Спорт
Дали Хамес Родригез е најдоброто засилување во Премиер лигата?
Хамес Родригез уште еднаш докажа дека сигурно е едно од најдобрите засилувања во Премиер лигата ова лето, откако вчера ги предводеше Евертон до 4:2 победа над Брајтон со два гола и асистенција, а видеото со неговите најдобри потези во текот на мечот покажува дека Карло Анчелоти направил вистински подвиг кога го донел 29-годишниот Колумбиец на „Гудисон парк“.
Видеото на кое се собрани најдобрите потези на Родригез, покажува дека човекот кој стана ѕвезда на Светското првенство во Бразил во 2014 година, не го загубил својот „магичен“ допир на топката.
Тој го заврши мечот со 94 отсто прецизни додавања од 72 допири на топката, на него беа направени пет фаули и тој креираше две шанси. Досега, во само неколку меча со „карамелите“, тој го подобри бројот на голови од минатата сезона со Реал Мадрид и Анчелоти не беше изненаден.
„Како што кажав веднаш, фудбалерите кои се квалитетни, немаат проблем со адаптацијата. Квалитетот е тука, бидејќи фудбалот не е толку компликувана игра. Теренот е секогаш ист, противниците секогаш се 11 на број, топката е иста, голмот не се мрда… Фудбалот е едноставен спорт, не е многу компликувано“, вели Анчелоти.
James Rodríguez Vs Brightonpic.twitter.com/SNFLi8SdGh
— BNS Comps (@BnsComps) October 3, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јавно се извини поради поразот од Новак Ѓоковиќ – Французионот го анализираше мечот
Французинот Корентин Муте јавно им се извини на сите за поразот од Новак Ѓоковиќ во второто коло на Мастерсот во Рим со 2:0 (6:3, 6:1).
„Се извинувам за мојот настап вечерва. Посакувам да можев себеси и нему да му дадам подобра битка, но не го направив тоа. Ништо освен почит кон Новак, се разбира, за сето она што го постигна и она што го прави за играчите и тенисот. Ќе се обидам повторно да добијам шанса да играм против него“, напиша Муте.
Ѓоковиќ по дуелот се најде среде инцидент, кога шише го погоди во глава.
Новак потоа објави дека се работело за несреќен случај и дека се чувствува добро.
Спорт
Јунајтед сака трејд со Барселона – Бруно за Де Јонг
Бруно Фернандеш е еден од ретките фудбалери на Манчестер јунајтед кој го оправдува своето реноме на теренот. Капитенот не е сигурен дека ќе остане во клубот и наредната сезона.
„Очигледно некои работи не зависат само од мене, нели?“, изјави Бруно Фернандеш и со тоа јасно кажа дека има шанси да го напушти клубот на крајот од сезоната.
Англиските медиуми тврдат дека Бруно и е понуден на Барселона.
Имено, од Манчестер јунајтед се подготвени да го понудат Бруно Фернандеш како дел од трансферот во кој сакаат да го доведат Френки де Јонг од Барселона.
Во текот на целото лето 2022 година, раководството на Манчестер јунајтед се обидуваше да го доведе Холанѓанецот, но на крајот не успеа и на крајот го доведоа Касемиро за 70 милиони фунти.
Де Јонг потоа остана во Барселона, но наводно е на врвот на листата на желби на Сер Џим Ретклиф. Раководството на Манчестер јунајтед не сака да плати 77,5 милиони фунти за него, а тие се подготвени да го понудат Бруно Фернандеш.
Наводната понуда на Манчестер јунајтед до Барселона е 17 милиони фунти и Бруно Фернандеш за Де Јонг, а сега на потег е и раководството на клубот од Шпанија.
Спорт
(Видео) Денвер победи кај Минесота, Индијана славаше над Њујорк
Кошаркарите на Денвер Нагетс ја совладаа Минесота Тимбервулвс со 117:90 и намалија на 2-1 во полуфиналето на Западната конференција.
Нагетс одговорија шампионски по шлаканиците што го добија во првите два натпревари пред своите навивачи во Минеаполис максимално се вратија во серијата.
Јокиќ го заврши натпреварот со 24 поени, 14 скока, девет асистенции, три украдени топки и три блокади.
Џамал Мареј беше одличен со 24 поени и пет асистенции, Мајкл Портер постигна 21, Арон Гордон 13, од кои три тројки на стартот на третиот период, а Кентавијус Колдвел-Поуп 12 поени.
Во поразениот тим Едвардс постигна 19 поени, Таунс 14, а Конли и МекДаниелс по 10 поени.
Следниот натпревар се игра ноќта меѓу недела и понеделник од 02.00 часот.
Кошаркарите на Индијана Пејсерс ги совладаа Њујорк Никс со 111:106, во третиот натпревар од четвртфиналето на НБА плеј-офот.
Пејсерси го намалија резултатот во серијата на 2:1 на домашен терен, Њујорк претходно победи во двата меча на домашен терен.
Тајрис Халибартон го предводеше домашниот тим до победата со 35 поени со четири скока и седум асистенции, а го следеше Паскал Сијакам со 26 поени и седум скока.
Двоцифрен беше и Мајлс Тарнер кој успеа да оствари дабл-дабл учинок, односно 21 поен со 10 скока.
Кај Никс се истакна Донте Дивиченцо со 35 поени со три скока и две асистенции, а го следеше Џејлен Бренсон со 26 поени и шест асистенции.
Следниот дуел е закажан за в недела од 21 часот и 30 минути.