Свет
ОН тврдат дека многуте нелегални мигранти со бродови не се закана за Британија

Рекордниот број нелегални имигранти шот го преминале Ла Манш – речиси 7.000 или повеќе од тројно од 2019 година, не претставува закана за Велика Британија, па дури може да биде и благодат за даночните обврзници, тврдат Обединетите нации (ОН).
Зборувајќи пред Комитетот за внатрешни работи на британскиот Парламент во средата, претставници од меѓународното тело тврдеа дека Велика Британија треба да отвори нови канали што ќе им дозволат на многу повеќе нискоквалификувани и неквалификувани мигранти од третиот свет легално да влезат во земјата за да ги спречат поединците да плаќаат за трговија со луѓе.
Претставничката на УНХЦР во Велика Британија, Росела Паључи-Лор, им рече на пратениците дека илјадниците луѓе што влегле во Велика Британија во последните месеци не се проблем. Таа тврди дека единствените опасности од ситуацијата се ризиците за животот на мигрантите што патуваат преку каналот во гумени чамци заедно со уште еден друг вид ризик, а тоа е критичкото известување за феноменот во медиумите.
„Луѓето што ќе ги најдете во чамците се речиси истите што во спротивно би ги нашле во некој камион. Нема вистинска разлика – главниот ризик е за нив во однос на опасноста од самиот премин“, вели таа.
Паључи-Лор исто така ја отфрли идејата дека чамците може да се вратат назад во Франција нагласувајќи дека обидите да се направи ова може да ги доведе во опасност животите на мигрантите и затоа не треба да бидат опција за Велика Британија.
Пагључи-Лор и Винсент Кочетел, специјален пратеник на УНХЦР за нелегална имиграција во Европа преку медитеранската рута, изјавија дека Велика Британија е популарна дестинација за мигрантите поради нејзината репутација на шампион во мултикултурализмот и ја повикаа владата да создаде безбедни, легални патишта за миграција.
„Во моментот правилата за повторно обединување на семејството во Велика Британија се прилично ограничувачки. ОН се залага за малку пошироко дефинирање на семејството“, се пожали Паљчи-Лор објаснувајќи дека владата ги ограничува барањата на членовите од потесното семејство, како што се родителите и децата.
Таа тврди дека огромното ширење на миграцискиот синџир нема да претставува огромен товар за Велика Британија и нејзиниот систем на социјална помош и јавните служби.
Како одговор на прашањето дали би било поекономично за Велика Британија да им помага на бегалците во конфликтните области отколку да ги преселува тука, Паључи-Лор посочи дека видела студија која покажува дека мигрантите придонеле повеќе во британската каса отколку што чинат во услугите.
Всушност, промиграциските истражувачи од Универзитетскиот колеџ во Лондон, спонзорирани од ЕУ, откриле дека миграцијата од надвор од Европа ги чинела британските даночни обврзници 118 милијарди фунти помеѓу 1995 и 2011 година.
Студии во цела Европа дошле до слични заклучоци откривајќи дека мигрантите од третиот свет и нивните потомци се значително поверојатно да бидат невработени или со ниско платена работа отколку домородното население.
Повикот на ОН за Велика Британија да ги прошири можностите за миграција доаѓа неколку дена откако невладините организации, заедно со повеќе од 70 инфлуенсери, упатија слични барања до владата за значително зајакнување на имиграцијата од најсиромашните земји во светот преку обединување на семејството.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Папата апелира за траен прекин на огнот во Газа и ослободување на заложниците

Папата денес упати силен апел до глобалната заедница да го прекине речиси двегодишниот конфликт меѓу Израел и Хамас повикувајќи на траен прекин на огнот, ослободување на заложниците во Газа и обезбедување хуманитарна помош.
„Уште еднаш упатувам силен апел да се прекине конфликтот во светата земја, кој предизвика толку многу терор, уништување и смрт“, рече папата на својата неделна аудиенција во Ватикан.
„Барам ослободување на сите заложници, постигнување траен прекин на огнот, олеснување безбеден влез на хуманитарна помош и целосно почитување на меѓународното хуманитарно право“, рече тој.
Папата не ги именува Израел или палестинската милитантна група Хамас, но рече дека меѓународното право бара „обврска за заштита на цивилите, забрана за колективно казнување, неселективна употреба на сила и присилно раселување на населението“.
Фото: принтскрин
Свет
Стаб: Само притисок може да ја принуди Русија да преговара

Финскиот претседател Александар Стаб изјави дека е потребно да се изврши силен притисок врз Русија за да се постигне напредок во наоѓањето мирно решение за конфликтот во Украина.
По телефонскиот разговор со украинскиот претседател Володимир Зеленски, Стаб напиша на социјалната мрежа X дека „се спроведува планот за сигурна поддршка на безбедноста на Украина“ нагласувајќи дека Киев е подготвен за мир, а „Русија само чека време“.
„Мора да извршиме притисок врз Русија да седне на преговарачка маса“, рече финскиот претседател додавајќи дека Хелсинки, заедно со своите партнери, ќе продолжи да се стреми кон „праведен мир за Украина“.
Еден ден претходно Стаб истакна дека рускиот претседател Владимир Путин не може да биде убеден во мирот преку Западот, туку преку влијанието на земјите од Истокот, кои одржуваат трговски врски со Москва. Затоа предложи воведување тарифи против земјите што ја продолжуваат економската соработка со Русија.
Финскиот претседател исто така изрази надеж дека „трпението на американскиот претседател Доналд Трамп со Москва набргу ќе истече“ нагласувајќи дека само нови санкции и царини може да ја принудат Русија да го прекине конфликтот.
Фото: принтскрин
Европа
(Видео) Украинци: Експлодира главниот нафтовод што ја снабдува Москва

Главниот нафтовод што испорачува нафтени деривати во Москва експлодира во рускиот регион Рјазан, дознава „Укринформ“ од извор во Одбранбена разузнавачка служба на Украина (ДИУ).
Според нив, вчера се случила силна експлозија на нафтоводот „Рјазан-Москва“, еден од главните правци за снабдување на руската престолнина со нафтени производи.
Според извори на ДИУ, откога локалните канали на „Телеграм“ во Рјазан пријавија гласна експлозија на дел од цевководот, избувна голем пожар. Пожарникарите и амбулантните возила беа испратени во рок од неколку часа за да го изгаснат пожарот, објави „Укринформ“.
An explosion reportedly hit the Ryazan-Moscow oil pipeline on August 26, one of the key fuel supply routes to the Russian capital. The pipeline, repurposed in 2018 by Transneft to transport gasoline—also used by Russia’s military—is now out of operation, RBC-Ukraine reports. pic.twitter.com/qF3Yz4M60X
— NOELREPORTS 🇪🇺 🇺🇦 (@NOELreports) August 27, 2025
Жителите пријавија дека полицијата и други тимови се во областа на селото Божатково во регионот Рјазан работејќи на отстранување на последиците од експлозијата и пожарот.
Според украинските медиуми, од 2018 година овој цевковод е пренаменет за снабдување со бензин на компанијата „Транснефт“, која исто така снабдува гориво и за руската војска.
Според ДИУ, инцидентот предизвикал протокот на нафтени производи кон Москва да биде суспендиран на неодредено време.
фото: принтскрин