Спорт
Ботас остана најбрз, Ферстапен се судри со Строл, болидот на Гасли се запали!

Валтери Ботас остана најбрз на драматичниот прв ден од Португалското ГП на „Алгарве“ патеката во Портимао, по сесии во кои имаше пожар за Пјер Гасли и опасен судир на Макс Ферстаспен и Ленс Строл при голема брзина.
Во првата сесија Ботас беше за три десетинки побрз од колегата од Мерцедес, Луис Хамилтон, а Ферстапен беше трет. Во втората сесија, првите 30 минути се искористија како тест на гумите на Пирели за 2021 година, и Ботас постави најдобро време од 1:17.940, пред сесијата да биде прекината поради пожарот во болидот на Алфа Таури на Пјер Гасли, кој за среќа избегна повреди.
По рестартот на сесијата, на патеката излегоа многу болиди, и Ферстапен и Строл се судрија при брзина од над 200 километри, праќајќи го возачот на Рејсинг поинт надвор од патеката за втор прекин.
Ботас остана најбрз со половина секунда пред Ферстапен, а Лендо Норис во Мекларен беше трет најбрз, пред Шарл Леклер (Ферари), Карлос Саинс Јуниор (Мекларен) и Себастијан Фетел (Ферари). Гасли остана седми пред Хамилтон, кој не доби шанса да вози на меки гуми.
? Max Verstappen and Lance Stroll collide pic.twitter.com/GGWWTBSXyL
— F1 videos (@goalkajuv2) October 23, 2020
A dramatic fire ended Pierre Gasly's FP2 in Portimao ?#PortugueseGP ?? #F1 pic.twitter.com/RLd1jPBFkd
— Formula 1 (@F1) October 23, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Милан испратиле понуда за Бонифејс

Италијанскиот гигант Милан до крајот на преодниот рок ќе донесе уште еден напаѓач, бидејќи во овој момент во тимот има само една класична „деветка“, Сантијаго Хименез.
Изминатите недели со Милан се поврзиваа Расмус Хојлунд од Манчестер јунајтед и Душан Влаховиќ од Јувентус.
Но како што сега стојат работите, ниту еден од нив нема да пристигне на „Сан Сиро“.
Италијанските медиуми вечерва објавија дека Милан испратиле официјална понуда до Баер Леверкузен за нигерискиот напаѓач Виктор Бонифејс (24). Според овие извори, Милан за се подготвени да им платат на „аптекарите“ околу 30 милиони евра отштета.
Наводно, челниците на Милан и Бонифејс веќе постигнале договор за платата, а се чека „зелено светло“ од германскиот клуб.
Нигериецот е во Баер од 2023 година, кога пристигна од Унион Берлин, а пред да дојде во Германија играше и за норвешки Бодо/Глимт, кипарски Лефке и нигериски Реал Сафир. Тој одигра 13 натпревари за нигериската репрезентација.
Спорт
Даглас Луиз се сели во Нотингем Форест

Играчот од средниот ред на Јувентус, Даглас Луиз (27), треба да го финализира својот трансфер во Нотингем Форест во следните неколку дена, објавија италијанските медиуми.
Бразилецот пристигна во „Старата дама“ пред една година од Астон Вила во трансфер вреден 51 милион евра. Тој помина пет сезони во Вила и постигна 22 гола и додаде 24 асистенции.
Јуве очекуваше многу од Бразилецот, но тој на крајот се покажа како големо разочарување и еден од најлошите трансфери во историјата на славниот клуб од Торино.
Ни Тијаго Мота, ни Игор Тудор не успеаја да го извлечат максимумот од Далглас Луиз.
Иако неговиот договор е важечки до јуни 2029 година, Јуве одлучи дека е најдобро да го продаде додека сè уште може да добие значителна отштета за него. Иако раководството на „Старата дама“ се надеваше на сума од 40 милиони евра, се чини дека ќе се согласат со понудените 30 милиони, тврдат италијанските медиуми.
Даглас Луиз треба да потпише петгодишен договор со „шумарите“, а би имал поголема плата отколку во италијанскиот клуб.
Спорт
Македонија со победа ги заврши мундијалските предквалификации

Кошаркарската репрезентација на Македонија со победа го заврши претквалификацискиот циклус за Светското првенство. Вечерва цо СРЦ Кале во Скопје, Македнија ја победи Унгарија со 82:75. Првата победа, забележана во последното коло, не беше доволна Македонија да влезе во мундијалските квалификации, таму ќе играат Романија и Унгарија.
Македонија одигра добар меч против Унгарците. Со исклучок на воведните минути, Македонија го контролираше натпреварот. По водството на Унгарија (12:15), Македонија одговори со серија од 11:0 и до крајот не го испушти водството.
Во последниот период Македонија ја достигна и највисоката предност од 17 поени (76:59).
Вајле ја предводеше Македонија со 23 поени, по 14 постигнаа Митревски и Ташковски.
Foto/ kfsm.mk