Свет
Бајден поблиску до победата, Трамп бара пребројување во Висконсин
Продолжува тензичната трка за нов претседател на САД.
На Џо Бајден му недостасуваат само шест изборни гласови за да влезе во Белата куќа, но стотици илјади гласови сè уште треба да бидат избројани во клучните сојузни држави во САД за да стане поизвесен исходот од тесната битка меѓу Бајден и актуелниот претседател Доналд Трамп, кој веќе тргна во правен поход во државите каде што Бајден направи пресврт.
Неговиот персонал во средата поднесе тужби со барање за запирање на броењето на гласовите во Џорџија, Пенсилванија и Мичиген, а во Висконсин е побарано пребројување на гласовите.
Новите резултати од изборите во Америка, кои може да го откријат конечниот победник, треба да бидат познати во попладневните часови по средноевропско време, кога се очекува да бидат ажурирани податоците од Невада, Џорџија и Аризона.
Невада носи шест избирачки гласови и тоа може да биде клучот за победата на Бајден.
Трамп, кој прогласи победа на изборната вечер и секој спротивен исход го нарече кражба, се соочува со многу потежок пат до победата. За да ја продолжи трката, Трамп мора да ги освои Џорџија и Аризона или Џорџија и Невада, откако американските медиуми објавија дека Бајден победил во Висконсин и Мичиген.
Доколку успее, тогаш републиканецот мора да победи и во Пенсилванија, каде што предноста континуирано му опаѓа, и во Северна Каролина, со цел да ги добие потребните 270 избирачки гласови.
Тековен вкупен изборен резултат во моментов е Бајден – 264, Трамп – 214.
Тековна состојба во клучните земји каде што броењето сè уште трае (според податоците на АП, ажурирани во 15:25 часот):
Аризона – води Бајден. Џо Бајден – 50,5% / Доналд Трамп – 48,1%. Избројани 86%. Државата носи 11 избирачки гласови. („Асошиејтед прес“ оваа држава ја смета како извојувана победа за демократскиот кандидат, но не сите американски медиуми го имаат отпишано Трамп. Токму затоа во анкетите на Си-ен-ен, на пример, Бајден има резултат од 253, а на АП од 264).
Пенсилванија – води Трамп: Доналд Трамп – 50,7% / Џо Бајден – 48,1%. Избројани 89%. Државата носи 20 избирачки гласови.
Невада – води Бајден. Џо Бајден – 49,3% / Доналд Трамп – 48,7%. Избројани 75%. Државата носи 6 избирачки гласови.
Џорџија – води Трамп. Доналд Трамп – 49,6% / Џо Бајден – 49,2%. Избројани 99%. Државата носи 16 избирачки гласови.
Северна Каролина – води Трамп. Доналд Трамп – 50,1% / Џо Бајден – 48,7%. Избројани 94%. Државата носи 15 избирачки гласови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Зеленски пристигнува на погребот на папата
Украинскиот претседател Володимир Зеленски ќе присуствува на погребот на папата Франциско, пренесе АФП, повикувајќи се на извор од украинскиот претседателски кабинет.
Според истиот извор, канцеларијата на Зеленски ја подготвува неговата посета на Рим за Зеленски лично да се прости од поглаварот на Католичката црква.
Како што претходно беше најавено, погребот на папата Франциско ќе се изврши во сабота, на 26 април, во 10 часот по локално време. Досега Трамп и Макрон потврдија дека ќе бидат на погребот, но се очекува на погребот да присуствуваат бројни светски лидери и стотици илјади верници.
Свет
Кој доаѓа на погребот на папата Франциско: Трамп веќе објави дека патува во Ватикан
Светските државници го најавуваат своето присуство на погребот на папата Франциско, а американскиот претседател Доналд Трамп синоќа на својата мрежа Truth Social објави дека планира да патува во Ватикан со сопругата Меланија на погребот на папата Франциско.
„Меланија и јас ќе присуствуваме на погребот на папата Франциско во Рим. Со нетрпение очекуваме да бидеме таму“, рече Трамп, пренесува лондонски Гардијан.
Францускиот претседател Емануел Макрон потврди дека ќе присуствува на погребот.
„Ќе присуствуваме на погребот на папата, како што е соодветно“, рече Макрон, разговарајќи со новинарите во Сен Дени де ла Реунион.
Според лондонскиот весник, украинскиот претседател Володимир Зеленски треба да присуствува на погребот на папата Франциско.
Се очекува дека во наредните денови списокот на светски државници кои планираат да дојдат во Рим брзо ќе се зголеми, што потенцијално ќе отвори простор за средби на маргините на погребот на папата Франциско.
Свет
(Фото) Најпознатите средби со папата Франциско
Папата Франциско почина на 88-годишна возраст, а од него сега се простуваат бројни личности од јавниот живот. Меѓу оние кои имаа можност лично да се запознаат со него беа и некои локални и меѓународни ѕвезди, меѓу кои и Анџелина Џоли, Леонардо ди Каприо, Силвестер Сталоне и многу други.
Леонардо ди Каприо
И светот на филмот и забавата покажаа голем интерес за средба со папата Франциско. Меѓу познатите личности кои имаа можност да го запознаат беше и Леонардо ди Каприо, кој се сретна со папата во 2016 година. Причината за нивната средба беше заедничката загриженост за состојбата на животната средина и климатските промени. Ди Каприо, познат по својата вклученост во областа на екологијата, разговараше со папата за важноста од зачувување на планетата.
Силвестер Сталоне
Познатиот актер Силвестер Сталоне, најпознат по улогата во франшизата Роки, го посети Ватикан во септември 2023 година, придружуван од неговото семејство. Средбата со папата Франциско беше особено срдечна, а насобраните се шегуваа и беа расположени.
Џорџ Клуни
Џорџ Клуни и неговата сопруга Амал, истакната адвокатка за човекови права, се сретнаа со папата Франциско во 2016 година за време на настан во Ватикан посветен на мировното образование.
Анџелина Џоли
Актерката Анџелина Џоли го прикажа својот филм Unbreakable во Ватикан во 2015 година, по што накратко се сретна со папата Франциско. Папата Франциско потоа и подари бројаница.
Кејти Пери и Орландо Блум
Кејти Пери и нејзиниот партнер, актерот Орландо Блум, се сретнаа со папата во 2018 година на здравствена конференција во Ватикан. Иако Блум беше присутен, средбата беше првенствено за Пери, кој го опиша моментот како длабоко духовно искуство.
„Дали Зоран Заев во Дубаи гради високи згради од над 50 ката и дали на тој начин ја стекнал златната виза“, прашува ВМРО-ДПМНЕ
„Времето изминува, СДС се занимава со сè и сешто, шета од тема на тема, но за темите што ги интересира...
Објавено е кога ќе биде погребан папата
Погребот на папата Франциско ќе се одржи во сабота, соопшти Ватикан. Погребот на папата ќе се одржи во сабота, со...
Сообраќајна несреќа кај планинскиот превој „Пресека“: неколку повредени, меѓу нив и две деца
Вчера во 15.30 часот, на магистралниот пат Кичево-Охрид, кај планинскиот превој „Пресека“, се случила сообраќајна несреќа помеѓу патничко моторно возило...
Објавени првите фотографии од телото на папата Франциско: во рацете има бројаница
Ватикан утрово ги објави првите фотографии од телото на папата Франциско. Неговото тело е положено во едноставен дрвен ковчег, со...
ДУИ: Институциите го деградираат користењето на албанскиот јазик на ниво пред усвојувањето на Законот за јазиците
„ДУИ изразува длабока загриженост поради систематското непочитување на албанскиот јазик на официјалните веб-страници на министерствата на Владата на Република Северна...
(Фото/Видео) Најпознатите градби во светот блескаат за папата Франциско
Откако вчера беше објавена веста за смртта на папата Франциско, бројни светски метрополи и верски заедници му оддадоа почит со...
Харвард ја тужи администрацијата на Трамп поради замрзнување на финансирањето
Универзитетот Харвард ја тужеше администрацијата на претседателот Доналд Трамп во обид да го спречи замрзнувањето на повеќе од 2 милијарди...
На Табановце и Богородица времето на чекање за влез во државата е околу 1 час
Сообраќајот на државните патишта се одвива непречено, по суви коловози. Интензитетот на сообраќај на патните правци надвор од градските средини...
(Видео) Запечатена резиденција на папата, во Ватикан владее седисвакација
Ватикан ја запечати официјалната резиденција на папата Франциско, симболично започнувајќи период на жалост. На снимката објавена од Ватикан се гледа...
(Видео) Какви беа последните денови на папата Франциско: „Изгледаше како да се збогува“
Во понеделникот точно напладне црковните ѕвона ширум Италија одекнаа во жалост. Почина папата Франциско. Не поминаа ни 24 часа откако...
Верниците ширум светот го оплакуваат папата
Членовите на Католичката црква, која има 1,4 милијарди верници, денеска тагуваат за смртта на 88-годишниот папа Франциско, фалејќи го како...
„Гробот нека биде едноставен, без украси, на плочата нека стои еден збор“: Ватикан го објави тестаментот на Папата
Папата Франциско во својот последен тестамент потврди дека сака да биде погребан во базиликата Света Марија Велика во Рим, наместо...
Ватикан: Папата почина од мозочен удар и срцево затајување
Ватикан објави дека папата Франциско починал од мозочен удар кој предизвикал кома и неповратно срцево затајување. „Смртта е констатирана со...
Шок и солзи во Ватикан: „Големиот папа нè напушти, уриваше бариери“
„Почина голем папа“, вели Фабио Малвеси, сè уште видно шокиран, како и многумина од верниците и туристите кои се собраа...
Струмичко-скопскиот епарх монсињор д-р Киро Стојанов упати писмо по повод упокојувањето на папата
Скопскиот бискуп и Струмичко-скопски епарх монсињор д-р Киро Стојанов, на Светол Понеделник, 21 април 2025 година упати писмо до сите...
Светските лидери се збогуваа со папата: „Тој секогаш беше на страната на најранливите“
Реакции за смртта на папата Франциско доаѓаат од сите страни, а високи функционери од бројни земји се согласуваат дека „народниот...
СДСМ бара оставка од Љутков „за хаосот во културата“
„СДСМ најостро реагира на катастрофалното раководење со културата од страна на министерот Зоран Љутков, кој остави над 3.000 културни работници...
Ватикан активира специјален режим по смртта на папата
По смртта на папата Франциско во понеделникот, во Ватикан настапи седисваканција – период без папа. Терминот седисваканција доаѓа од латинскиот...
Почина папата Франциско
Папата Франциско почина утринава на 89-годишна возраст, соопшти Ватикан. „Утринава во 7:35 часот, бискупот римски Франциско се врати во домот...
Спроведени 617 вонредни контроли пред Велигден, уништени 1 740 килограми небезбедна храна
Шестотини и седумнаесет вонредни контроли спроведоа инспекциските служби на Агенцијата за храна и ветеринарство (АХВ) пред велигденските празници. Кај 16...
