Регион
Покрај коронавирус, Србија има проблем и со загадениот воздух
Во Србија вчера беше забележан најголем број новозаболени лица од почетокот на пандемијата, дури 512. Белград според епидемиолозите е многу критичен, но и десетина други градови во Србија.
Проблемот со кој се соочуваат многу граѓани на Србија секоја година е загадувањето на воздухот, а квалитетот на воздухот во многу градови денес е во црвената зона!
Маските се задолжителни во затворен простор, но се препорачува да се носат и на отворено, имајќи предвид дека воздухот во Белград е загаден, што е потврдено со апликацијата за графички контроли на „Блиц“. Тоа покажува дека денешното ниво на загадување на воздухот не е здраво за ранливите групи.
Сите граѓани можат да имаат здравствени последици, поблаги или посилни, а оние кои припаѓаат на ранливи групи може да се соочат со сериозни здравствени проблеми.
Активните деца и возрасните, како и луѓето со срцеви и респираторни заболувања како што е астма, треба да избегнуваат какви било активности на отворено. Сите други, особено децата, треба да го ограничат престојот на отворено. Се препорачува да се избегнуваат сите активности на отворено кои вклучуваат брзо и длабоко дишење.
Покрај Белград, каде што е забележано високо ниво на ПМ 2,5 честички, воздухот е загаден и во Нови Сад, Смедерево, Валево, Косјериќ, Ужице, Ниш и Нови Пазар, покажуваат денешните податоци на Агенцијата за заштита на животната средина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
По апсењето за трагедијата во Нови Сад, Весиќ штрајкувал со глад и одбил помош, денеска итно пренесен во болница
Поранешниот министер за градежништво, транспорт и инфраструктура на Србија, Горан Весиќ, утрово со возило на брзата помош од притворот во Нови Сад бил пренесен во болницата во Сремска Каменица.
Како што е објавија српските медиуми, поради нагло влошување на неговата здравствена состојба, по шестдневен штрајк со глад и одбивање лекарска помош, управата на Окружниот затвор во Нови Сад го известила Вишиот суд дека е неопходно тој да биде префрлен во болница.
Управникот на Окружниот затвор во Нови Сад, Миле Јандриќ, за „Танјуг“ изјави дека Весиќ, по специјалистичкиот преглед, е задржан на одделението за коронарна интензивна нега со одобрение на судијата за претходна постапка.
Весиќ беше уапсен и приведен во Нови Сад поради падот на натстрешникот на железничката станица во овој град на 1 ноември, при што загинаа 15 лица, а двајца сè уште се во критична состојба.
Регион
Брнабиќ: Опозицијата сака граѓанска војна, власта сака работа и просперитет за сите граѓани
Претседателката на Народното собрание, Ана Брнабиќ денеска изјави дека претставниците на опозицијата кои вчера направија бунт во Народното собрание сакаат граѓанска војна, а владејачката коалиција, претседателот на Србија Александар Вучиќ и премиерот Милош Вучевиќ сакаат работа и просперитетот на Србија со цел подобрување на стандардите на сите граѓани на Србија.
Брнабиќ за РТС изјави дека штетата направена вчера во Народното собрание ќе чини многу, и таа ќе се потруди целата да ја сноси опозицијата на чело со Драган Ѓилас.
„Разбирам дека бегаат да зборуваат за буџетот. Србија во првите девет месеци од оваа година е најбрзо растечка европска економија. Првиот пат кога зборуваме за буџетот имаме инвестициски рејтинг, во нивно време БДП беше 33 милијарди евра, а на крајот на годината ќе имаме повеќе од 80 милијарди, додека целта е до 2027 година, благодарение на паметната политика што ја води Александар Вучиќ, да имаме повеќе од 100 милијарди евра“, рече Брнабиќ.
Регион
Познатата српска актерка Слобода Миќаловиќ претепана во Белград
Познатата српска актерка Слобода Миќаловиќ, вчера, во 18.50 часот, била физички нападната од 47-годишната С. Д..
Како што неофицијално објави српски „Телеграф“, кај С. Д., по пристигнувањето на полицијата, било утврдено присуство на алкохол во крвта.
Како што пишуваат српските медиуми, тепачката се случила на плоштад во Земун.
Актерката наводно управувала со возило и кога тргнала напред, со предниот дел од автомобилот удрила во случајниот минувач С. Д. во пределот на коленото, што довело до вербален, а потоа и физички конфликт.
Актерката потоа била префрлена на Ургентниот центар.