Свет
Француската полиција растури камп за 700 мигранти во Кале
Камп за мигранти во Кале, Франција, во кој беа сместени од 700 до 800 мигранти, беше растурен од француската полиција во вторникот во една од најголемите операции по уништувањето на озлогласената „Џунгла“ во Кале во 2016 година, пренесува „Брејтбарт“.
Францускиот пристаништен град сè уште е како магнет за мигрантите од Блискиот Исток и Африка, кои се надеваат дека нелегално ќе го преминат каналот Ла Манш и ќе стигнат до Обединетото Кралство, каде што, и покрај патувањето од безбедна прва светска земја во Франција, често им се дава можност да побараат азил.
Додека ги чекаат шверцерите за да им овозможат премин преку каналот, во пловни објекти, кои се движат од штици за сурфање и кајаци до гумени чамци, мигрантите често градат импровизирани кампови во француските градови како Кале. Во полициската рација на најновиот логор беа отстранети повеќе од 200 лица во првите два часа од операцијата, од кои 21 беа уапсени.
Луи ле Франк, висок претставник на северниот департман Па-де-Кале, изјави за „Франс прес“ дека владата сака да избегне концентрирање и ново собиралиште во Кале. Ле Франк рече дека операцијата е најголема од ваков вид по демонтирањето на озлогласениот камп „Џунгла“ во Кале, од каде што беа отстранети околу 9.000 мигранти во периодот од 2015 до 2016 година.
„Според мене, ова е пред сè, операција за да им се даде на луѓето безбедно прибежиште. Мигрантите живеат во оваа пошумена област во екстремно тешки услови. Беше важно мигрантите да се истераат пред зимскиот период“, рече Ле Франк.
Мигрантите отстранети во вторникот наводно биле мажи и потекнувале од земји како Сомалија, Судан, Иран, Ирак и Еритреја.
Од приближно 700 мигранти отстранети во вторникот, 150 ќе бидат пренесени во центар за прием на мигранти, 150 во други департмани во Северна Франција, а преостанатите 500 ќе бидат распределени во другите региони на Франција.
Француската влада тврди дека во областа Кале во моментот живеат 1.000 мигранти, меѓутоа локалните групи за поддршка на мигранти сугерираат дека бројот е веројатно приближно 1.500.
Од почетокот на годината француската влада спречи 1.317 мигранти да го преминат Ла Манш. Во истиот временски период евидентирано е дека речиси 7.000 мигранти стигнале до британските брегови, а многумина останале неоткриени.
Во август беше евидентирана првата смрт во Ла Манш, со извештаи во медиумите кои лажно тврдеа дека удавениот мигрант бил тинејџер. Подоцна беше откриено дека Абдулфатах Хамдалах, Суданецот кој бил жител на мигрантскиот камп во Кале, всушност бил 28-годишник, чие барање за азил Франција го одбила.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Албанија размислува за прво министерство управувано од вештачка интелигенција
Албанија ја интензивира употребата на вештачката интелигенција (ВИ) во државното управување со цел да го забрза процесот на пристапување кон Европската Унија и борбата против корупцијата, соопшти владата на земјата.
Албанскиот премиер Еди Рама минатиот месец ја објави можноста за формирање министерство што целосно би било управувано од вештачка интелигенција опишувајќи ја ВИ како најефикасен иден член на владата, пишува бриселски „Политико“.
„Еден ден можеби дури и ќе имаме министерство што ќе биде целосно управувано од вештачка интелигенција. На тој начин нема да има непотизам или судир на интереси“, рече Рама на прес-конференција во јули осврнувајќи се на дигитализацијата.
Локалните ИТ-експерти веќе развиваат модели што би можеле да се користат за избор и назначување дигитални министри, а Рама сугерира дека Албанија би можела да стане првата земја со цела влада базирана на вештачка интелигенција, вклучувајќи го и премиерот.
Иако идејата сè уште не е преведена во официјалната политика, вештачката интелигенција веќе се применува во неколку сектори на државната администрација: од контролата на јавните набавки и следењето на даночните и царинските трансакции до откривањето нелегална градба, надзор на плажите и на плантажите со канабис со помош на дронови и сателити.
Со цел да се подобри безбедноста на патиштата властите планираат да користат препознавање лица за да испраќаат дигитални предупредувања и казни до возачите.
Вештачката интелигенција се користи и во дигиталните јавни услуги – повеќе од 95 проценти од административните услуги се достапни преку порталот e-Albania, каде што на граѓаните им помага виртуелен службеник за вештачка интелигенција.
Според владини податоци, платформата овозможила повеќе од 49 милиони трансакции и им заштедила на граѓаните повеќе од 600 милиони евра.
Албанија ги почна преговорите за членство во ЕУ во 2022 година, а вештачката интелигенција сега се користи за преведување и анализа на сложени правни документи во процесот на усогласувањето со законодавството на ЕУ, кое опфаќа речиси 250.000 страници.
Иако властите ги нагласуваат предностите на технологијата, експертите и опозицијата предупредуваат дека вештачката интелигенција не е замена за реформите.
Како дел од промотивните активности, вештачката интелигенција беше користена и за создавање анимирани бебешки верзии на европските лидери на самитот во Тирана во мај, кои ги пречекаа гостите со дигитални гласови на нивниот мајчин јазик.
Европа
Кремљ: Договорен распоредот за разговорите Путин – Трамп, ќе има и прес-конференција
Договорен е распоредот за разговорите меѓу американскиот претседател Доналд Трамп и рускиот претседател Владимир Путин, изјави советникот на Кремљ, Јуриј Ушаков.
Тој рече дека тоа ќе биде приватна средба, со преведувачи, за време на која ќе се дискутираат чувствителни прашања.
Централна тема на состанокот ќе биде решавањето на кризата во Украина, но двајцата лидери ќе разговараат и за трговската и за економската соработка, рече Ушаков.
Средбата ќе почне во 11.30 часот по локално време, а времетраењето на разговорите ќе зависи од тоа како ќе се одвива дискусијата, рече Ушаков.
На крајот од самитот двајцата ќе одржат заедничка прес-конференција. Трамп и Путин ќе имаат и поширок состанок со делегациите и работен појадок, објави „Скај њуз“.
Европа
(Видео) Зеленски пристигна на средбата со британскиот премиер
Украинскиот претседател Володимир Зеленски пристигна на Даунинг стрит, каде што беше пречекан од британскиот премиер Кир Стармер, објави „Скај њуз“.
Даунинг стрит не даде многу детали за темите на нивните разговори, но средбата се случува само еден ден пред американскиот претседател Доналд Трамп да се сретне со рускиот претседател Владимир Путин на Алјаска за да разговараат за прекин на огнот во Украина.
BREAKING: Volodymyr Zelenskyy arrives at Downing Street and is greeted by Sir Keir Starmer.
The meeting comes just a day before Donald Trump meets Vladimir Putin in Alaska to discuss a ceasefire in Ukraine.https://t.co/rrfAtUSjPC
📺 Sky 501 and YouTube pic.twitter.com/tk9jzCellw
— Sky News (@SkyNews) August 14, 2025
Двајцата мажи се прегрнаа и се ракуваа игнорирајќи ги прашањата од новинарите пред да влезат внатре, објави „Скај њуз“.
фото: принтскрин
Кремљ: Договорен распоредот за разговорите Путин – Трамп, ќе има и прес-конференција
Договорен е распоредот за разговорите меѓу американскиот претседател Доналд Трамп и рускиот претседател Владимир Путин, изјави советникот на Кремљ, Јуриј...
„Филипче да одговори дали јахтата на која плови со Заев е купена со пари од државни тендери“, прашува ВМРО-ДПМНЕ
„На лицемерието на СДС му нема крај. Додека на прес-конференции и преку соопштенија глумат загрижени за стандардот на граѓаните, нивниот...
Активни два пожара на територијата на Македонија, под контрола ставени три
Центарот за управување со кризи извести дека во последното деноноќие, до 7 часот утрово на територијата на Македонија имало вкупно...
ДОМ: Катастрофално однесување на владејачката коалиција во услови на екстремен топлотен бран, Владата ги заборави работниците
Демократска обнова на Македонија (ДОМ) остро реагира на „катастрофалното однесување на владејачката коалиција во услови на екстремен топлотен бран“. ДОМ...
Вучиќ: Тешка вечер за граѓаните на Србија, со некое чудо успеавме да го зачуваме мирот
Српскиот претседател Александар Вучиќ ги обвини демонстрантите за насилство синоќа, во услови на бран нови антивладини протести, и рече дека...
(Видео) Украинците нападнаа рафинерија за нафта во Волгоград, избувна пожар
Во напад со дронови во текот на ноќта беше погодена рафинерија во рускиот град Волгоград, предизвикувајќи излевање на нафта и...
Откриено е што ѝ понуди Трамп на Украина во замена за прекин на огнот; Оптимизам во Европа
Американскиот претседател Доналд Трамп им кажал на европските лидери и на украинскиот претседател дека САД се подготвени да обезбедат безбедносни...
Каде ќе се одржи самитот Трамп – Путин? Локацијата има големо историско значење
Средбата меѓу американскиот претседател Доналд Трамп и рускиот претседател Владимир Путин в петок ќе се одржи во Елмендорф-Ричардсон, воена база...
(Видео) Судир меѓу поддржувачите на СНС и граѓани во Нови Сад, маж извади пиштол
Во близина на просториите на Српската напредна партија во Нови Сад, избувна судир меѓу поддржувачите на СНС и Александар Вучиќ...
Британски „Тајмс“: Новиот план на Трамп – Украина ќе ги зачува своите граници, но територијата ќе биде окупирана од Русите?
Русија и САД разговарале за израелската окупација на Западниот Брег како можен модел за завршување на војната во Украина, дознава...
Трамп по разговорот со европските лидери и со Зеленски: Русија ќе се соочи со последици ако не се движи кон мировен договор
Американскиот претседател Доналд Трамп изјави дека денешниот разговор со европските лидери и украинскиот претседател Володимир Зеленски бил „многу добар“. „Тој...
Зеленски не го промени својот став за територијалните отстапки
На прашањето дали го променил својот став за предавањето на источниот регион Донбас по денешните разговори, украинскиот претседател Володимир Зеленски...
Што сакаа да постигнат европските лидери преку разговорот со Трамп?
Можноста, американскиот претседател Доналд Трамп самиот да седне со Владимир Путин, предизвика нервоза кај европските лидери. Иако Трамп јавно покажа...
(Видео) Повторно излезе од контрола пожарот во Јасен
Состојбата со пожарот во ловиштето Јасен е променлива, и во моментот не е воспоставена контрола, информираше директорот на Дирекцијата за...
Според очевидците пожарот кај Јасен бил разгорен од удар на гром, Мицкоски вели се прават натчовечки напори
Премиерот Христијан Мицкоски денеска заедно со директорот на Дирекцијата за заштита и спасување беше во ловиштето „Јасен“, каде што веќе...
Уставен оформи предмет за вториот протокол меѓу Македонија и Бугарија
Уставниот суд оформи предмет по иницијатива на Лилјана Поповска, со која се оспорува протоколот од вториот состанок на Заедничката меѓувладина...
Почина оперската дива Милка Ефтимова
Почина оперската примадона Милка Ефтимова, доајен на Македонската опера и амбасадор на македонската уметност и култура во светот. Во својата...
(Видео) Мицкоски: Рамковниот договор 24 години потоа донесе мир и стабилност
Рамковниот договор е потсетник на една длабока вистина – дека државата ја имаме само ако ја чуваме заедно, по пат...
Уапсен скопјанец, фрлал камења кон полициски хеликоптер додека полнел вода за гаснење пожар
Вчера вечер, во 18:55 часот, полициски службеници од ПС Карпош го лишија од слобода И.А. (55) од Скопје поради сомнение...
ЦУК: Изгаснати 28, активни три пожари
До 08:00 часот, на територијата на Македонија имаше вкупно 33 пожари на отворен простор, од кои активни се три пожари,...
