Спорт
Продолжува Мото ГП „вртелешката“ – Петручи е седми различен победник во 2020
Возачот на Дукати, Италијанецот Данило Петручи стана седмиот различен победник во Мото ГП шампионатот оваа сезона, откако на влажната патека Ле Ман триумфираше на Француското ГП пред дебитантот Алекс Маркез кој го освои првиот подиум во кариерата за Репсол Хонда и Пол Еспаргаро за КТМ.
Повредата на Мото ГП „кралот“ последните сезони, постариот брат на Маркез, Марк Маркез, предизвика невидена борба за титулата оваа сезона со осум различни победници во 10 трки и дури 15 различни возачи на подиумот.
Дождот на стартот на патеката значеше дека ова ќе биде прва Мото ГП трка на влажна патека од 2018 година и прва влажна трка за многу млади возачи во шампионатот. Освојувачот на пол-позицијата и лидер во генерален пласман, Фабио Квартараро доминираше цел викенд на сува патека, но бргу стана јасно дека Јамаха нема мотоцикл за ваква трка, и Французинот беше поминат веднаш, со поискусните возачи напред – Данило Петручи, Андреа Довициозо и Џек Милер.
Трката имаше пресврт кога Џек Милер успори поради механички проблеми, а Алекс Ринс се излизга на третата кривина, дозволувајќи Петручи да направи предност од две секунди, која ја заддржа до крајот на трката за втор триумф во кариерата. Дебитантот Маркез имаше фантастичен втор дел од трката, која да траеше круг-два подолго ќе стигнеше до победата.
Пол Еспаргаро го помина Довициозо и Жоан Зарко за пласман на подиумот, додека Квартараро беше само на деветтото место, доволно да остане лидер во генерален пласман пред Довициозо на пет трки пред крајот на сезоната.
Lucky number seven!!! ?@Petrux9 claims a second career win and the 7th different winner of 2020 in an absolute thriller! ?#FrenchGP ?? pic.twitter.com/W4v9iLyuHo
— MotoGP™? (@MotoGP) October 11, 2020
? @alexmarquez73 ON THE PODIUM! From 18th to 2nd! ?
The 15th different rider to stand on the podium this season! ???#FrenchGP ?? pic.twitter.com/yeer3A4Qne
— MotoGP™? (@MotoGP) October 11, 2020
Nobody can begrudge @Petrux9 this! ?
The @ducaticorse rider puts his tough 2020 behind him with a masterclass in horrendous conditions! ?#FrenchGP ?? pic.twitter.com/DrQ2nrVpUU
— MotoGP™? (@MotoGP) October 11, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Историско остварување на Микаела Шифрин
Американската скијачка Микаела Шифрин испиша нова страница во историјата на алпското скијање. Таа во неделата го освои рекордниот деветти кристален глобус во слалом.
Шифрин го постигна ова извонредно достигнување со победата на трката од Светскиот куп во Шпиндлеров Млин, со што уште еднаш ја потврди својата апсолутна доминација во најтехничката дисциплина.
Со овој успех, Шифрин стана првата скијачка во историјата на Светскиот куп, во машка и женска конкуренција, со девет титули во една дисциплина во текот на повеќе од 60 години од натпреварувањето. Претходниот рекорд го држеше Американката Линдзи Вон, која беше најдобра во спуст осум пати.
Шифрин, триумфираше со вкупно време од 1:37,59 минути. Ова беше нејзина седма победа во осум трки во слалом оваа сезона, што дополнително зборува за континуитетот на нејзината форма и исклучителна стабилност.
Во Шпиндлеров Млин ја забелажа 71 победа во слалом, а има рекордни 108 победи во Светскиот куп.
Mikaela Shiffrin has done it! 🙌
She claimed her NINTH Slalom Globe today with this stunning run 💪 pic.twitter.com/YzfWkAdSO8
— TNT Sports (@tntsports) January 25, 2026
Второто место на денешната трка го зазеде Швајцарката Камила Раст, која заостануваше 1,67 секунди, додека третата беше Германката Ема Ајхер со време 2,18 секунди побавно од победничката.
Во генералниот пласман на слалом, Шифрин убедливо води со 780 поени, пред Раст, која има 492, додека третата е Швајцарката Венди Холденер со 358 поени.
Кога станува збор за генералниот пласман на Светскиот куп, Американката е исто така во водство со 1.133 поени, пред Раст (963) и Ајхер (684).
Спорт
(Видео) Шокатнтен пораз на Баерн среде Минхен
Фудбалерите на Баерн Минхен, во 19-то коло, го забележаа првиот пораз сезонава во Бундес лигата. Лукалниот ривал од Баварија, Аугсбург, го шокираше шампионот среде Минхен.
Делуваше дека актуелниот шампион ќе забележи уште една рутинска победа кога поведе со голот на Ито во 23-та минута. Сепак, тотален шок следеше во последната фаза од натпреварот, кога гостите ги постигнаа двата гола.
Артур Чавез за 1:1 (76-та минута) и Маенго во 81-та минута.
Баерн се обиде да израмни на крајот, но Аугсбург успеа да ги одбие сите напади и да освои три важни бода во борбата за опстанок. Најдобрата шанса ја пропушти Олисе, кога ја затресе пречката.
Резултати:
Баер Леверкузен – Вердер Бремен 1:0 (1:0)
/Лукас Васкез 38/
Ајнтрахт Франкфурт – Хофенхајм 1:3 (1:0)
/Калимуендо 18 – Бургер 52, Кабак 60, Аменда 65/
Мајнц – Волфсбург 3:1 (0:1)
/Тиц 68, Бел 74, Амири 84 пен.- Амура 3/
Хајденхајм – РБ Лајпциг 0:3 (0:0)
/Баку 62, Нуса 68, Раум 71/
Foto/ EPA
Спорт
(Видео) Комо со шест парчиња го честеше Торино
Во италијанската Серија А се играат натпреварите од 22-то коло, а попладнево екипата на Комо го декласираше Торино со 6:0.
Дебаклот на „биковите“ го најави Гркот Дувикас во седмата минута. Само осум минути подоцна, Комо ја дуплираше предноста со прекрасен гол на Батурина.
Серијата голови во вториот дел ја отвори Де Куња од пенал, во 59-та минута. Седум минути подоцна беше постигнат четвртиот гол, по акцијата на Батурина, Дувикас го постигна својот втор гол.
Д крајот по гол за Комо постигнаа Кун и Какра.
Комо сега има 40 бода на петтото место, а Торино е сè уште на 23 бода, по четвртиот последователен пораз.
Foto/ EPA

