Црна хроника
Неуспешен филмски обид за грабеж на банка на Бит пазар
Непознати сторители безуспешно се обиделе на филмски начин да обијат сеф од една банка на Бит Пазар, преку копање на импровизирани ходници и уривање на ѕид од соседната просторија.
Обидот за кражба се случил ноќта помеѓу неделата и понеделникот. Иако во два наврати се вклучил алармот во „Зират Банка“, која се наоѓа во поранешна стоковна куќа „Илинден“, припадници на обезбедувањето не забележале ништо сомнително.Случајот бил забележал кога вработените изутрината дошле на работа и забележале дека нешто мириса на изгорено, по што забележале дека дел од ѕидот, кон просториите на соседната фирма, бил урнат токму на местото каде што бил поставен сефот.Веднаш била повикана полицијата, која направила увид и констатирала дека сторители најпрвин влегле од според влез во Државниот Тетовски универзитет, каде што од кабинетот за информатика одзеле 2.000 денари.Потоа преку ходниците и канцеларии влегле во просториите на фирмата „Де Кока трејд„ од каде со рушење-сечење на гипс картон се дошло до задниот дел на сефот од „Зират Банка“. Сторителите првично го промашиле местото каде бил поставен сефот, поради што се забележани две дупки. Откако увиделе дека погрешиле направиле во непосредна близина уште еден отвор каде е дојдено до задниот дел на сефот. Потоа со шмиршајба пробано е да се исече металниот дел од сефот, но по кратко време се вклучил против пожарниот аларм кој од страна на сторителите бил исклучен, а тие продолжиле да се обидуваат да го отворат сефот. На повторното вклучување на алармот во 00,20 часот сторителите веројатно се исплашиле и истите по веќе направените отвори низ ходниците го напуштиле лице местото Во тек се мерки и активности за целосно расчиствување на случајот. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Приведен крадец од Струмица, одземеното вратено на сопственикот
Вчера во 18.20 часот во Струмица, полициски службеници од СВР Струмица го лишиле од слобода Ѓ.Д.(25) од Струмица. Тој се сомничи дека истиот ден извршил кражба во магацин во село Дабиле, струмичко, при што одзел повеќе предмети.
Во службен разговор во полициска станица тој го признал делото и кај него биле пронајдени украдените предмети, кои се вратени на сопственикот. За настанот бил запознаен јавен обвинител од Основното јавно обвинителство Струмица и по негово документирање против лицето ќе биде поднесена соодветна пријава.
Црна хроника
Приведени двајца криумчари, пронајдени мигранти од Кина
По преземени мерки и активности, вчера во 17.40 и во 18.20 часот, полициски службеници од Полициската станица за граничен надзор Сопот при Регионалниот центар за гранични работи Север ги лишиле од слобода Д.М.(26) од Гевгелија, со живеалиште во Богданци и В.А.(28) од Пакистан, поради сомнение за сторено кривично дело „криумчарење мигранти“.
Претходно, В.А. бил забележан како од железничката пруга кај с.Табановце, кумановско, презема шест лица мигранти од Кина и ги спроведува во близина на автопатот „Пријателство“ кај селото Табановце, по што заминал. Набргу, на местото пристигнал Д.М. со патничко возило „бмв“ со скопски регистарски ознаки, во кое ги сместил мигрантите и се упатил кон Куманово.
По преземени мерки, возилото било запрено, по што Д.М. бил лишен од слобода, возилото било одземено, а мигрантите сместени во прифатен центар. Исто така, по преземени мерки, набргу бил пронајден и лишен од слобода и В.А.. Лицата биле предадени на полициски службеници од СВР Куманово за понатамошна постапка.
Црна хроника
Грчки државјанин на „Табановце“ дал пасош со пари, приведен е за поткуп
Вчера на Граничен премин Табановце, полициски службеници гоприведоа Д.К.(49) од Република Грција, поради сомнение за сторено кривично дело „давање поткуп“.
При пасошка и гранична контрола на возилото „форд“ со германски национални ознаки, кое го управувал, тој во својата патна исправа ставил пари како поткуп, објави МВР.
Парите биле одземени со потврда за одземени предмети, а лицето било предадено на полициски службеници од СВР Куманово за понатамошна постапка.