Свет
(Видео) Демонстранти фрлаа со јајца кон Руди Џулијани и кон поддржувачите на Трамп во Њујорк
Демонстрантите против Доналд Трамп фрлаа јајца и упатуваа навреди кон приврзаниците на американскиот претседател вклучувајќи го и поранешниот градоначалник на Њујорк, Руди Џулијани.
На видеото се гледа пропаганден карван со знаме – идентификуван на интернет како собир „Евреите за Трамп“ – предводен од Џулијани, кој е бомбардиран со јајца, а еден демонстрант извикува: „Е***и ѓубриња“.
„Е*и се, Руди“, се слуша друг човек како вреска.
„Врати се на Лонг Ајленд е***а кукавицо“, вика друг човек.
Еден демонстрант се гледа како кине знаме „Поддршка за сините“. Друго видео покажува дека полицајците ги спречуваат демонстрантите да го следат карванот за Трамп.
NYPD blocked anti-fascists from following the Proud Boy/pro-Trump caravan in NYC. Then cops from the NYPD’s anti-protest Strategic Response Group grabbed 2 anti-fascists & threw them down. Then other cops pointed out another person & started chasing them. pic.twitter.com/tu66wW5ZAq
— Ash J (@AshAgony) October 25, 2020
Поддржувачите на Трамп се судриле со демонстрантите против Трамп на „Тајмс сквер“, каде што двете страни си размениле удари, а врз возилата во карванот била истурена црвена боја.
Ruddy Giuliani just rode through NYC with Trump Caravan. Trump cars got egged and flags ripped up by BLM.
? By Scootercaster (FNTV) [email protected] for licensing pic.twitter.com/9Knx0hAtSM
— @SCOOTERCASTER (FNTV) (@ScooterCasterNY) October 25, 2020
Караванот од автомобили возел во делови на Менхетн и Бруклин.
More from brawl in Manhattan when anti-Trump protesters attack #JewsForTrump vehicle convoy pic.twitter.com/KUPratW4Mf
— NYC Scanner (@NYScanner) October 25, 2020
Судирите не завршиле во Мидтаун. Видео објавено на „Твитер“ подоцна во текот на денот покажува демонстрант кој фрла јајца кон карванот седнат покрај автопатот во Проспект Парк.
„Имам куп од овие, беби. Цел ден можам да го правам ова. Серковци, научете каде ви е местото“, се слуша човекот како вика додека вади јајца од картонот и ги фрла.
The egg-thrower @AzadM_52 filmed himself. @NYPDnews pic.twitter.com/KgLZCUGLpD
— NYC Scanner (@NYScanner) October 25, 2020
Полициски извори соопштија дека најмалку седум лица биле уапсени за време на немирите, а двајца полицајци биле повредени.
Полицијата соопшти дека еден демонстрант бил уапсен и за прскање бибер-спреј кон седумчлено семејство, кое било во возило што било дел од карванот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Американски разузнавачи со предупредување: Русија и Кина подготвуваат заедничка инвазија
Американското разузнавање има информации кои укажуваат дека Русија и Кина тесно соработуваат за голем број воени прашања, вклучително и потенцијална инвазија на Тајван.
Такво нешто ја поттикна американската администрација да планира како да спречи такво сценарио, пренесува „Блумберг“.
„Ова е првпат Кина и Русија да соработуваат за прашањето на Тајван. Кина дефинитивно сака да соработува со Русија во оваа насока“, рече шефицата на Националната разузнавачка служба Аврил Хејнс за време на нејзиното сведочење пред Конгресот.
Републиканскиот сенатор Мајк Раунд од Јужна Дакота ја праша Хејнс за такво сценарио за време на сослушувањето на Комитетот за вооружени служби во Сенатот. Тој праша и дали Пентагон планира одговор на таквата можност, бидејќи големи се шансите во случај на конфликт со една земја да биде отворен потенцијален конфликт со една или повеќе од нив. Тоа би влијаело на многу работи.
„Секако дека постои можност да се случи такво нешто. Одговорот на тоа прашање зависи од сценариото што би се развило“, рече Хејнс, додавајќи дека разузнавачките проценки укажуваат дека постои зголемена соработка во партнерството „без забрани“ меѓу Русија и Кина во секој општествен сектор – политички, економски, воени, технолошки“, пренесува медиумот.
Нејзините изјави, според написите ги потврдил и генерал-полковник Џефри Круз и нагласил дека ситуацијата внимателно се следи и дека „тие се подготвени доколку се случи несакано сценарио“.
Медиумот анализира дека треба да се знае дека Русија, Кина и Иран во средината на март одржаа заеднички воени вежби наречени „Поморски безбедносен појас – 2024“ во Оманскиот Залив и Арапското Море.
Свет
Медведев до Швајцарија: Ти благодарам, земјо на сирењето и часовниците
Дмитриј Медведев, поранешен руски претседател и актуелен заменик на Советот за безбедност, рече дека конференцијата за прекин на огнот во Украина ќе биде уште еден доказ за пропаѓањето на „мировниот план“ на украинскиот претседател Володимир Зеленски.
Швајцарската влада претходно објави дека Русија во моментов не е меѓу десетиците поканети земји, додавајќи дека е отворена за нејзино учество, но дека Москва не е заинтересирана. Берн го најави собирот во јануари, велејќи дека го организирал на барање на украинскиот претседател Володимир Зеленски.
Медведев објави денеска на Телеграм. „Која е користа за Русија од швајцарската „мировна конференција“? Придобивката е трикратна. Прво, тоа ќе биде уште еден доказ за пропаѓањето на таканаречениот мировен план на идиотот Зеленски.
Второ, тоа ќе стане видлив доказ за целосната немоќ на сегашните западни елити, кои извршија болна самокастрација на нивната способност да го прекинат воениот конфликт. Згора на тоа, по директна наредба на група сенилни лекари од Вашингтон.
Трето, тоа ќе им овозможи на нашите вооружени сили да продолжат да ја чистат територијата на Мала Русија од неонацистите без мешање или сметка за нечии глупави „мировни иницијативи“ и сите ние да извршиме скрупулозна работа во насока на конечниот колапс на политичкиот режим на Украина и брзото враќање на нашите оригинални територии во Руската Федерација. Ти благодарам, земјо на сирењето и часовниците“, напиша Медведев.
Европа
(Видео) Голем пожар во фабрика во Берлин, жителите предупредени да го избегнуваат подрачјето
Голем пожар во фабрика во Берлин-Лихтерфелд, која произведува системи за противвоздушна одбрана што се користат на бојното поле во Украина.
Противпожарната бригада предупредува на отровен чад, пренесува „Билд“.
‼️ A defense-industrial company factory is on fire in Berlin
According to media reports, a fire with toxic smoke occurred at a metallurgical plant of the defense-industrial company Diehl. The company is the main contractor of the IRIS-T production program and ammunition for this… pic.twitter.com/jZBBXTEdSm
— NEXTA (@nexta_tv) May 3, 2024
Адријан Венцел, портпарол на берлинската противпожарна бригада, изјави за Билд:
„Целосно изгореа четири ката од зградата. Дел од неа е веќе урнат, а ја гаснеме однадвор. Пожарот повеќе не може да се стави под контрола однатре.
Дежураат околу 160 пожарникари. Спасувачите носат заштитни одела.
Можеме да потврдиме дека во зградата биле запалени и хемикалии. Таму биле складирани сулфурна киселина и бакар цијанид. Постои ризик да се формира водород цијанид и да се издигне во воздухот со чад“, додаде портпаролот.
Противпожарната бригада го информираше населението преку апликации за предупредување.
Feuer mit Explosionen in Berlin Lichterfelde am 03.05.2024 #Feuerwehr #brand pic.twitter.com/4hZG5XekU0
— Niko (@nl_an) May 3, 2024
Станува збор за фирма „Diehl Metal Applications“ која има сопствен систем за доработка на метални површини во објектот.
По проценка на временските услови и соодветниот правец на ветерот, чадот од фабриката се пресели на север. Противпожарната бригада советува избегнување на просторот околу претпријатието, затворање на прозорците и вратите и исклучување на вентилацијата и климатизацијата.
Сојузната држава Берлин издаде официјално предупредување за опасност, советувајќи ги луѓето да ја избегнуваат областа.
Учениците и наставниците од околните училишта беа испратени дома.
Во е-пошта до родителите, една гимназија испратила порака во која ги замолува учениците да останат дома.
Засега нема информации за причината за пожарот, но соопштено е дека нема повредени.