Црна хроника
Притвор за второосомичениот за убиството во ГУЦ, по убиецот се трага
Истражен судија му одреди петнаесетдневен притвор на второосомничениот за насилство, а по шеснаесетгодишниот осомничен за убиството во средното градежно училиште „Здравко Цветковски“ полицијата сѐ уште трага
Според полицијата, причините за инцидентот биле банални. Ученикот кој го преживеа нападот, седумнаесетгодишниот Дарко имал недоразбирања со второосомничениот кој сега е во притвор и кој исто така е ученик во ГУЦ. И двајцата осомничени се од македонска националност.Пред неколку недели второосомничениот го нападнал Дарко пред неговата девојка со шамари во населбата каде што живее. На денот кога се случи убиството, се виделе во училиштето и почнале меѓусебно да се провоцираат. По извесно време второосомничениот се вратил во училиштето со уште едно лице, кое сега е осомничено за убиство и во училишниот двор со тупаници и клоци го нападнал Дарко кој почнал да бега кон влезната врата во училишната зграда. Во меѓувреме Мухамед Али Јашари се стрчал да му помогне на Дарко.Обезбедувањето на училиштето го забележало инцидентот и тргнале кон напаѓачите. Тие почнале да бегаат, а еден од нив, кој сега е во бегство замавнал кон Јашари со предмет кој бил сличен на метална шипка. Од ударот Јашари паднал на земјата, а напаѓачите избегале.Веднаш по смртта на детето од Ургентниот центар изјавија дека детето било примено со удари во главата од тап предмет и дека кога било примено немало пулс. По инцидентот во медиумите се појавија информации дека, детето боледувало од ретка болест, која би можела да биде причина за неговата смрт. Од Судска медицина велат дека ова не се нивни информации и дека точните причини на смртта на детето утре ќе ги соопшти истражниот судија.Деветнаесетгодишниот Мухамед Али Јашари од Кондово во петокот се обиде да го спаси својот соученик – Македонец, но смртно настрада. Од почетокот на годинава неколкумина ученици беа прободени со нож по училиштата низ Скопје. Градот Скопје воведе и физичко обезбедување во училиштата, видео надзори и дежурни наставници, но и покрај ова трагедијата не беше избегната.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повредена жена во Охрид, разбојник ја турнал и ја ограбил
СВР Охрид поднесе кривична пријава против 36-годишниот Д.М. од Охрид поради постоење основи на сомнение за сторени кривични дела „разбојништво“ и „тешка кражба на дрзок начин“, извести СВР Охрид.
„Тој, на 28.03.2024 на улицата „Марко Нестороски“ во Охрид турнал 84-годишна жена од Охрид и ѝ одзел чанта со пари и лични документи. Притоа, таа паднала и се здобила со тешки телесни повреди. Исто така, пријавениот на улица „Богомолска“ на сличен начин од 65 – годишна жена одзел чанта со пари и лични документи“, соопшти СВР Охрид.
Црна хроника
Физичка пресметка меѓу охриѓанки: по кавга меѓу две деца, се истепаа мајките
Вчера во 14.50 часот во СВР Охрид е пријавено дека на улицата „Ванчо Питошески“ во Охрид, поради меѓусебно недоразбирање помеѓу две малолетни лица, нивните родители 36-годишната П.В. и 35-годишната М.Т., двете од Охрид, го нарушиле јавниот ред и мир со меѓусебна физичка пресметка, извести СВР Охрид.
По целосно документирање на настанот, ќе биде поднесена соодветна пријава.
Црна хроника
Тешко повреден тетовчанец во судир на два автомобили
Вчера во 11.00 часот во СВР Тетово било пријавено дека на регионален пат Тетово – с.Јажинце, на влез за тетовско Теарце, се случила сообраќајна несреќа помеѓу патничко моторно возило „фолксваген голф“, управувано од Ш.Џ.(74) од тетовско Шемшово и патничко возило „фолксваген голф“, управувано од А.Р.(78) од тетовско Пршовце, двете со тетовски регистарски ознаки.
Во несреќата, А.Р. се здобил со тешки телесни повреди, додека Ш.Џ. се здобил со телесни повреди, констатирани во Клиничка болница Тетово.
Увид на местото извршила екипа од СВР Тетово.