Спорт
Баерн знае како се склучуваат договори – претставени Чупо-Мотинг и Даглас Коста
![](https://makfax.com.mk/wp-content/uploads/2020/10/EjkizuzXgAAs-26-scaled.jpg)
Европскиот шампион Баерн Минхен во два дена претстави три засилувања кога вчера го договори Марк Рока од Еспањол, а денеска ги презентира Ерик-Максим Чупо-Мотинг и Даглас Коста.
Напаѓачот Чупо-Мотинг доаѓа како слободен играч по завршувањето на договорот со Пари-Сен Жермен.
„Прекрасно е чувството да се вратиш во Бундеслигата, и тоа во најголемиот клуб во Германија. Кој не би сакал да игра за Баерн?“, вели Чупо-Мотинг, кој доби едногодишен договор.
Покрај ова, Баварците го потврдија враќањето на Бразилецот Даглас Коста од Јувентус, кој доаѓа како позајмен фудбалер од Јувентус. Даглас Коста играше во Баерн од 2015 до 2017 година и во 77 меча постигна 14 гола.
“Es ist eine Ehre, für diesen Verein zu spielen. Beim #FCBayern ist es der Anspruch, immer alles zu gewinnen, und um diese Ziele zu erreichen, bin ich hochmotiviert.” ?⚪#ServusChoupo ? #MiaSanMia pic.twitter.com/Fl5HDNsNpY
— FC Bayern München (@FCBayern) October 5, 2020
#ServusDouglas ? @douglascosta pic.twitter.com/bbmHD73WGV
— FC Bayern München (@FCBayern) October 5, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Ѓоковиќ за Јокиќ: „Имам ексклузивни информации“
![](https://makfax.com.mk/wp-content/uploads/2024/05/Screenshot-2024-05-30-211739.jpg)
Медиумските конференции на Новак Ѓоковиќ често знаат да отстапат од тениските теми, а исклучок не беше и онаа по победата над Карбаљес Баена во второто коло на Ролан Гарос.
Во разговор со српските новинари се започна приказната за Никола Јокиќ и неговиот неизвесен настап на претстојните Олимписки игри.
Новак не разочара со одговорот.
„Имам ексклузивни информации и не смеам да ги споделам. Цела Србија чека, имам нешто што никој друг го нема“, беше таинствен Ѓоковиќ.
Набрзо следеше прашањето дали ќе агитира.
„Се шегувам. Како љубител, љубител на кошарката, би сакал да игра. Како спортист, ако одлучи да не игра, со оглед на континуитетот на игри во НБА лигата, што како лидер мора да носи во својот тим. Ние, спортистите, го разбираме тоа. Сега имаше малку повеќе време, само тој и најблиските го знаат тоа. Со него и без него, има голема разлика. Се надеваме и навиваме, без разлика на се“, додаде Ѓоковиќ.
Во секој случај, Новак не се грижи за српската репрезентација се додека таму е Богдан Богдановиќ.
„Богдан е тука, тој е лидер, капитен и мило ми е што ќе биде на располагање. Се надевам дека ќе бидам здрав и дека ќе бидам на ОИ, за да можам да ги гледам“, заврши Новак.
Спорт
Артета ја пронајде „деветката“ во Бундеслигата
![](https://makfax.com.mk/wp-content/uploads/2024/05/Screenshot-2024-05-30-193629.jpg)
Во последните недели се шпекулираше дека Милан е блиску до доведување на словенечкиот напаѓач Бенјамин Шешко од Лајпциг, но ситуацијата значително се промени.
Британски „Мирор“ тврди дека голгетерот на Лајпциг постигнал договор со Арсенал и дека лондонскиот клуб го има полесниот дел од работата – да се договори со член на Бундеслигата.
Шешко (20) би требало да заврши во Арсенал за цифрата од 45.000.000 фунти, иако Челзи и Манчестер Јунајтед беа подготвени да дадат слична понуда до Лајпциг, истакнува „Мирор“.
Финансиски, Милан немаше никакви шанси во вакво натпреварување, иако прв стапи во контакт со агентот на словенечкиот фудбалер.
Шешко во неодамна завршената сезона постигна 14 гола во Бундеслигата, а вкупно 18 во сите натпреварувања.
Тој ќе биде еден од главните адути на Словенија на Европското првенство, каде избраниците на Матјаж Кек во Ц групата каде ривали им се Србија, Англија и Данска.
Приоритет на Арсенал во претстојниот преоден рок е доведување на врвен напаѓач и навистина се чини дека Шешко е вистинскиот избор. Најдобрите фудбалски години се пред него, а неговиот стил треба да „легне“ со тимот на Микел Артета.
Спорт
Компани детектирал три големи проблеми, неговиот Баерн ќе игра агресивно и храбро
![](https://makfax.com.mk/wp-content/uploads/2024/05/e867fcad-e322-4531-8556-6fb1afbe90b6.jpg)
Новиот тренер на Баерн Минхен, Белгиецот Винсент Компани (38) најави дека од своите играчи ќе бара апсолутна агресија и храброст. Компани во средата беше именуван за нов тренер на Баерн, дојде на местото на Томас Тухел, кој замина по заедничка согласност по само 14 месеци и сезона во која Баварците за првпат по 12 години останаа без трофеј.
Ден по потпишувањето на договорот, Компани пред новинарите ја претстави својата визија како треба да изгледа Баерн .
„Сакам играчите на Баерн да бидат храбри на топката, да покажат карактер. Сакам тимот да биде агресивен, да ги претставува тие две работи“, рече Компани на прес-конференција во четвртокот.
Компани ја започна својата тренерска кариера во Андерлехт, а во последните две сезони раководеше со Барнли. Со тимот избори промоција во Премиер лигата, но оваа сезона експресно се врати во Чемпионшип.
Белгиецот имаше договор со Барнли до 2028 година, па Баерн мораше да му плати обештетување на англискиот клуб. Според проценките на англиските и германските медиуми, висината на обештетувањето е меѓу 10 и 12 милиони евра.
„Јас пораснав на улиците на Брисел, бев во академијата на Андерлехт каде од шест до 20 години треба да освоиш сè“, истакна Копмапни.
Компани има репутација на интелигентен, детален и остроумен човек, раскажа Георг Холцнер, новинар на Кикер.
Тој пишува: „За време на кратките преговори со Макс Еберл, членот на одборот задолжен за спорт и спортскиот директор Кристоф Фројнд, Компани со експресна анализа дојде до истиот заклучок како Томас Тухел кога го презеде тимот пред една година и Ралф. Рангник кога пред еден месец преговараше со челниците на Баерн.
Компани откри и спомна дека Баерн има три големи проблеми: Има премногу играчи во тимот кои не се на нивото на Баерн. Недостасува лидер. Потребна е нова кичма на тимот. Овие три главни проблеми мора да ги поправат Компани и Еберл. Баерн сака да ја заврши работата на пазарот и да го комплетира составот за следната сезона најдоцна до крајот на Европското првенство, односно до средината на јули“.