Свет
Делегациите на САД и Израел слетаа во Бахреин за официјализирање на историскиот договор за мир
Слетувајќи во Бахреин доцна синоќа за официјализирање на новопотпишаниот договор за нормализација на односите со Израел со посредство на САД, шефот на израелската делегација на арапски јазик рече дека Израел „ги подава рацете за вистински мир со народот на Бахреин“, пренесува „Тајмс оф Израел“.
„Заедно ќе ја промениме реалноста во регионот во корист на нашите нации. Дај Боже, наскоро ќе ве примиме во Израел“, рече израелскиот советник за национална безбедност, Меир Бен-Шабат.
Тој потоа на хебрејски цитира пасус од Стариот завет, од Битието: „Нека биде светлина! И настана светлина. И Бог виде дека светлината е нешто добро. Да донесеме светлина и да го рашириме доброто.“
Заедничката американско-израелска делегација пристигна во малото царство во Заливот со првиот директен патнички лет од Израел. На чело на американската делегација се секретарот за финансии, Стивен Мнучин, и специјалниот пратеник на Белата куќа за израелско-палестинскиот конфликт, Ави Берковиц.
Министерот за надворешни работи на Бахреин, Абдулатиф бин Рашид Ал-Зајани, кој ги поздрави делегациите на пистата, рече дека поводот ја надградува историската пригода во Белата куќа минатиот месец, преземајќи ги следните чекори за спроведување на декларацијата за поддршка на мирот и Аврамските договори.
„Денеска ги ставаме темелите преку кои можеме да ја постигнеме оваа цел, воспоставувајќи практична рамка за унапредување на нашата билатерална соработка и на постојаното партнерство што го уживаат нашите земји со САД“, рече првиот дипломат на Бахреин.
„Се надевам дека оваа посета претставува уште еден чекор напред на патот кон вистински мирен, безбеден, стабилен и просперитетен Блиски Исток, оној во кој сите држави, раси и вери ги решаваат разликите преку дијалог и развиваат нова реалност за соживот и просперитет за нашите деца.“
Двете земји треба да потпишат заедничко коминике за кое израелските медиуми објавија дека ќе вклучува околу осум меморандуми за разбирање на различни теми, вклучувајќи правда, комуникации, визи, наука и технологија, трговија, енергија и земјоделство.
Договорот за нормализација на Бахреин, заедно со сличен договор со ОАЕ, го сочинуваат Аврамскиот договор потпишан минатиот месец во Белата куќа.
Договорот со ОАЕ помина со огромно мнозинство на гласањето во Кнесет во четвртокот, освен 13 пратеници – сите од партијата Арапска заедничка листа – кои гласаа против бидејќи договорот, наводно, го поткопува мировниот процес со Палестинците. Според стратешкиот советник на премиерот Бенјамин Нетанјаху, Арон Клајн, арапските парламентарци застанале на страната на Иран, Хезболах, Хамас и Турција во гласањето против договорот.
Клајн рече дека сè повеќе арапски и муслимански земји конечно разбираат дека е време да му се приклучат на мирот и да дејствуваат во свој интерес.
„Договорите претставуваат мир низ сила, мир низ заеднички интереси и мир за мир. Палестинското раководство, сепак, е заглавено во отфрлање со децении “, рече Клајн.
По мировниот договор од Осло од 1993 година, Палестинците упатуваа екстремни барања, вклучително и повик Израел да ги исели еврејските заедници на Западниот Брег и да го предаде Ридот на храмовите – најсветото место на јудаизмот – под контрола на Палестинците. Клајн истакна дека раководството, а не самите Палестинци, е главниот проблем.
„Многу Палестинци би сакале мир со Израел со оглед на тоа каде се движи регионот и со оглед на огромната економска корист што би ја имал. Тоа ќе ѝ помогне на нивната економија и ќе донесе огромен број работни места на палестинската арена “, рече тој.
„Историски гледано, Палестинците беа навистина наградени за нивните неконтролирани позиции. Израел беше туркан во сè повеќе отстапки. Палестинците треба да разберат дека ќе останат назад ако продолжат по патот на отпорот “, рече Клајн.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Ненадејна снежна бура на Монт Еверест, стотици планинари чекаат да бидат спасени
Стотици планинари заробени од снежна бура во близина на источната страна на Монт Еверест во Тибет се успешно спасени и однесени на безбедно место, објавија синоќа кинеските државни медиуми.
Невообичаено обилни снежни врнежи и дожд ги погодија Хималаите, а до недела, 350 планинари стигнаа до населбата Куданг, додека со преостанатите 200 беше воспоставен контакт, објавува CCTV и известува CNN.
Планинарите се собраа во голем број во оддалечената долина Карма, која води до источната страна на Еверест позната како Кангшунг, искористувајќи го осумдневниот празник на Националниот ден во Кина.
„Беше толку влажно и ладно во планините, а хипотермијата беше вистинска опасност“, рече Чен Гешуанг, член на тимот од 18 члена што пристигна во Куданг. „Времето оваа година не е нормално. Водичот рече дека никогаш не се сретнал со такво време во октомври. Сè се случи одеднаш“, додаде Чен во изјава за „Ројтерс“.
Стотици локални жители и спасувачки екипи беа зафатени со чистење на снегот што го блокираше пристапот до областа каде што, според претходен извештај на државниот медиум Jimu News, беа заробени речиси 1.000 луѓе.
Извештајот на CCTV не прецизираше дали бројот на спасени лица вклучува локални водичи и помошен персонал. Исто така, останува нејасно дали бурата ги погодила и алпинистите на северната страна на Еверест. Оваа страна, поради полесниот пристап по асфалтиран пат, е популарна кај туристите, а октомври е шпицот на сезоната бидејќи времето обично се стабилизира по завршувањето на индискиот монсун.
Според локалниот туристички одбор, продажбата на билети и пристапот до целата област на Еверест се прекинати од саботата навечер.
Европа
(Видео) Украински дрон нападна рафинерија на 1400 километри од границата: Русите пукаа, но залудно
Украински дрон ја погоди рафинеријата Орск (Orsknefteorgsintez) во регионот Оренбург, објавија украинските канали на Телеграм. Рафинеријата се наоѓа на околу 1.400 километри воздушна линија од украинската граница.
Голема руска рафинерија
Рафинеријата има капацитет за преработка од приближно 6,6 милиони тони нафта годишно. Фабриките произведуваат бензин, дизел гориво, керозин за авијација, масло за греење, битумен и мазива.
The Orcs in Orsk, Orenburg Oblast 🇷🇺 filming the moment our BEAUTIFUL drones destroy yet ANOTHER oil refinery 😍🔥 pic.twitter.com/kdp7E2qjzZ
— Richard Woodruff 🇺🇦 (@frontlinekit) October 3, 2025
Русите се обидоа да го соборат дронот, но безуспешно
Анализата на фотографиите и видеата покажува дека нападот е извршен од беспилотни летала AN-196 „Љути“. Според геолокираните материјали, погодена е хидропреработувачката единица LCh-24-2000 за бензин и дизел, модернизирана во 2014 година за подлабоко прочистување на горивото и усогласување со новите еколошки стандарди, пишува украински блогер.
Orcs treated Lutyi’s arrival like a village festival 🫡#Orsk pic.twitter.com/I4wsCvORCi
— Aurora Borealis 🤫 (@aborealis940) October 3, 2025
Објавената снимка прикажува украински дрон кој руските ад хок противвоздушни единици безуспешно се обидуваат да го соборат со полуавтоматско оружје.
фото: принтскрин
Европа
Мерц: Треба да ја бојкотираме Евровизија ако Израел биде исклучен
Германскиот канцелар Фридрих Мерц изјави дека Германија треба да се повлече од следниот Евровизиски натпревар во Виена доколку Израел биде исклучен.
На прашањето во интервју за АРД дали Германија треба доброволно да се повлече од настанот, конзервативниот политичар одговори: „Би го поддржал тоа. Мислам дека е скандал што воопшто се дискутира за тоа. Израел припаѓа таму.“
Земји од Европа и пошироко ги поднесуваат своите песни за Евровизискиот натпревар, а настапите ги оценува национално жири и јавно гласање. Притисокот врз организаторите на натпреварот расте со недели, а неколку радиодифузери, вклучувајќи ги и оние од Шпанија, Ирска и Холандија, се закануваат дека ќе се повлечат доколку на Израел не му биде забрането учество, наведувајќи ја воената акција на земјата во Појасот Газа.
Националните радиодифузери играат централна улога на Евровизискиот натпревар, со оглед на тоа дека официјални претставници на нивните земји во рамките на Европската радиодифузна унија (ЕБУ), се одговорни за изборот на нивните учесници, координирање на преносите во живо и надгледување на процесот на гласање.
ЕБУ кон крајот на минатиот месец изјави дека ќе одржи онлајн состанок на сите членови во ноември за да гласаат за учество на натпреварот во 2026 година. Следниот Евровизиски натпревар треба да се одржи во Виена во мај 2026 година. Големи јавни протести против учеството на Израел на Евровизискиот натпревар се случија оваа и минатата година.
фото: принтскрин
„Водовод“: Поради прекини на струја дојде до два дефекти истовремено на главната водоводна линија
ЈП Водовод и канализација – Скопје известува дека поради повеќе краткотрајни прекини на снабдување со електричната енергија во регионот кај...
(Видео) Во Црна Гора убиен член на Шкаљарскиот клан: телото пронајдено во автомобил
33-годишниот Бобан Сјеклоќа беше убиен вчера околу 18 часот во продолжението на војната меѓу црногорските кланови. Телото на овој висок...
(Видео) Мерц: Русија стои зад дроновите над Германија
Германскиот канцелар Фридрих Мерц изјави дека се сомнева дека Русија стои зад серијата беспилотни летала видени над Германија во текот...
Рубио: Мислам дека Израел разбира дека заложниците не можат да бидат ослободени среде воздушните напади
Војната во Газа го оштети јавниот имиџ на Израел, изјави американскиот државен секретар Марко Рубио. Според Ројтерс, американскиот државен секретар...
Трамп: Разговорите со Хамас за завршување на војната во Газа напредуваат брзо
Американскиот претседател Доналд Трамп вчера изјави дека преговорите со Хамас за прекин на израелската војна во Газа и ослободување на...
(Видео) Украинците го нападнаа Белгород: град со 300.000 жители остана без електрична енергија
Рускиот град Белгород и околните области беа погодени од прекин на електричната енергија синоќа. Причината беа нападите што ја оштетија...
(Видео) Мафијашка пресметка во Црна Гора, пронајдено тело на популарна плажа
Целосна полициска блокада е воспоставена во поширокото подрачје на плажата Јаз во близина на Будва вчера вечер поради убиство што...
Мицкоски: Струмица е град на гуруто на Филипче, но времињата се менуваат, народот ќе победи, Струмица ќе победи
20 години Струмица чекаше на промени кои, еве, ви велам дека ќе се случат. Кога ве гледам во овој голем...
Филипче: Се случуваат големи отпуштања на вработени, а ветија нови работни места
„Јасно е, ВМРО-ДПМНЕ работи за олигарсите, граѓаните за нив се само бројка во избирачкиот список“, оваа порака ја упати вечерва...
Мицкоски: Завршува времето кога источниот сосед и неговиот премиер финансираше македонски политичари, за да овие му даваат подароци во форма на национални отстапки врз грбот на македонскиот народ
Христијан Мицкоски, претседателот на ВМРО-ДПМНЕ, се обрати на денешниот народен митинг во Радовиш, во рамки на изборната кампања за локалните...
Филипче: Се бориме за 500 евра минимална плата и достоинство за секој работник
Претседателот на СДСМ, Венко Филипче, денеска беше во посета на Пехчево од каде порача дека борбата на овие избори не...
Македонија ѝ понуди помош на Бугарија по катастрофалните поплави
Македонија е подготвена да обезбеди поддршка за справување со последиците од поплавите, објави претседателот на Бугарија, Румен Радев, на „Икс“,...
(Фото+видео) Масовен руски напад врз Украина, Полска подигна борбени авиони
Русија изврши серија напади врз Украина во текот на ноќта, при што беа убиени и повредени неколку лица. Полска распореди...
Израел се согласи на почетната линија на повлекување, се чека потегот на Хамас, објави Трамп
По повеќенеделни преговори, Израел се согласи на почетната линија на повлекување, објави на социјалната мрежа “Truth” лидерот на САД Доналд...
Времето денеска ќе биде сончево со мала до умерена облачност, од утре пад на температурите
Времето денеска ќе биде сончево со мала до умерена облачност. Кон крајот на денот облачноста ќе се зголемува и во...
Мицкоски: Црвените линии на Венко се тројанскиот коњ, Бојко зборуваше дека дал пари, сега што ли е во игра?
На денешниот народен митинг во Куманово во рамките на изборната кампања за локалните избори 2025 година со слоган „Вистинскиот избор!...
Мисајловски: Куманово дополнително ќе биде град на можности
Владо Мисајловски, носител на изборна единица 2 од ВМРО-ДПМНЕ, имаше свое обраќање на народниот митинг, кој се одржа во Куманово,...
Филипче од Свети Николе: Борбата за 500 евра минимална плата е за достоинство на секој човек
Вечерва од Свети Николе, каде се одржа граѓанската трибина од караванот „Се бориме за нашиот дом“, Претседателот на СДСМ, Венко...
Филипче од Велес: Маја Хеско за урбан ред во Велес, нова сала, затворен базен и средено Езеро Младост
Претседателот на Социјалдемократскиот сојуз на Македонија, Венко Филипче, на граѓанската трибина во Велес го истакна разочарувањето на граѓаните од владеењето...
Ѓорѓиевски: Ние ќе ги решаваме проблемите на скопјани, оваа битка не е само битка за поубави и почисти улици и паркови, ова е битка за душата на нашиот главен град
Орце Ѓорѓиевски, кандидат за градоначалник на Град Скопје од ВМРО-ДПМНЕ на претстојните локални избори, се обрати од денешниот народен митинг,...
