Свет
(Видео) Турци во потрага по Ерменци во Лион: етнички тензии за конфликтот во Нагорно-Карабах
Турски националисти маршираа низ периферијата на Лион, Франција, по насилните судири со етничките Ерменци, кои блокираа еден автопат за да ја покажат својата поддршка за Ереван во неговата војна со Азербејџан во Нагорно-Карабах, пренесува РТ.
Припадниците на „Сивите волци“, турска националистичка група, излегоа на улиците во предградието на Лион и блиската општина во средата вечерта кога претходно, наводно, неколкумина Турци биле повредени од ерменски демонстранти.
Независниот синдикат на полициските комесари на Франција преку твит соопшти дека 150 премногу возбудени лица учествувале во казнена експедиција во потрага по Ерменците во Виен, комуна 35 км јужно од Лион. На снимките објавени на социјалните мрежи се гледа како група луѓе викаат и веат турски знамиња додека се движат низ Виен, а полициски автомобил се повлекува.
Ça soir, à #Vienne, des #Turcs mènent une expédition punitive à la recherche d’#Armeniens, dans la ville.
Ils croisent et agressent un équipage de la @PoliceNat38.
Nos collègues ont encore fait preuve de sang-froid et de courage face à 150 individus surexcités.#confinement pic.twitter.com/WYizppJHwk— Commissaires de police – SICP (@SICPCommissaire) October 28, 2020
Групата ги наполни и улиците на Десине, предградие на Лион. На едно видео се слуша како толпата скандира: „Алаху акбар“, „Каде се Ерменците?“ и „Е*и се, Ерменија, ќе ве е***е“, објавија француските медиуми.
Non, mais regardez ce qui se passe à Décines. Des fascistes turcs sèment la terreur dans les quartiers arméniens. La France va très mal.pic.twitter.com/LrPm7QD1L4
— Bahar Kimyongür (@Kimyongur) October 28, 2020
Немирите доаѓаат неколку часа откако стотици етнички Ерменци го блокираа автопатот А7, што ги поврзува Лион и Марсеј, како дел од протестот против воените дејства на Азербејџан и Турција во спорниот регион Нагорно-Карабах. Подоцна почнаа расправии, а турските медиуми тврдат дека патниците, некои од нив турски државјани, биле спречени да поминат.
Според извештаите на медиумите, неколку лица добиле повреди за време на судирите.
Ерменија и Турција се жестоки ривали, особено поради горливото наследство од 20 век од геноцидот врз Ерменците од страна на Отоманската Империја, во кој загинале речиси 1,5 милион луѓе, но и поради долгогодишната воена и политичка поддршка на Анкара за Азербејџан.
Минатиот месец избувна војна меѓу Ерменија и Азербејџан за спорниот регион Нагорно- Карабах, при што двете земји меѓусебно се обвинија за употреба на воена агресија и гранатирање цивили.
Турција е гласен поддржувач на Азербејџан во конфликтот и се соочи со обвинувања за обезбедување директна воздушна поддршка на Баку, како и за испраќање сириски џихадисти во регионот. Анкара ги негира обвинувањата.
Регионот Нагорно-Карабах, кој е меѓународно признат како дел од Азербејџан, но во кој живее мнозински ерменско население, еднострано прогласи независност од Баку во раните 90-ти и оттогаш е поддржуван од Ерменија. Азербејџанските власти, кои сметаат дека областа е незаконски окупирана од Ереван, ветија дека ќе ја вратат контролата врз неа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Остин: Бајден ја запре испораката на оружје за Израел
Американскиот министер за одбрана Лојд Остин денеска изјави дека одлуката на американскиот претседател Џозеф Бајден да ја прекине испораката на муниција за Израел е донесена поради израелските планови да изврши офанзива врз градот Рафах на југот на Појасот Газа.
„Од самиот почеток бевме многу јасни дека Израел не треба да започне голема офанзива во Рафах без да ја земе предвид заштитата на цивилите во областа. Откако ја преиспитавме ситуацијата, престанавме да испраќаме муниција во Израел“, рече тој на сослушувањето во Сенатот и потврди дека конечната одлука „што ќе се случи со таа пратка“ се уште не е донесена, пренесува Ројтерс.
Администрацијата на САД ја запре испораката на околу 3.500 бомби во Израел минатата недела поради загриженоста за најавената копнена офанзива на Рафах, објави претходно денеска Асошиејтед прес, повикувајќи се на неименуван претставник од администрацијата.
Овој функционер појаснил дека не е донесена конечна одлука за испораката на бомбите и дека во суспендираната пратка имало 1.800 бомби од по 900 килограми и 1.700 бомби со тежина од 226 килограми.
Во понеделникот, израелскиот воен кабинет одлучи да ја спроведе планираната операција во Рафах за да „изведе воен притисок врз Хамас“, и покрај претходната најава на Хамас дека се согласува со египетско-катарскиот предлог за прекин на огнот.
Европа
Намалениот број на станови доведе до раст на кириите во Германија
Растат кириите во Германија поради немањето станови во услови на високи градежни трошоци и кредити. Сето тоа го запре градежниот сектор и побарувачката, но и ги намали цените на квадратот, се вели во извештајот на здружението на банките.
Становите во Германија поевтиниле за 4,3 отсто во првиот квартал во однос на истиот период лани, објави здружението на германските банки„Pfandbrief“.
Цените за изнајмување на нови станови се зголемени за 5,6 отсто. Трендот на поскапување на кириите нема да запре, оценуваат од здружението.
„Пазарот за изнајмување станови е под огромен притисок. Побарувачката значително ја надминува понудата“, рече извршниот директор на здружението, Јенс Толкмит.
Трошоците за изградба значително се зголемија во последните години поради повисоките каматни стапки на кредитите и значително повисоките трошоци за работна сила и цените на градежните материјали. Во вакви услови се намали бројот на одобренија за градба, а побарувачката ослабе, што резултираше со пониски цени на становите, смета министерот за финансии.
Според податоците на здружението на банките, цените на недвижностите најмногу паднале во Минхен, за 5,3 отсто.
Во исто време, падот на градежната активност го продлабочува „недостигот“ на станови, зголемувајќи го натамошниот раст на закупнината, кој би можел да продолжи уште некое време.
Здружението оценува дека цените на станбените недвижности треба да се стабилизираат во догледна иднина, за разлика од комерцијалните недвижности, како што се деловните згради и трговските центри.
Цените во тој сегмент паднаа за речиси 10 проценти на годишно ниво и се уште не се гледа „дното“, вели првиот човек на здружението.
Проценките се базираат на податоци за работењето на повеќе од 700 банки кои се активни во финансирањето на недвижен имот, а не на понуди за купување и изнајмување кои служат како основа за Заводот за статистика, забележуваат тие во здружението.
Европа
(Видео) Драма на небото над Трст: забележана несекојдневна појава
Во внатрешноста на заливот Трст, во близина на границата со Словенија, во вторникот попладне се формирал вител.
Италијанските медиуми јавија дека невремето не предизвикало материјална штета, ниту било закана за населението. Интервенцијата на пожарникарите и на пристанишните служби не била потребна.
Waterspout reported in the North Adriatic between the town of Muggia and Koper a few hours ago.
Original video shooting from meteoradar
➡️ https://t.co/SXbq5rbWaj pic.twitter.com/XxRu57Gohs— Alpine-Adriatic Meteorological Society (@aametsoc) May 7, 2024
Италијанската метеоролошка агенција објасни дека ваквите појави не се воопшто ретки и дека се резултат на екстремна нестабилност на атмосферата.
Областа на низок воздушен притисок, која владее со поголемиот дел од Италија, донесе влажни струи во Трстскиот Залив.
„Во овие временски услови, неколку пати годишно може да се појават воздушни вртлози, кои во повеќето случаи се распаѓаат на море“, објаснуваат италијанските метеоролози.