Спорт
ЛШ: Мешков со шокантен триумф над ПСЖ, потегот на мечот го имаше Скубе
Мешков Брест стигна до славна 32:31 (19:14) победа над огромните фаворити Пари Сен-Жермен во третото коло на ЕХФ Лигата на шампионите, за да го остави тимот на поранешниот тренер на Вардар, Раул Гонзалес без победа во новата сезона.
Белорускиот клуб имаше фантастично прво полувреме во кое направи предност од пет гола, предводен од Микита Ваилупау и Сташ Скубе, за потоа во драматичното второ полувреме да го изддржи камбекот на францускиот клуб. Ваилупау заврши со седум гола, Марко Паниќ додаде шест, а Скубе имаше четири, додека за ПСЖ не помогнаа седумте гола на Даинис Криштопанс.
WATCH: Stas Skube with a lovely 360 spin and finish to bamboozle the @psghand defence to send the @meshkovbrest fans wild! #ehfcl pic.twitter.com/eL901npIgG
— EHF Champions League (@ehfcl) September 30, 2020
Веспрем, пак, не си дозволи ваков луксуз и стигна до победа на гости кај Мотор Запорожје од 37:34 (17:18) за трета победа во три меча во ЛШ. Петар Ненадиќ уфрли осум гола, Мораеш имаше шест, а Борозан пет за унгарскиот тим, а нашиот Дејан Манасков постигна еден гол.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.
Спорт
Васкес ќе го продолжи договорот со Реал
Реал Мадрид речиси сигурно ќе го продолжи договорот со Лукас Васкез.
Реал ги прекина преговорите за нови договори до крајот на сезоната, бидејќи се очекува тимот да играа во финалето на Лигата на шампионите. Тимот оваа сезона ја освои титулата во Примера и игра во полуфиналето на Лигата на шампионите.
На многу играчи им истекуваат договори на крајот од сезоната и тренерот Карло Анчелоти треба да донесе одлука за составот за следната сезона, а како што пренесоа денеска шпанските медиуми, тренерот сака Васкез да остане уште една година.
Фудбалерот и управата сакаат соработката да продолжи, а Васкез се истакна со своите настапи во претходните недели.
Васкез ќе наполни 33 години во јули и е подготвен за 10-та сезона во Реал Мадрид, а двете страни се блиску до договор.
Се очекува Начо Фернандез и Лука Модриќ да го напуштат Сантијаго Бернабеу.
Спорт
Јунајтед три недели ќе биде без Мегваер
Фудбалерот на Манчестер Јунајтед, Хари Мегваер ќе отсуствува три недели поради повреда на мускулот.
Мегваер се повреди на тренинг, има шанса да игра во финалето на ФА Купот, а како што денеска објави „Скај Спортс“, се очекува да биде подготвен за Европското првенство.
Финалето на ФА Купот меѓу бранителот на титулата Манчестер Сити и Манчестер Јунајтед ќе се одигра на 25 мај во Лондон.
Европското првенство е закажано од 14 јуни до 14 јули во Германија.
Тренерот на Јунајтед, Ерик тен Хаг има големи проблеми во последната линија на тимот, бидејќи се повредени Рафаел Варан, Лисандро Мартинес и Виктор Линделоф.
Дефанзивецот Џони Еванс се врати на тренинзите но неизвесно е дали ќе биде во составот за натпреварот вечерашниот напревар Кристал Палас.