Свет
Поради вакцината против Ковид-19, може да бидат убиени дури 500.000 ајкули
Експертите за диви животни тврдат дека половина милион ајкули може да бидат убиени во обид да се најде вакцина против Ковид-19.
Природното масло од црн дроб на ајкула се користи како лек и како помошно средство за зголемување на ефикасноста на вакцината.
Исто така, се користи во пробни вакцини против коронавирус.
Доколку лекот што содржи сквален е ефикасен и оди во пошироко производство од организацијата Shark Allies, тие веруваат дека ќе треба да бидат убиени околу 250.000 ајкули за да се обезбеди по една доза за секое лице.
Тој број се удвојува и станува застрашувачки ако на луѓето им требаат две дози вакцина наместо една за да бидат целосно вакцинирани против Ковид-19.
Half a million sharks may be killed in effort to make Covid vaccine, wildlife experts say https://t.co/tKg3P6uRPv
— Daily Mail Online (@MailOnline) September 28, 2020
Стефани Брeндл, основач и извршен директор на Shark Allies, рече дека земањето нешто од диво животно никогаш нема да биде одржливо, особено ако станува збор за предатор кој не се размножува во огромен број.
„Ние не се обидуваме да го забавиме или нарушиме производството на вакцини. Со потребни милијарди дози годишно во децениите што доаѓаат клучно е да не се потпираме на ресурсите на дивиот свет“, напиша таа во објава на „Фејсбук“.
Групата иницира онлајн-петиција со која се апелира да не се користат ајкули во вакцината против Ковид-19, туку постојни и долгорочни одржливи опции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Мапа) Украина мора да се повлече 15 километри на Запад, Бердичи е опколен
Украина се подготвува да ги повлече војниците од Бердичи, јавуваат српските медиуми.
На вооружените сили на Украина во Бердичи им се заканува опкружување по неодамнешната загуба на Новобахмутовка и Соловјов, а според некои воени блогери се очекува повлекување до 15 километри на запад.
Ним им се заканува загуба и на Нетајлов, Карловка, Умански, Новокалинов, Керамик, Архангелски…
По падот на Авдијивка во февруари, Украина одржа линија на одбрана во близина на Бердичи. За време на безмилосните борби во претходните два и пол месеци на тој дел од линијата на фронтот, беа изгубени и неколку американски тенкови Абрамс, обидувајќи се да го запрат напредувањето на руските трупи.
Воениот блогер Рибар наведува дека руските војници напредуваат и кај Новокалинов.
– Напаѓачките групи ја пробија одбраната на украинските формации во центарот на селото во правец на Керамик. Моментално се консолидираат позициите во центарот на селото. Имајќи го предвид налетот од Очеретин во правец на Архангелск, не може да се исклучи дека во блиска иднина вооружените сили на Русија ќе можат целосно да го окупираат Керамик – вели Рибар.
Според него, Русите успеале да ги истуркаат противниците од Семјеновка.
– Остатоците од пешадијата на вооружените сили на Украина под оган на артилерија и беспилотни летала се повлекоа од северната периферија на селото на запад кон Новопокровски. Под контрола на вооружените сили на Русија делумно беа и шумските појаси кај Семјоновка. Борбите во моментов се водат на најзападната периферија на Бердици. Малку е веројатно дека непријателот ќе може долго да држи позиции поради неговото повлекување од Семјеновка. Следната линија на напад на Вооружените сили на Русија најверојатно ќе бидат шумските појаси на делницата Новопокровско – Новоселовка Перваја каде што сега украинските формации динамично градат одбрана – вели Рибар.
Украинскиот телеграмски канал DeepState потврди дека руските војници ги зазеле Семјоновка и Соловиев и дека се водат борби за Керамик.
Свет
Евакуација на аеродромот во Москва поради дојава за бомба
Еден од катовите на зградата на аеродромот Внуково во Москва е евакуиран поради закана за бомба, соопшти полицијата.
„Едниот кат е евакуиран. Во тек е проверка и контрола“, се наведува во соопштението и се додава дека евакуацијата не влијаела на функционирањето на аеродромот.
Евакуиран е седмиот кат од зградата на управата на аеродромот.
Неименуван извор изјавил за агенцијата ТАСС дека евакуацијата уследила по закана за бомба.
– Се проверуваат сите простории и канцеларии – изјавил овој извор.
Свет
Хутите истрелаа три проектили на два брода во Црвеното Море: оштетен британски танкер
Американската војска објави дека јеменските бунтовници Хути лансирале три противбродски балистички ракети врз два брода во Црвеното Море, при што лесно е оштетен британски танкер за нафта.
Американската централна команда (CENCOM) преку соопштение на платформата „Х“ соопшти дека е оштетен танкерот со нафта „МВ Андромеда Стар“, како и дека проектил паднал во близина на друг брод „МВ Маиша“, но не го оштетил.
Хутите од ноември минатата година напаѓаат комерцијални бродови во Црвеното Море и Аденскиот Залив со ракети и беспилотни летала како знак на, како што велат, поддршката на палестинската милитантна група Хамас во конфликтот со Израел во Појасот Газа.