Спорт
„Ел Класико“ – Реал против традицијата и формата оди на „Ноу Камп“
Продолжуваат мечевите од шпанската Ла Лига, а денеска од 16 часот се игра долгоочекуваното „Ел Класико“. Сепак поради паднемијата на коронавирусот мечет ќе се игра на празни трибини на „Ноу Камп“.
Летово имаше големи промени во тимот на Барселона. Пред се, нов тренер стана Роналд Куман кој има задача овој тим повторно да го доведе до шампионската титула, но и да избори завршница во Лигата на шампиони.
Минатата сезона Барса заврши втора зад Реал, а во ЛШ беше демолирана со 8-2 од Баерн Минхен во четвртфиналето.
Доста се пишуваше за тоа дека Лео Меси по долгогодишна верност си оди од клубот, сепак реши да остане и да се обиде со тимот од Каталонија повторно да ги освои посакуваните трофеи. Барса со Куман сјајно стартуваше во новата сезона на ЛШ, со 5-1 го совладаа Ференцварош.
Реал Мадрид, пак, се чини се наоѓа во резултатска криза. Минатиот викенд доживеаја шокантен пораз од Кадиз на свој терен, а во средата исто така на домашен терен загубија со 2-3 од Шахтјор Доњецк. Мадриѓаните имаат уште многу време да ја поправат формата, а токму „Ел Класико“ е новиот испит.
Барселона уште од 2017 година не е поразена на свој терен од Реал Мадрид, сепак впечатокот е дека двата тима не брилјираат на стартот на сезоната.
Мечот во Каталонија се игра со почеток во 16 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал Мадрид најде замена за Хезоња
Турскиот кошаркар Фуркан Коркмаз следното лето би можел да му се приклучи на Реал Мадрид.
Овој 26-годишен кошаркар треба да пристигне во редовите на европскиот шампион како замена за Марио Хезоња кој не го продолжи договорот.
Коркмаз е без клуб од февруари кога беше трејдуван од Филаделфија во Индијана, која веднаш му врачи отказ.
Тој беше член на Сиксерс од 2017 до 2024 година, во кариерата на 328 натпревари во НБА лигата има просек од од 6,8 поени и два скока.
Според турските медиуми, Коркмаз ги започнал преговорите со Реал. Од дуга страна Марио Хезоња ќе се пресели во Панатинаикос чиј член беше во 2021 година.
Спорт
Математиката на Челси, Лукаку+пари = Виктор Осимен
Ромелу Лукаку (30), по три сезони минати во Интер и една во Рома, во Серија А би можел да го облече дресот на Наполи.
Белгиецот изминатите две сезони настапува како позајмен, во Интер и Рома. Доколку се пресели во Наполи тој би бил дел од трансферот на Виктор Осимен.
Италијанските медиуми најавуваат дека 25-годишниот Нигериец следното лето би можел да го засили Челзи во трансфер вреден меѓу 80 и 90 милиони евра и дека Лукаку ќе послужи како своевидна „доплата“ во таа „зделка“.
За Осимен се заинтересирани и саудиските клубови, па Челзи ќе мора да му понуди голема плата доколку сака да го обезбеди потписот на нигерискиот репрезентативец.
Спорт
(Видео) Меси и Суарез го декласираа Њујорк Ред Бул
Аргентинскиот фудбалер Лионел Меси стана првиот играч во историјата на МЛС со пет асистенции на еден натпревар.
Меси го растури Њујорк Ред Бул со гол и пет асистенции. Интер славече победа 6:2.
Домашниот тим со пресврт дојде до седмата победа оваа сезона, откако Њујорк поведе во 30. минута преку Данте Ванзеир.
Матијас Рохас израмни во 48. минута, а Меси погоди две минути подоцна.
Рохас ја затресе мрежата на гостите во 62. минута, а Луис Суарез постигна хет трик во финишот.
Погоди во 69., 75. и 81. минута, а Њујорк Ред Бул постигна уште еден гол во седмата минута од судиското надополнување преку Емил Форсберг од белата точка.
Интер е прв во Источната конференција со 24 бодови, додека Њујорк Ред Булс е четврти со 17 бодови.