Спорт
ЛЕ: Пенал-лудница во Португалија – Милан се „протна“ по 12 серии од белата точка!
Седумкратниот европски шампион и поранешен гигант на европските натпреварувања, Милан со судни маки успеа да влезе во групната фаза на Лига Европа, откако на гостувањето кај Рио Аве во еден луд меч победи по 12 пенал серии , откако по 90 минути беше 1:1, а по 120 минути 2:2.
Алексис Салемекерс ги донесе Милан во водство во 51. минута, меѓутоа во 72. минута Жералдес израмни на 1:1. Само што почна продолжението, Желсон стрелаше за 2:1, пред во драматична завршница да биде досуден пенал за Милан, кој Хакан Чалханоглу го претвори во гол за 2:2 и пенали.
Тогаш почна вистинската драма – првите седум изведувачи на пенали на двата тима беа прецизни, пред нервите да го направат своето. Лоренцо Коломбо, Исмаел Бенасер и голманот Џанлуиџи Донарума утнаа пенали за Милан, меѓутоа, клучна беше деконцентрацијата кај домаќините, кои промашија неверојатни три пенали во низа, за да бидат исфрлени во неверојатен меч.
Тотенхем на Жозе Мурињо немаше ваков проблем, откако со 7:2 го „здроби“ израелскиот претставник Макаби Хаифа – Хери Кејн постигна хет-трик, Џовани Ло Селсо додаде два гола, а стрелци беа и Лукас Моура и Деле Али.
Глазгов Ренџерс со 2:1 го исфрлија Галатасарај, додека Спортинг Лисабон доживеа домашна катастрофа против австрискиот ЛАСК, губејќи со 1:4.
ЛИГА ЕВРОПА, БАРАЖ
Базел (Шва) – ЦСКА Софија (Буг) 1:3
Дандалк (Ирс) – Клаксвик (Фар) 3:1
Јанг Бојс (Шва) – Тирана (Алб) 3:0
АЕК (Грц) – Волфсбург (Гер) 2:1
Ренџерс (Шко) – Галатасарај (Тур) 2:1
Рио Аве (Пор) – Милан (Ита) 1:1, 2:2 по продолженија, 8:9 пенали
Спортинг Лисабон (Пор) – ЛАСК Линц (Авт) 1:4
Тотенхем (Анг) – Макаби Хаифа (Изр) 7:2
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Цела Европа зборува за голот на Мики ван де Вен
Холандскиот дефанзивец Мики ван де Вен го претрча целиот терен и постигна гол што ја воодушеви Европа.
Кога ќе ве споредат со Лионел Меси, знаете дека сте постигнале нешто посебно, а доколку си дефанзивец тогаш сето тоа звучи нереално.
Мики ван де Вен постигна гол во победата на Тотенхем од 4-0 над Копенхаген во Лигата на шампионите, додека неговиот тим беше под притисок. Холандскиот дефанзивец ја собра топката на работ од својот шеснаесетник и наместо да ја шутне што подалегу од својот гол, тој реши да тргне напред.
За неколку секунди, тој помина еден, потоа втор, па трет играч, се протна меѓу двајца на средината на теренот и ја остави одбраната на Копенхаген зад себе.
Публиката веќе беше на нозе кога Ван де Вен се најде лице в лице со голманот Доминик Котарски, и мирно ја испрати топката во мрежата.
Многумина овој гол го нарекоа еден од најубавите во историјата на Лигата на шампионите.
This is the best goal I’ve seen in 2025 — Micky Van de Ven is the name.
pic.twitter.com/ILbUGUwdQn— TheScreenshotLad (@thescreenlad) November 4, 2025
„Изгледаше како Лионел Меси да се претвори во Мики ван де Вен, трча од својот гол до противничкиот и ја завршува акцијата“, рече менаџерот на Спарси, Томас Франк, по натпреварот.
„Почнав да дриблам за да видам дали ќе ме стигнат. Се чувствував одлично, како да можам да трчам бескрајно“, скромно изјави Ван де Вен за „ТНТ Спортс“.
Додека самиот актер се обидуваше да остане смирен, фудбалскиот свет беше воодушевен.
„Еден од најдобрите голови што некогаш ќе ги видите“, рече поранешниот англиски репрезентативец Овен Харгривс.
„Тој претрча половина од тимот, ја задржа својата сила и ладнокрвно ја заврши акцијата. Гол на сезоната – крај на приказната“.
Поранешниот дефанзивец на Манчестер Сити, Недум Онуоха, реагираше слично.
„Тоа е брилијантен гол. Има брзина и моќ, а кога дефанзивецот ќе започне таков пробив, никој не знае кој треба да го запре“.
Споредби се направени и со легендарниот гол на Хеунг-Мин Сон против Барнли во 2019 година, кој го доби трофејот Пушкаш.
Спорт
(Видео) Баерн на Компани влезе во историјата
Со победата над Пари Сен Жермен во Париз (1:2), Баерн не само што остана на врвот на Лигата на шампионите со максимален учинок, туку постави и нов рекорд по бројот на последователни победи од почетокот на сезоната.
Секогаш кога Баерн ќе влезе во серија на победи, се зборува за совршено подмачканата баварска машина.
Тимот од клупата предводен од Венсан Компани, знае само за победи од почетокот на сезоната. И тоа во сите натпреварувања.
Баварците одиграа 16 натпревари во сите натпреварувања и забележаа ист број победи.
Имаат девет во Бундеслигата, четири во Лигата на шампионите, две во купот и една на почетокот на сезоната во Суперкупот на Германија. Значи вкупно 16 победи со гол разлика од 56:11. Едноставно кажано – брутална доминација.
Спорт
Ѓоковиќ не е сигурен дека ќе игра во Торино
Новак Ѓоковиќ со победа стартуваше на турнирот од серијата 250 во Атина. Заабележа победа над Алехандро Табило со 7:6, 6:1. По мечот одоговри на шпекулациите околу настапот на Завршниот Мастерс во Торино.
Анџело Бинаџи, кој е претседател на Италијанската тениска асоцијација од 2001 година, изјави дека Новак Ѓоковиќ ќе игра на Завршниот турнир во Торино.
Ѓоковиќ на прес конференцијата луто ја коментираше оваа изјава на Бинаџи.
„Не знам од каде тој (Бинаџи) ја добил таа информација, не знам од кого. Сигурно не ја добил од мене или од мојот тим. По завршувањето на овој турнир ќе донесам одлука дали ќе играм во Торино“, рече Ѓоковиќ.
Финалниот Мастерс започнува во недела, 9 ноември, денот по финалето на турнирот во Атина.

