Повредените се хоспитализирани во Градска болница Прилеп и Општа болница Кавадарци.
По извршениот увид, Обвинителството вчера соопшти дека несреќата се случила за време на прекенување, а двата автомобили возеле во истата насока.
Црна хроника
Тепачка поради расправија во сообраќајот во Тетово, едниот од нив со нож им се заканувал на полицајци
СВР Тетово поднесе кривична пријава против Х.Б.(33) и М.Б.(44), двајцата од с.Порој, тетовско, поради постоење основи на сомнение за сторено кривично дело „насилство“ и А.С.(36) од Тетово поради постоење основи на сомнение за кривично дело „загрозување на сигурноста“.
Денеска во Тетово, по претходна расправија во сообраќајот, прво и второпријавениот му ја оштетиле колата на третопријавениот, по што настанала физичка пресметка помеѓу нив.
Пoтоа, третопријавениот со нож упатил закани кон полициски службеници кои извршувале службени дејствија.

