Проруските бунтовници не поседуваат воена техника и опрема со којашто можат да урнат патнички авион кој лета на височина од 10 метри, изјави во вторникот Алесандр Захарченко, премиерот на самопрогласената Народна Република Донецк.
 

Проруските бунтовници не поседуваат воена техника и опрема со којашто можат да урнат патнички авион кој лета на височина од 10 метри, изјави во вторникот Алесандр Захарченко, премиерот на самопрогласената Народна Република Донецк.

„Можам да кажам само дно: ние едноставно немаме воена опрема којашто би можела да урне патниот ’Boeing’, вклучително и малезискиот авион“, изјави челникот на проруските бунтовници Александр Захарченко, етнички Украинец, пренесува руската агенција Интерфакс.

Претходно во вторникот холандската истрага за падот на малезискиот патнички авион на 17-ти јули во близина на руската граница во областа којашто ја контролираат бунтовниците во кој загинаа 298 патници и членови на екипажот го објави прелиминарниот извештај. Според Холандското биро за безбедност (OVV), авионот „Boeing 770-200 се распаднал во воздух, веројатно поради структурални оштетувања предизвикани во голем број од надворешно влијание на високо енергетски објекти (проектили)“.

Западните медиуми потсетуваат дека противвоздушните ракети имаат близинска запалка која го активира експлозивното полнење на одредена оддалеченост од целат, по што голем број метални шрапнели од ракетата го оштетува авионот.

САД и Украина ги обвинуваат проруските бунтовници дека го урнале авионот на летот МН17 од Амстердам за Куала Лумпур со руска ракета земја-воздух, со ракетен систем доведен од Русија и со кој оперирале руски офицери или обучени од нив украински бунтовници.

Руското министерство за одбрана објави податоци дека во времето на уривањето на авионот на позициите кои во источниот дел од земјата беа под контрола на украинската армија бил активен еден ракетен систем „Бук-1М“ кој може да погоди цел на височина од 10 илјади метри, како и дека во близина на малезискиот авион непосредно пред падот летал украински борбен ловец „Сухој Су-25“.

На 6-ти август, малезискиот весник The New Straits Times, повикувајќи се на странски експерти, меѓу кои и американски, пишуваше дека малезискиот „Boeing 777“ бил најверојатно со борен од ракета или од топ на ловец „Сухој Су-25“, пишува во средата малезискиот магазин. Експертите, консултирани од магазинот, сметаат дека борбениот авион истрелал ракета „воздух – воздух“ врз патничкиот авионк, а потоа го „довршил“ со истрел од неговиот 30-милиметарски топ. Според нив, со тоа можат да се објасни природата на оштетувањата на авионот и разлетувањето на остатоците од него. Имено, тие посочуваат на постоењето на заоблени влезни-излезни дупки на пронајдените фрагменти од малезискиот авион, коишто се типични за истрели од топ, исто како и при експлозија на ракета чиишто шрапнели можат да предизвикаат такви дупки.

Според оваа нова верзија, била употребена топлински самонаведувана ракета којашто носи трикилограмска боева глава, којашто го погодила најчувствителното место на авионот – моторите. Оваа верзија ја исклучува претходната според којашто авионот бил соборен со ракетниот систем „Бук“, бидејќи според експертите доколку авионот би бил погоден со ваков проектил од него не би останало речиси ништо, и не би имало потреба од „дополнителен“ напад од топ.

Како што истакнува магазинот, „Су-25“ може да достигна максимална височина од 25 илјади фути (7.600 метри), а малезискиот авион летал на височина на 10.600 метри. Сепак, според соговорник The New Straits Times, „’Су-25’ би требало да дејствува на границите од своите перформанси, но тоа е возможно“.

Четири дена по несреќата на летот МН17 од Амстердам до Куала Лумпур, началникот на Главната оперативна управа на Генералштабот на руската армија, генерал-потполковникот Андреј Картаполов на прес-конференција во Москва соопшти дека украински ловец од типот „Сухој Су-25“ бил 3 до 5 километри оддалечени од малезискиот „Boeing 777“ непосредно пред неговиот пад, кој притоа ги повика САД да објават сателитски снимки од тој временски интервал, а украинскиот претседател Петро Порошенко одговори дека во времето на несреќата сите украински авиони биле приземјени.

„Видовме дека украинскиот авион ’Су-25’ се крева кон малезискиот ’Boeing’ кој од него беше оддалечен 3 до 5 километри. Су-25 може да лета на височина до 10.000 метри. Носи ракети со дострел од 12 километри и сигурно гаѓа цел на растојание до 5 километри“, изјави генералот Андреј Картаполов на прес-конференцијата во Москва. „Се прашуваме: зошто ловецот летал на таа височина кога и цивилен авион?“, додаде Картаполов.

Авионот од типот „Сухој Су-25“ кој во класификацијата на НАТО се именува како Frogfoot примарно е јуришен авион за напади на цели на земјата. Но постои варијанта и можност овој тип авион да биде опремен со ракета Р-60 воздух-воздух.

Евиденцијата за комуникацијата со украинските контролори на летањето обајвена во прелиминарниот холандски извештај потврдува дека екипажот не испратил никакви повици за итни ситуации. Последниот повик на диспечерот се регистрирани меѓу 15,50 и 15,52 часот по македонско време и останал без одговор од екипажот. Се истакнува и дека во 15,49 часот авионот направил отклонување за 3,6 наутички милји кон север од центарот на воздушниот коридор по кој требало да лета.

Тоа, пак, се совпаѓа со тврдењата на руското министерство за одбрана набрзо по трагедијата кое ведеде дека во текот на летот „по Донецк малезискиот авион ја променил насоката и се оддалечил од својот коридор, 14 километри налево. Потоа се обидел да се врати во коридорот, но не го извел докрај маневарот. Во 17.20 часот (по московско време) забележан е значителен пад на брзината, а во 17.23 часот исчезнал од радарските екрани на руската контрола на летањето. Прашање е зошто излегол од својот коридор, односно дали станува збор за навигациска грешка или наредба на украинскиот контролор на летот“./крај/мф/сн

Извор: Макфакс