Обвинителството побарало, судот прифатил проширување на предметот „Метастаза“, во кој им се суди на 37 -мина обвинети за малверзации со одобрување на инвалидски пензии

Овој пат истрагата е проширена за три лица и тоа 49. годишниот Александар Адамов, лекар-ортопед, вработен на Клиника за ортопедија, 27. годишен од Велес и 44- годишник од Скопје, двете во својство на посредници, задолжени за пронаоѓање на лица заинтересирани за добивање на инвалидска пензија.Полицијата со наредба од истражен судија извршила претреси во стан и куќа на Скопје, при што е пронајдена медицинска документација, односно медицински извештаи на име на физички лица со потписи од лекари од повеќе медицински установи и со печати од истите, како и бланко обрасци на медицинска документација, заверени со печати.При претресот во станот во Велес изнајмен од 27-годишнико., пронајдена е медицинска и друг вид на документација (извештаи и решенија од ФПИОМ, работни книшки, лични карти, изводи МКР, бланко барања од ФПИОМ) потребна за добивање на инвалидска пензија, додека при претресот во станот на ортопедот, не е пронајдена документација. Докторот е осомничен дека изготвувал лажна медицинска документација.Тројцата се приведени и исказ треба да дадат пред истражен судија.Судскиот случај „Метастаза“ сè уште трае и обвинетите според обвинителниот акт за нелегални инвалидски пензии земале од 1.500 до 4.000 евра.  Од 57 баратели на инвалидски пензии зеле 165.000 евра или над 10.000.000 денари, а истовремено на Фондот за ПИОМ му нанеле штета од околу 53.000 евра.