Свет
Висок претставник на ОАЕ: Палестинците треба да сакаат да си помогнат
Палестинците треба да сакаат да си помогнат и да сфатат дека договорот за нормализација на односите меѓу Обединетите Арапски Емирати и Израел ќе им помогне за нивната кауза ако го дозволат тоа, изјави висок дипломат од ОАЕ за „Тајмс оф Израел“ пред почетокот на потпишувањето на договорот на церемонијата во Белата куќа.
„Тие треба да сакаат да си помогнат себеси и наместо да ги користат традиционалните критики и клетви, да сфатат што се обидуваме да сториме. Договорот ќе помогне наместо да ја попречува палестинската кауза“, тврди помошникот министер за култура и јавна дипломатија, Омар Саиф Гобаш.
Гобаш ги повика палестинските власти да ја искористат можноста да се вратат на преговарачката маса со Израел истакнувајќи го барањето на ОАЕ, Израел да ја запре анексијата на Западниот Брег во замена за договорот.
„Користејќи го она што успеавме да го постигнеме, ги охрабруваме Палестинците да се обратат до Израелците и американските власти и да размислат што е можно“, рече тој.
Според Гобаш, ОАЕ последниве години развија „нови интереси… освен традиционалните арапско-исламски“ и токму тие интереси доведоа до договор за нормализација на односите.
„Додека откривме дека имаме нови интереси, тоа не значи дека се откажуваме од традиционалната лојалност. Новите врски на ОАЕ со Израел ќе ни овозможат да се бориме за палестинската кауза зборувајќи директно со нашите израелски пријатели и партнери за некои од прашањата што нè засегаат. Ние нема да преговараме во нивно име, но велиме дека има простор да се оди напред и веруваме дека го создадовме тој простор со овој договор“, рече тој.
За разлика од мировните договори што Израел ги склучи со Египет и Јордан, пактот со ОАЕ ќе резултира со топол мир, рече Гобаш.
„Една од клучните идеи за кои се согласивме е дека ова ќе биде топол мир и очекуваме да има многу интеракција меѓу луѓето на начин на кој другите форми на мир во регионот не биле. Веќе постои голем интерес и љубопитност за кошер-храната, хебрејскиот јазик, за начинот на живеење и за тоа какви се навистина Израелците“, рече тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Данска се обидува да го одврати Трамп од идејата дека мора да биде сопственик на Гренланд
Данскиот министер за надворешни работи, Ларс Леке Расмусен, изјави дека Копенхаген се обидува да го разубеди американскиот претседател Доналд Трамп од идејата дека мора да го поседува Гренланд.
Расмусен го изјави ова на прес-конференција во Осло, по средбата со својот норвешки колега. Тој нагласи дека вниманието кон Гренланд не треба да го засени фактот дека во Украина сè уште се води војна и дека е во критична фаза.
И покрај заканите од Вашингтон, Данска, според Расмусен, сака да продолжи со дипломатски пристап. По средбите во Вашингтон со потпретседателот на САД, Џеј Ди Ванс, и со државниот секретар Марко Рубио, решено е да се формира работна група на високо ниво која ќе разгледа дали постои заедничко решение. Првата средба се очекува во наредните недели.
Свет
Орбан доби покана од Трамп да се приклучи на мировниот совет за Појасот Газа
Унгарскиот премиер Виктор Орбан добил покана од американскиот претседател Доналд Трамп да учествува во Советот за мир за Појасот Газа, соопшти денеска унгарскиот министер за надворешни работи и трговија Петер Сијарто.
„Премиерот доби покана од американскиот претседател Доналд Трамп да се приклучи на Советот за мир за Појасот Газа. Според нас, оваа покана е признание за унгарскиот премиер, и тој, секако, ќе учествува во работата на тој совет. Премиерот ми наложи да ја информирам американската администрација“, изјави Сијарто, пренесе официјалниот портал на унгарскиот јавен сервис Hirado.hu.
Тој истакна дека мировните иницијативи на Трамп се високо ценети во светот и додаде: „Американскиот претседател претставува надеж за мировниот процес“.
Според Сијарто, Унгарија е заинтересирана за мир на Блискиот Исток, бидејќи безбедносната состојба во регионот има значително влијание врз Централна Европа.
Орбан веќе присуствуваше на церемонијата за потпишување на мировниот договор во Шарм ел Шеик, Египет, на 13 октомври. Советот за мир за Појасот Газа ќе биде задолжен за надгледување на втората фаза од планот за прекин на војната во палестинската енклава.
Свет
Германските војници го напуштија Гренланд
Извидничкиот тим на германската армија Бундесвер го напушти Гренланд по само два дена престој.
Повлекувањето го објавија „Билд“ и „Дер Шпигел“, а информацијата за новинската агенција ДПА ја потврди и портпаролот на германското Министерство за одбрана.
Според „Билд“, кој прв ја објави веста, војниците биле информирани за ненадејното заминување дури утрово.

