Македонија
Димитров – Едштадлер: Шансата за успех да се преточи во резултат како што е заслуженото почнување преговори
На денешната видеоконференциска средба на заменик-претседателот на Владата задолжен за европски прашања, Никола Димитров, со австриската министерка за Европа, Каролине Едштадлер, беше реафирмирана силната поддршка на Австрија за нашите евроинтеграции.
Во фокусот на разговорот беа годинешниот Извештај на Европската комисија за процесот на пристапување на земјата во ЕУ, Економско-инвестицискиот пакет за Западен Балкан, како и билатералната соработка.
„Гласната и принципиелна поддршка на Австрија за европското интегрирање на регионот е уште еден силен аргумент на контото на заедничкиот успех со ЕУ, покрај новата методологија и зеленото светло за почеток на преговорите. Шансата за успех треба да се преточи во резултат како што е заслуженото почнување на преговорите на Северна Македонија со Унијата оваа година” – истакна Димитров, заблагодарувајќи ѝ се на министерката Едштадлер за нејзината лична поддршка и посветеност за реализација на оваа заедничка цел.
Беа разменети мислења и за годинешниот Извештај на ЕК, за којшто соговорниците се согласија дека Северна Македонија треба да биде задоволна од целокупната оцена на Комисијата, имајќи ги предвид предизвиците со кои земјата се соочуваше во изминатиот период, а кои неминовно влијаеа на динамиката на реформите.
Димитров нагласи дека новата Влада со засилено темпо се посветува на реформската европска агенда и дека извештајот и овој пат ќе биде корисен патоказ за дефинирање на приоритетите и реформските чекори за овој значаен период.
На средбата министерката Едштадлер потврдно одговори на поканата на вицепремиерот Димитров за посета на Северна Македонија, којашто е предвидено да се реализира во ноември о.г.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Од денеска жичницата на Водно ќе работи два часа повеќе од досега
Од ЈСП Скопје информираат дека дека поради празникот 1 Мај – Меѓународниот ден на трудот, јавниот превоз ќе сообраќа по неделен возен ред.
Од 7 до 14 часот ќе работат билетарниците: на Транспортен центар и во Ѓорче Петров.
Од денеска, Жичницата ќе работи два часа повеќе од досега, односно од 10 до 20 часот. Од 19-19.30 часот е последно возење од долу кон врвот, додека во 19.45 часот е последно возење од врвот надолу. Работното време е согласно со Одлуката за работно време на Жичницата во период мај – септември.
– По повод претстојниот државен празник „Ден на трудот“, од „Паркинзи на општина Центар“ известуваат дека паркиралиштата со кои стопанисува ЈП Паркинзи на Општина Центар ќе бидат без наплата за сите граѓани.
Редовната наплата за паркирање на паркиралиштата ќе продолжи на 02.05.2024 година (четврток) со вообичаено работно време.
Македонија
Колони возила на Богородица, се чека и по еден час
Според информациите на граничниот премин Богородица за излез од Македонија се чека и по еден час за возила кои се упатиле кој Грција.
Од АМСМ информираат дека интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата.
Меѓународниот ден на трудот, 1 мај, денеска се одбележува во светот во знак на сеќавање на тој датум во 1886 година, кога работниците во Чикаго со штрајкови и протести ја започнаа својата борба за осумчасовен работен ден.
Македонија
Се препорачува прилагодена брзина на движење поради можна појава на одрони
Сообраќајот на државните патишта се одвива непречено, по суви коловози, информираат утрово од АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Патниот правец Охрид – Ресен, преку националниот парк Галичица од 01.04.2024 е пуштен за сообраќај за сите видови возила со вкупна тежина до 3.5 тони.