Спорт
Петмина мора да ја напуштат Барса до 5 октомври
До крајот на преодниот рок фудбалскиот клуб Барселона има план да се ослободи од уште петмина фудбалери. Преодниот рок во Европа трае до 5 октомври.
Новиот тренер на Барселона Роналд Куман веќе успеа да се ослободи од Иван Ракитиќ, Артуро Видал и Нелсон Семедо. Ракитиќ и Видал заминаа во Севилја односно Интер за симболични суми, клубот ќе може да заработи од бонусите, додека Семедо во Вулверхемптон оди за 38.000.000 евра.
Најголем проблем во овој момент за Барселона е Луис Суарез. Куман му порача на фудбалерот да си бара нов клуб, тој сака да замине но само под услов Барселона да му ај исплати последната година од договорот. Според медиумите Барселона биле подготвени да му исплатат само пола сума, или околу 7.000.000 евра.
Во меѓувреме на Суарез му пропадна трансферот во Јувентус, а тој ги одбил понудите од Рома и Интер Мајами. Се шпекулира дека тој е најблиску до трансфер во Атлетико Мадрид.
Останатите играчи кои треба да заминат до крајот на преодниот рок се Жан-Клуб Тодибо, Самуел Умтити, Матеус и Рафиња Алкантара.
За Умтити и Матеус нема понуди, Алкантара сака да се врати во Селта но клубот од Виго нема 15.000.000 евра колку што бара Барселона, додека за Тодибо интерес покажуваат неколку екипи од Бундес лигата.
Во оваа група спаѓа и талентираниот Рики Пуѓ, кого Барселона сака да го вметне во пакетот што ќе му го понуди на Ајакс за десниот бек Сержињо Дест.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Борусија е во финалето на ЛШ – Хумелс го замолкна Париз
Фудбалерите на Борусија Дортмуд први изборија пласман во финалето на Лаигата на шампиони. „Милионерите“ и во реваншот го совладаа ПСЖ со 1:0. Стрелец на единствениот гол во Париз беше Матс Хумелс во 50.минута. Борусија по пауза ид 11 години е се бори за европската круна. Противник во финалето на „Вембли“ ќе и биде подобриот од второто полуфинале меѓу Реал Мадрид и Баерн Минхен.
ПСЖ имаше повеќе од играта, напаѓаше во првото полувреме, а во офанзива тргнаа во вториот дел, но Килијан Мбапе и соиграчите немаа доволно спортска среќа. Дури четири пати во второто полувреме ја погодија рамката од голот – двапати стативата и исто толку гредата.
И во првиот натпревар Французите двапати ја погодија стативата (Мбапе и Хакими), но ќе остане запишано дека во 180 минути не успеаја ниту еднаш да го совладаат голманот на Борусија, Кобел.
Стрелец на единствениот гол беше ветеранот Матс Хумелс во 50. минута. Јулијан Бранд одлично изведе корнер, а искусниот дефанзивец со глава го совлада Џиџи Донарума.
Спорт
Нан го однесе ПАО на завршниот турнир во Берлин
Кошаркарите на Панатинаикос по пауза од 12 години изборија пласман на завршниот турнир во Евролигата. Вечерва пред 20.000 навивачи во „ОАКА“, Панатинаикос ја доби мајсторката против Макаби со 81:72.
Панатинаикос клучната предност ја направи во воведните четири минути од последната четвртина, период во кој Макаби постигна само два поени.
Големо влијани врз конечниот резултат имаше и односот на слободните фрлања, Панатинаикос изведе 35, Макаби само 10.
Најефикасен во победата на Панатинаикос беше Кендрик Нан со 26 поени, Костас Слукас имаше уште една добра партија со 15 поени и шест скока, додека Хуанчо Ерненгомес постигна 11 поени. Матијас Лесор беше блиску до дабл-дабл учинок со девет поени и 11 скока. Францускиот центар од линијата за слободни фрлања погоди три пати од 14 обиди.
Кај Макаби најефикасен беше Лоренцо Браун со 17 поени.
На завршниот турнир во Берлин од 24 до 26 мај, Панатинаикос во полуфиналето ќе игра против победникот од четвртфиналето меѓу Монако и Фенербахче.
Спорт
Сашко Кедев на Велигден го искачи Макалу (8.485), петтиот највисок врв на светот
Кардиологот и алпинист Сашко Кедев утрото на Велигден се искачи на врвот Макалу кој е висок 8.485 метри и е петти највисок планински врз во светот.
Кедев со експедиција од четворица меѓународни алпинисти и петмина шерпаси се искачи на Макалу. Тој е првиот акедонец кој се искачил на овој врв.
Беше во придружба на искусниот Кили Пемба Шерпа, кој беше еден од 10-те непалски планинари кои се искачија на К2 во 2021 година.
Во историскиот успех на Кедев се запишани и врвовите Монт Еверест (8.848), К2 (8.611), Далагири (8.167), Манаслу (8.163), Броуд пик (8.051), Анапурна (8.091 метри), Cho Oyu (8.201), Нанга Парбат (8.126).