Свет
(Видео) Борбите околу Нагорно-Карабах траат со часови, има мртви и ранети војници и цивили
Парламентот на Азербејџан прогласи воена состојба и полициски час во неколку региони по вооружениот конфликт со Ерменија околу Нагорно-Карабах, јавува Ројтерс. Азербејџанскиот претседател Илхам Алиев рече дека има мртви и ранети меѓу цивилното население и меѓу војниците, откако ерменските сили отворија оган по линијата на раздвојување.
Огнот беше отворен од разни оружја, вклучително и од голем калибар, рече Алиев, наведувајќи дека „ова е уште една воена провокација од Ерменија“. Тој посочи дека Азербејџан нема да молчи за постапките на Ерменија.
Azerbaijan Air Force drone destroying Armenian air defences #Azerbaijan #Armenia pic.twitter.com/EySJEMJo1n
— CNW (@ConflictsW) September 27, 2020
Лидерот на Нагорно-Карабах, Араик Артјунјан, рече дека започна мобилизацијата на сите граѓани над 18 години и дека е прогласена воена состојба во земјата.
И во Ерменија премиерот Никол Пашинијан прогласи воена состојба и општа мобилизација.
Регионот Нагорно-Карабах објави дека 16 војници биле убиени, а над 100 се ранети во утринските судири со азербејџанските сили.
Утрово избувнаа судири меѓу ерменските и азербејџанските сили околу Нагорно-Карабах, област со мнозинство Ерменци, која прогласи отцепување од Азербејџан во 90-тите години на минатиот век. Во текот на денот, ерменската влада прогласи воена состојба и општа мобилизација поради ескалацијата на конфликтот во Нагорно- Карабах, а истото го стори и Азербејџан, пренесува Ројтерс.
Ерменија и Азербејџан се во конфликт подолго време поради одвоениот азербејџански мнозински ерменски регион Нагорно-Карабах, а граничните конфликти се интензивираат во последните месеци.
Единиците на одбраната на Карабах му нанесуваат штета на непријателот во однос на опремата и персоналот.
Видеото прикажува серија артилериски напади врз колона непријателски тенкови и борбени возила на пешадија. Одбраната на Нагорно-Карабах им нанесува моќни и прецизни удари на азербејџанските позиции и оклопните возила. Видеото за нападот го објави прес-службата на Министерството за одбрана.
???? At dawn, Azerbaijani troops launched a counter-offensive operation along the entire front line, in order to prevent the Armenian armed forces from fighting in the area of unrecognized Nagorno-Karabakh@serious_war_eng pic.twitter.com/LXDqVkmeI0
— Serious War (@serious_war_eng) September 27, 2020
Како што пишува портпаролот на ерменскиот министер за одбрана, Шушан Степанјан, на својот Фејсбук, претходницата на АО Карабах извршува успешни казнени дејства, нанесувајќи му човечки и технички штети на непријателот.
Clashes have broken out between #Armenia and #Azerbaijan in the disputed Nagorno-Karabakh region, with at least one Azerbaijani helicopter shot down. https://t.co/4H9o80qodT
— Jake Hanrahan (@Jake_Hanrahan) September 27, 2020
Министерството за одбрана на Ерменија преку соопштение тврди дека Азербејџан изгубил 4 хеликоптери, 15 дронови и 10 тенкови и борбени возила во конфликтите во Нагорно-Карбах, пренесува РИА Новости. Министерството за одбрана на Ерменија објави и снимки од уништување на тенкови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Претседателот на Колумбија: Ги раскинуваме дипломатските односи со Израел
Колумбискиот претседател Густаво Петро изјави дека ќе ги прекине дипломатските односи со Израел поради војната во Газа.
Петро претходно силно го критикуваше израелскиот премиер Бенјамин Нетанјаху и повика Колумбија да се приклучи на тужбата за геноцид на Јужна Африка против Израел пред Меѓународниот суд на правдата.
„Овде пред вас, владата на промени, претседателот на републиката, најавува дека утре ќе ги прекине дипломатските односи со државата Израел, затоа што има влада, затоа што има претседател геноциден“, рече Петро на собир по повод Меѓународниот ден на трудот.
Светот не може да биде слеп пред настаните во Газа, додаде тој.
Во шестмесечната воена операција на Тел Авив загинаа 34.488 Палестинци, а ранети се 77.643, според здравствените власти во Газа. Војната ги расели повеќето од 2,3 милиони жители на Појасот Газа и го уништи најголемиот дел од крајбрежната енклава.
Најавата на Петро за прекин на дипломатските односи со Израел доаѓа во екот на се почестите шпекулации дека Израел наскоро ќе го нападне градот Рафах во јужниот дел на Газа, каде што се засолниле повеќе од милион Палестинци раселени од своите домови.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.
Свет
Хамас: Одговор за предлогот за примирје и ослободување на заложниците веројатно утре
Водачите на Хамас вечерва рекоа дека го проучуваат предлогот за примирје и ослободување на заложниците што им го претставија египетските посредници и велат дека се надеваат оти ќе го испратат својот одговор до утре, се вели во соопштението на палестинската милитантна група испратена до „Асошиејтед прес“.
Тековната рунда разговори за примирје меѓу Израел и Хамас изгледаат сериозни, но страните се во несогласување за едно клучно прашање – дали војната треба да заврши како дел од договорот, објави „Тајмс оф Израел“.
„Многу веројатно утре, односно четврток, ако даде Господ, посредниците ќе добијат одговор“, соопшти Хамас.
Преговорите меѓу Хамас и Израел, преку посредници како САД, Катар и Египет, траат со недели, а по Париз се водат нови рунди разговори во Каиро.