Црна хроника
Пријава за момче од Јурумлери – лажно барал брза помош само за да се снима на „Тик ток“
Полициската станица Центар го расчисти случајот со лажното јавување во Службата за итна медицинска помош, кој беше сниман и објавен на апликацијата „Тик ток“ на 13.9.2020, а беше споделен и на други социјални мрежи, и против Х. К. (25) од с. Јурумлери, Скопско, ќе поднесе соодветна пријава.
„По објавувањето на видеото на апликацијата ‘Тик ток’ и други социјални мрежи, беа преземени мерки и беше констатирано дека Х. К. е лицето што се јавува во Службата за итна медицинска помош во Скопје, со што постапил спротивно на Законот за прекршоците против јавниот ред и мир, поточно член 16, бидејќи лажно повикувал помош и пријавувал настан“, соопшти полицијата.
На 15.9.2020, во 16.30 часот, во просториите на Полициската станица Центар бил извршен разговор со него, при што појаснил дека на 13.9.2020 околу 2 часот по полноќ, додека бил во парк во општина Аеродром и правел видео, се јавил во Службата за итна медицинска помош и го сторил делото.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Три лица повредени во сообраќајна несреќа на локалниот пат Куманово – с.Романовце
Вчера околу 15:30 часот во СВР Куманово било пријавено дека на локалниот пат Куманово – с.Романовце се случила сообраќајна несреќа помеѓу патничко возило „фиат“ со скопски регистарски ознаки, управувано од С.М.(25) од Скопје и патничко возило „опел“ со гостиварски регистарски ознаки, управувано од Г.Д. (29) од Скопје.
Во несреќата со тешки телесни повреди се здобил Г.Д., констатирани во Комплекс клиники „Мајка Тереза“ во Скопје, а со телесни повреди се здобиле С.М. и неговиот сопатник Ф.С., констатирани во Општата болница Куманово.
Увид на местото извршила увидна екипа од СВР Куманово.
Црна хроника
Скопјанец во дворот пронашол залутано зрно од огнено оружје
Вчера во 11.20 часот во СВР Скопје, Д.С.(73) од Скопје пријавил дека во дворот од семејната куќа на подрачјето на Драчево пронашол залутано зрно од огнено оружје.
Извршен бил увид од увидна екипа од СВР Скопје, а зрното било подигнато за понатамошна постапка.
Црна хроника
35-годишен кавадарчанец му се заканувал на градоначалникот на општината
Закани од 35 годишен кавадарчанец добил градоначалникот на Општина Кавадарци, Митко Јанчев.
Вчера во 23.35 часот во Кавадарци, полициски службеници од Полициската станица Кавадарци го лишиле од слобода П.Н.(35) од Кавадарци, затоа што агресивно се однесувал кон М.Ј.(43) од Кавадарци и му упатил закани.
Тој е задржан во полициска станица и по целосно документирање на случајот против него ќе биде поднесена соодветна пријава.