Економија
Вработените во државните органи и судството ќе земаат К-15 од следната година
Премиерот Зоран Заев прими делегација на Синдикатот на работниците од управата, правосудните органи и здруженијата на граѓани (Синдикат на УПОЗ) предводена од претседателот Пецо Грујовски и генералниот секретар Трпе Деановски.
Од Владата соопштија дека е договорено во буџетот за 2021 година за првпат да се предвиди и исплата на регрес за годишен одмор согласно потпишаниот Грански колективен договор, односно за органите на државната управа, стручните служби на Владата на Република Северна Македонија, судовите, јавните обвинителства, казнено-поправните и воспитно-поправните установи, државното правобранителство, општините, Град Скопје, општините во Град Скопје, агенциите, фондовите и другите органи основани од Собранието на Република Северна Македонија.
„На средбата со претставниците на Синдикатот на УПОЗ е разговарано дека Владата на Република Северна Македонија ќе даде насока исплатата на регресот за годишен одмор да се одвива во месеците јули, август и септември 2021 година, односно веднаш по исполнувањето на условот вработениот да работел најмалку шест месеци во календарската година кај работодавачот“, соопштија од Владата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
„Боинг“ има нов план: понуди зголемување на платите за 35 проценти за да го запре штрајкот
Синдикатот што ги претставува машинистите на Боинг преговараше за нов предлог договор со кој ќе се обезбедат бонуси и зголемување на платите од 35 отсто во текот на четири години, во обид да се стави крај на скапиот прекин на работата и прекинот на производството на авиони што трае повеќе од еден месец.
Меѓународната асоцијација на механички и воздухопловни работници денеска изјави дека планира да одржи гласање за ратификација во среда , како што пренесува АП.
Последната понуда вклучува бонус од 7.000 долари, враќање на стимулации и подарежливи придонеси за 401.000 идни пензионери, вклучително и еднократен придонес од 5.000 долари плус до 12 отсто придонес од работодавачот.
Вршителот на должноста министер за труд на САД, Џули Сју, исто така одигра клучна улога во постигнувањето на договорот, бидејќи се состана со претставници на компанијата и синдикатот, покажувајќи ја загриженоста на администрацијата на Џо Бајден за економското влијание на штрајкот.
Околу 33.000 работници на синдикатот на Боинг на американскиот западен брег, повеќето од нив во државата Вашингтон, штрајкуваат од 13 септември . Прекинот на работата доведе до прекин на производството на најпродаваниот авион „737 MAX“ и неговите варијанти „767“ и „777“.
Синдикатот наводно побарал зголемување на платите за 40 отсто и враќање на дефинираните бенефиции за идните пензионери.
„Боинг“ соопшти дека просечната годишна плата за машинерите моментално е 75.608 долари.
Штрајкот го поттикна новиот извршен директор на Боинг, Кели Ортберг, да објави околу 17.000 отпуштања и да преземе рани чекори за да собере до 25 милијарди долари нови акции или долг за да ги зајакне финансиите на компанијата.
Американската авиокомпанија оваа година оди од криза во криза, почнувајќи од 5 јануари, кога за време на летот експлодирал приклучокот на вратата од авионот „737 Max“ во сопственост на Алјаска ерлајнс.
Главниот извршен директор на компанијата оттогаш си замина, производството е забавено додека регулаторите ја испитуваат безбедносната култура на компанијата, а во септември 33.000 синдикални работници стапија во штрајк.
Штрајкот чини околу 1 милијарда долари месечно, според еден аналитичар, а за да ги намали трошоците, производителот на авиони исто така најави дека ќе укине 17.000 работни места.
(Танјуг)
Економија
Мицкоски: Преку консолидирање на приходите исплативме милијарда и 300 милиони денари субвенции за земјоделците, го санираме секој проблем наследен од разбојничката Влада на СДСМ и ДУИ
„Состојбата со земјоделието е катастрофална, онаа која што ја наследивме, консолидирање постоеше во овој период, со ребалансот предвидовме дополнителни средства и можам да кажам дека од периодот 25-26 јуни до кај 17-18 октомври, некаде околу милијарда и 300 милиони се исплатени на повеќе од 20 илјади земјоделци субвенции“, вака претседателот на Владата на Република Северна Македонија, Христијан Мицкоски одговори на новинарско прашање за тоа како тече исплатата на субвенциите во земјоделието.
Тој додаде дека преку консолидирање на приходите се обезбедени се милијарда и триста милиони денари за субвенции за земјоделците, нешто што до сега, како што рече, беше мисловна именка.
„Нешто што до сега преставуваше мисловна именка, нешто што беше невозможно, со консолидирање на приходите во буџетот, со повеќе приходи, со ребалансот успеавме да обезбедиме за повеќе од 20 илјади земјоделци повеќе од една милијарда и три стотини милиони денари за субвенции, нешто што досега, ќе повторам, не беше можно“, потенцираше Мицкоски.
Тој исто така, потсети на добрата цена за лозарите, поддршката за производителите на сливи и вонредните мерки за производителите на јачмен и пченица, додавајќи дека после откупот на јаболката кој се одвива моментално фокус ќе бидат тутунарите.
„Ова консолидирање продолжува и во следната година. Ќе ве потсетам дека имавме исклучително добра цена за лозарите, за тие коишто се занимаваат со лозарството, исто така поддршка за одгледувачите на сливи, имавме вонредни мерки за производителите на јачмен и пченица, со јаболкото сега засега состојбата е одлична со откупот, понатаму фокус се тутунарите“, нагласи Мицкоски и додаде:
„Така што сето она што преставува проблем и наследена состојба од страна на претходната разбојничка влада предводена од СДСМ и ДУИ ќе го санираме ќе се бориме, бидејќи секој еден човек е важен“.
Економија
(Видео) Битиќи: Лоши прогнози на Светска банка за економијата – политиките на Мицкоски се неуспешни
Светска банка во својот најнов извештај за Македонија изнесе аларамантни и поразителни податоци за економската состојба на земјава, дека извештајот не е технички документ туку слика на секојдневието од втората половина на тековната година – раст на цените, уништување на животниот стандард, откажување од планот за раст на платите, кажа денеска на прес-конференција пратеникот на СДСМ, Фатмир Битиќи.
Според Битиќи, нашата економија е во слободен пад и наместо очекуваниот економски раст од 2,5 проценти, годинава, според Светска Банка, ќе ја завршиме со само 1,8 отсто раст на БДП што е јасен сигнал дека економските политики на ВМРО-ДПМНЕ се целосно неуспешни.
„Во извештајот јасно се забележува дека главната причина за овој пад е „топло-ладниот” однос према реализирањето на клучните инфраструктурни проекти – Коридорите 8 и 10Д, кои требаше да донесат економски бенефит, но ВМРО-ДПМНЕ ги држи на хартија. Наместо да се движиме напред, владата дозволи овие проекти да останат закочени, а тоа има катастрофални последици за БДП. Дополнително, додека слушаме за големи ветувања за инвестиции во енергетскиот сектор, според Светска банка овде се таложат проблеми кои се реален ризик да го забрзаат падот на економијата“, вели Битиќи.
Тој посочи дека во ваква ситуација, светлото на крајот на тунелот, според Светска банка, може да биде само Планот за раст на Европската унија, кој заедно со веќе воспоставените мерки за раст на платите и поддршката на компаниите (домашни и странски) би донел позитивен импулс во македонската економија.
„Ова е патот кој треба да го следиме – патот кон Европа, кон стабилност и модернизација. Но, наместо тоа, Владата продолжува да се задолжува неконтролирано со кредити кои ќе ја донесат државата во компромитирана ситуација не само на економски туку и на геополитички план“, рече Битиќи.
На крајот од годинава, како што рече, фискалниот дефицит ќе достигне 4,9 проценти, а јавниот долг ќе скокне на загрижувачки 63,5 проценти од БДП.
„Со ново најавените 500 милиони евра дополнително задолжување од Унгарија, може да очекуваме јавниот долг да се приближи на 70% од БДП. Патека која води во економски пропаст. Се создава долг што економијата нема капацитет да го поддржи преку создавање на нова вредност. Каматната стапка од 3,25%, кој е толку фалена од власта, е повисока од очекуваниот раст на БДП за 1,45 процентни поени“.
Според него, Владата не може да ја контролира ситуацијата, а луѓето едвај врзуваат крај со крај. Владините мерки за ограничување на маржите на мал дел од прехранбените производи, вели Битиќи, се апсолутен неуспех.
„Економијата може и мора да се опорави, но за тоа е потребна влада која знае како да управува со ресурсите на државата, која е транспарентна и која ќе ги штити интересите на сите граѓани, а не интересите на привилегирани малкумина“, изјави Битиќи на прес-конференцијата.
Реагираа од ВМРО-ДПМНЕ:
„Да не се грижи СДС, Македонија се движи во правилна насока и опустошената економија која ја оставија, владата предводена од ВМРО-ДПМНЕ има план и програма како да ја развие. СДС од опозиција глуми лажна грижа за граѓаните и економија, имаа седум години да ја развиваат Македонија и да зголемат економскиот. Но наместо тоа, оставија урнисана економија, девастирани институции, празен буџет. За разлика од СДС, ВМРО-ДПМНЕ на власт презема конкретни мерки за заживување на економија и за зголемување на животниот стандард на граѓаните. За само два месеци влада, ВМРО-ДПМНЕ донесе четири странски инвестиции, од кои само една е во вредност од над 500 милиони долари, и нови над 1500 вработувања. Владата предводена од ВМРО-ДПМНЕ го зголеми пензиите за 5000 денари линеарно покачување за сите пензионери, следи зголемување на платите на просветните работници кое до крајот на мандатот ќе достигне 46%. Над четири милијарди евра само во прва фаза ќе бидат доделени на сите општини за реализација на капитални и инфраструктурни проекти кои што директно ќе влијаат на заживување на економијата и стопанството и со тоа ќе се овозможи рамномерен економски развој“, пишуваат од владејачката партија.