Спорт
ЛШ: Коман и Баерн го „прегазија“ Атлетико, Лукаку спасуваше реми за Интер!
Баерн Минхен со победа ја започна одбраната на титулата од Лигата на шампионите, триумфирајќи над Атлетико Мадрид со 4:0 на „Алијанц арената“, додека со малку среќа до победи стигна и Ливерпул на гости кај Ајакс (0:1), додека Интер со гол во 90-тата минута успеа да извлече 2:2 реми со Борусија Менхенгладбах.
Херојот од финалето во Лисабон, Кингсли Коман, го отвори резултатот во 28. минута, по една долга акција на Баварците, пред во 41. минута, Коман да му асистира на Леон Горецка за 2:0. Атлетико мислеа дека се вратија во игра во 47. минута, кога Жоао Феликс ја затресе мрежата, но ВАР одлучи дека Луис Суарез беше во офсајд.
По ова, европскиот шампион уште еднаш ја покажа својата безмилосност – Корентин Толисо постигна апсолутно спектакуларен гол од огромна далечина во 66. минута, пред Коман уште еднаш да погоди во 72. минута, поигрувајќи се со одбраната на гостите.
Интер не успеа да стартува со победа, откако во драматичен меч одигра 2:2 со Борусија Менхенгладбах на „Сан Сиро“. Ромелу Лукаку во 49. минута ја искористи мешаницата пред голот на гостите за водство, но бундеслигашот се врати со гол од пенал во 63. минута по фаулот на Артуро Видал. Јонас Хофман ги шокираше „нераѕурите“ во 85. минута, кога донесе водство за „ждребињата“ и покрај проверката за офсајд, пред Лукаку уште еднаш да покаже колку вреди за тимот на Антонио Конте со гол во 90-тата минута.
Во Амстердам, Ливерпул немаше многу од играта, но дојде во водство во 35. минута од мечот, кога ударот на Садио Мане, дефанзивецот на Ајакс, Никола Таљифико спектакуларно го пренасочи во сопствениот гол. Фабињо имаше едно неверојатно „вадење“ од гол-линија за да се зачува оваа победа.
Манчестер сити се намачи, но стигна до 3:1 камбек победа над Порто. Луис Дијаз ги донесе Порто во водство во 14-тата минута, Сити израмнија преку Агуеро од пенал само седум минути подоцна. Во второто полувреме Гундоган (65.) и Феран Торес (73.) ја донесоа победата за тимот на Пеп Гвардиола.
Аталанта, пак, ја продолжи „љубовната приказна“ со ЛШ со убедлива 4:0 победа над данскиот дебитант, Митјиланд.
ЛИГА НА ШАМПИОНИ, 1.КОЛО
ГРУПА А
Ред бул Салцбург – Локомотив Москва 2:2
Баерн Минхен – Атлетико Мадрид 4:0
ГРУПА Б
Реал Мадрид – Шахтјор Доњецк 3:3
Интер – Борусија Менхенгладбах 2:2
ГРУПА Ц
Манчестер сити – Порто 3:1
Олимпијакос – Марсеј 1:0
ГРУПА Д
Митјиланд – Аталанта 0:4
Ајакс – Ливерпул 0:1
БАЕРН МИНХЕН – АТЛЕТИКО МАДРИД
ИНТЕР – БОРУСИЈА МЕНХЕНГЛАДБАХ
АЈАКС – ЛИВЕРПУЛ
МАНЧЕСТЕР СИТИ – ПОРТО
МИТЈИЛАНД – АТАЛАНТА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тајсон по 19 години ќе боксува во профи меч
Бокс-мечот меѓу поранешниот светски шампион Мајк Тајсон и јутјуберот Џејк Пол доби статус на професионална борба. Мечот ќе се одржи на 20 јули на стадионот на Далас Каубојс, во Тексас.
Ова значи дека резултатот од борбата ќе влезе во официјалниот настап на двајцата боксери.
Што се однесува до другите детали од борбата, најважно за љубителите на боксот е тоа што се дозволени нокаути.
Исто така, боксерите ќе користат ракавици од 14 унци, кои се користат во категориите од 68 до 79 килограми.
Борбата ќе има најмногу осум рунди во времетраење од по две минути.
Овие правила фрлаат сомнеж за доделениот статус на професионална борба бидејќи не се елементи на традиционалниот професионален бокс.
Тајсон има 57 години и мораше да добие специјална медицинска дозвола за да се бори.
Во кариерата имаше 58 борби во кои забележа 50 победи, од кои 44 со нокаут.
Сепак, неговата последна професионална борба беше пред речиси 7.000 дена.
Од друга страна, Пол има 27 години и десет борби во кои забележа девет победи, шест со нокаут.
Последната професионална борба ја имаше пред 58 дена.
Спорт
Пресметка на великаните, Реал на гости кај Баерн Минхен
Баерн Минхен и Реал Мадрид вечерва од 21 часот ќе го започнат полуфиналниот двомеч во Лигата на шампионите.
Минатиот викенд Баварците дефинитивно се простија од шампионскиот пехар во Бундеслигата, претходно испаднаа и од Купот на Германија, што значи дека Лигата на шампионите им е шанса сезоната да ја завршат со трофеј. Последен пат без трофеј Баерн сезона заврши пред 12 години.
Баварците ќе имаа тешка задача, да го елиминираат Реал Мадрид, кој се наоѓа на чекор од освојувањето на титулата во Шпанија
Баерн Минхен и Реал Мадрид одиграа најмногу натпревари во историјата на европските натпреварувања, вкупно 26. Сите се одиграа во рамките на Купот или Лигата на шампионите и сите освен два беа одиграни во елиминациската фаза од елитното европско клупско натпреварување. Досегашниот учинок е 11 победи за Баерн, 12 за Реал Мадрид и три нерешени.
Интересно е што никогаш не се сретнале во финалето. Најмногу дуели имале во полуфиналето, дури 14. Реал, три пати успеал да го мине Баерн во полуфиналето и потоа ја освојувал титулата.
Баерн има скор 3:1, единствено во 1987 година не успеал да ја освои титулата, откако претходно во полуфиналето го победил Реал.
Последните два дуели на „Алијанц арена“ му припаднаа на Реал и двата со резултат 2:1, но и двата се одиграа пред почетокот на серијата без пораз на Баварците во Европа, која започна во април 2021 година.
Со неверојатна серија од десет меча без пораз во Лигата на шампионите на УЕФА, со рекордни осум победи и две нерешени средби, а по драматичната елиминација на актуелниот европски првак Манчестер Сити, Реал сега е фаворит на обложувалниците за освојување на ова натпреварување.
Ова не е изненадување, со оглед на нивната лидерска позиција во Ла Лига, како и импресивните пет последователни триумфи на гости во Лигата на шампионите.
Тренерот на Реал, Карло Анчелоти се враќа во еден од своите поранешни клубови со помалку проблеми со повреди во споредба со неговиот колега Томас Тухел. Повредени се Саша Бои, Тарек Бухман, Кингсли Коман, Габриел Марушиќ, Конрад Лејмер, Матијс де Лихт и Буна Сар, додека под знак прашалник за овој меч за домашните се Серж Гнабри, Џамал Мусиала, Лерој Сане и Дајот Упамекано, додека гостите пристигнаа во Минхен без Тибо Курту и Давид Алаба, кои долго време се повредени, додека Дани Карвахал е суспендиран.
Баерн е на пат до седмата европска титула (1974, 1975, 1976, 2001, 2013 и 2020 година), а Реал Мадрид до 15. титула (1956, 1957, 1958, 1959, 1960, 1969, 1969, 200 2014, 2016, 2017, 2018, 2022 година).
Победникот за титулата на 1 јуни, на „Вембли“ ќе игра против подобриот од двата натпревари меѓу Борусија Дортмунд – ПСЖ.
Спорт
Легендата на Нигерија го презеде националниот тим
Нигерискиот фудбалски сојуз го назначи поранешниот репрезентативец Финиди Џорџ за нов селектор на националниот тим. Џорџ на клупата на Нигерија ќе го замени Португалецот Хозе Песеиро.
53-годишниот тренер му беше асистент на Песеиро 20 месеци. Португалецот ја напушти функцијата откако Нигерија беше поразена од Брегот на Слоновата Коска во финалето на Африканскиот куп на нации.
Поранешниот играч на Ајакс и Бетис ќе има задача да избори пласман на Светското првенство во 2026 година.
Нигерија, во јуни мора да победи во наредните дба натпревари, против Јужна Африка и Бенин, бидејќи моментално е трета во групата Ц, зад Руанда и Јужна Африка.
Џорџ, кој одигра 62 натпревари за националниот тим, беше дел од „златната генерација“ на Нигерија која го освои Африканскиот куп на нации во Тунис во 1994 година.