Црна хроника
Жена од Гостивар присилила малолетничка на проституција
Педесет и едногодишната Ж.Б од Гостивар во својот угостителски објект присилно држела две девојки од Албанија на возраст од 19 односно 17 години и ги присилувала на проституција, соопшти МВР.
Единицата за трговија со луѓе и криумчарење мигранти при Центарот за сузбивање на организиран и сериозен криминал, до Основното јавно обвинителство за гонење на организиран криминал и корупција, поднесло кривична пријава против лицето Ж.Б. (51) од Гостивар, сопственик и управител на угостителски објект „Делфина“ – Гостивар, поради постоење на основано сомнение дека сторила кривични дела – “трговија со луѓе“ и -“трговија со малолетно лице“.
Пријавената ја злоупотребувајќи ја состојбата на немоќта на двете девојки, а со примена на сила и сериозна закана прифатила, сместила и контролирала заради вршење на трудова и сексуална експлоатација по пат на присилна проституција, две албански државјанки од кои едната малолетна, Џ.М. (19) и Ф.П. (17).
По легалниот влез на албанските државјанки во Македонија (на Ф.П. во текот на март а Џ.М. во текот на мај годинава), двете преку свои познаници, стапиле во контакт со пријавената Ж.Б., при што со истата се договориле да работат во нејзиниот угостителски објект „Делфина“ како келнерки.
Пријавената веднаш им ги одзела патните исправи со изговор да не ги изгубат, а по извесно време, под изговор дека нема доволно промет, не им ја исплаќала дневницата на девојките, туку со примена на закана и физичка сила побарала од нив да даваат сексуални услуги на клиенти, за цена која самата ја одредувала (од 30 – 50 евра).
Парите што биле исплаќани од клиентите за извршената услуга, половина им ги давала на девојките, додека другата половина ја задржувала за себе.
На 30 август, полициски службеници од СВР Тетово – ПС Гостивар, извршиле контрола во УО „Делфина“ – Гостивар во сопственост на пријавената Ж.Б., која во моментот на контролата не била присутна во објектот, а во него се затекнати како работат како келнерки двете албански државјанки, кои со себе немале никакви документи за идентификација.
Со цел утврдување на идентитетот на албанските државјанки, истите се приведени во ПС Гостивар. Пријавената Ж.Б. не е достапна на органите на прогонот./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.
Црна хроника
Тело на починат маж извадено од Вардар во Велес
Полициски службеници од СВР Велес, вчера во 8.30 часот, во водите на реката Вардар блиску до местото наречено „Јаниташ“, пронашле тело на починато машко лице.
Телото на починатиот било извадено од реката од полициски службеници од Одделот за специјални полициски операции при МВР, известуваат од СВР Велес.
Увид извршила увидна екипа од СВР Велес. По наредба на јавен обвинител, телото е дадено на обдукција.