Црна хроника
Оружје, муниција, бомби и експлозиви откриени во ресенско Лева Река
Битолската полиција против 64-годишен и 40-годишен жител на ресенското село Лева Река, поднесе кривична пријава поради основано сомнение дека сториле кривично дело „недозволено изработување, држење и тргување со оружје или распрскувачки материи“, а истражен судија на двајцата им одреди мерка притвор од по 30 дена. Кај двајцата се пронајдени големи количества огнени оружја, муниција, рачни бомби, експлозиви и експлозивни направи.
Првопријавениот идентификуван како 64-годишниот А.Ј. подолг временски период, во својот дом и објектот кој го користи во село Лева Река, неовластено држел поголемо количество огнено оружје, муниција и експлозивни материи кои на граѓаните им се забранети.
На 31-ви мај припадници на одделот за недозволена трговија и држење оружје во битолската полиција со налог за претрес од Основен Суд Битола бил извршен претрес при што беа пронајдени и одземени автоматски пиштол кал. 7,65 мм; крабин марка „Steyer М.95“; ловен карабин од непозната марка; една автоматска пушка М-70 АВ 2 кал. 7,62 мм; четири котури различна големина со фитил; една запалка за рачна бомба; три парчиња експлозив; четири рачно изработени направи со експлозив; две рачно изработени експлозивни направи; една рачна бомба; една рачна бомба М-52; една рачна бомба М-75 спакувана во пластика, една рачна бомба М-75, една рачна граната РФБ; една рачна бомба; 13 парчиња детонаторски каписли во дрвена кутија, седум парчиња каписли; осум парчиња детонаторска каписла; едно пластично кутивче со барут; еден пневматски пиштол марка ТЕХ; чифт лисици; една паковка со 30 парчиња дијаболи за воздушен пиштол; еден рачно изработен куршум; 47 чаури од разна муниција; 24 зрна од куршуми стари; 185 зрна од куршуми – нови; 12 рамки за автоматска пушка; четири рамки за автоматски пиштол; две рамки за карабин; две рамки за пиштол кал.9 мм; 23 парчиња патрони за ловна пушка; 260 парчиња муниција од различен калибар; едно најлонско паковање со барут; осум зрна стари од муниција; 1.910 парчиња куршуми кал. 7,62 мм; 48 парчиња куршуми кал.7,62 мм х 54 Р; 14 парчиња куршуми кал. 7,62 мм х 39; 70 парчиња куршуми кал. 7, 65 мм за пиштол; осум маневарски куршуми кал. 7,62 мм; еден куршум ремингтон магнум кал.44 мм.; 76 парчиња куршуми 308 Винчестер; 94 парчиња куршуми лугер кал.9мм.; 11 парчиња куршуми кал.9 мм.; 48 парчиња куршуми за малокалибарска пушка кал. 22.
При претресот на објектот, сега приведениот одбивал доброволно да го отвори, по пто припадниците на полицијата насилно ја отвориле вратата од објектот во присуство на девет лица од селото кои потврдиле дека објектот пријавениот го користел долг временски период за свои потреби и во него е пронајден дел од одземените предмети.
Второпријавениот С.Ј. исто така, подолг временски период во својот дом во Лева Река неовластено држел поголемо количество муниција со различен калибар, а која на граѓаните им е забранета или треба да поседуваат соодветна дозвола за носење и поседување на оружје од тој калибар. Со судска Наредба извршен е претрес и во неговиот дом при што беше пронајдено поголемо количество на муниција со различен калибар.
Така, при претресот пронајдени и одземени: една ловна пушка марка „Ц.Застава“ со кал. 16 мм; еден ловен карабин марка „Ц.Застава“ кал 7,62х 39; 22 парчиња ловна муниција кал.16; 15 петнаест парчиња ловна муниција кал.12 мм; 15 парчиња ловна муниција кал.7,9 мм; 22 парчиња ловна муниција кал. 8х57; 45 парчиња ловна муниција кал.7,62х39 мм; 14 парчиња ловна муниција кал.7,62х54Р; 114 парчиња ловна муниција кал.7,62 мм./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Пијан возач од Турција направи хаос во Аеродром
Полицијата објави фотографија од сообраќајката што се случила синоќа на улицата Матеја Матевски во Аеродром, кога возач на „БМВ 5“ изгубил контрола и удрил во контејнери и во паркирано возило алфа Ромео. Осомничениот, 22-годишниот М.А.А. од Турција со привремен престој во Скопје, избегал од местото, јави Министерството за внатрешни работи.
Според пријавата, настанот се случил вчера во 22:50 часот. Полицијата го лоцирала возачот по кратка потера и го привела. При алкотест му биле измерени 0,97 промили алкохол во крвта, а по распитот бил изнесен пред судија за прекршоци.
Осомничениот се товари за 3 прекршоци, недозволена брзина, напуштање на лице место и возење под дејство на алкохол.
Црна хроника
Излизган камион го прекина сообраќајот на патот Струмица-Ново Село
Излизган камион на магистралниот пат Струмица-Ново Село-граничен премин со Бугарија, пред влезот во селото, предизвика прекин на сообраќајот од скоро еден час, од 14:10 до 15:00 часот.
Според информации од СВР Струмица, во сообраќајката нема повредени и загинати, а причинета е само материјална штета.
И од АМСМ информираа дека сообраќајот на магистралниот пат А4 Струмица – Ново Село кој беше во прекин поради случена сообраќајна незгода е нормализиран.
– Сообраќајот на државните патишта се одвива непречено, по влажни коловози. Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата, информира АМСМ.
Црна хроника
Со БМВ удрил во контејнери и автомобил, па побегнал
Вчера во 22:50 часот во СВР Скопје е пријавено дека на сервисна улица од ул.„Матеја Матевски“ во Скопје патничко возило БМВ со скопски регистарски ознаки, управувано од М.А.А.(22) од Р.Турција, а со привремен престој во Скопје, удрило во контејнери и патничко возило алфа ромео со демиркаписки регистарски ознаки. М.А.А. го напуштил местото на настанот, но по преземени мерки од полициски службеници, тој набрзо бил фатен.
По целосно документирање на случајот ќе следува соодветен поднесок.

