Спорт
Тоа е вистински херој – Рашфорд со нова победа, британската влада попушти!
Ѕвездата на Манчестер јунајтед, Маркус Рашфорд изделува уште една промена на политиката на британската влада околу помошта за сиромашните деца во земјата, по што призна дека е „горд“ на својот успех.
Британскиот премиер во саботата му се јавил на Рашфорд по неговиот настап при 3:1 победата над Евертон, за да зборуваат за помошта за сиромашните семејства во зимските месеци, откако Рашфорд ја предводеше кампањата за продолжување на програмата за бесплатен ручек за децата и за време на зимските месеци, кога не се оди на училиште.
Во јуни, Рашфорд успешно лобираше да се продолжи со програмата во текот на летото, а сега собираше потписи за да се продолжи програмата до Велигден 2021 година. Ова беше одбиено од британскиот парламент, но Џонсон сега му ветил на Рашфорд дека ќе бидат одвоени 170 милиони фунти за помош на децата во текот на зимата.
„Имав прекрасен разговор со премиерот за подобро да се разбере предвидениот план и ги поздравувам чекорите кои се направени за борба против сиромаштијата кај децата во Обединетото Кралство. Има уште многу работи кои можат да се направат, но првата цел се 1.7 милиони деца кои пропуштаат бесплатни ручеци во училиште бидејќи немаат доволно ниски примања. Владата покажа дека е позитивна за ова прашање и тоа мора да се признае“, напиша Рашфорд на социјалните мрежи.
За својата прва успешна кампања, како и за другите многубројни добротворни акции кои ги презема, Рашфорд, кој и самиот пораснал во сиромашно семејство со самохрана мајка, доби признание и од британската кралица, која го прогласи за член на Британската Империја (МБЕ).
??#ENDCHILDFOODPOVERTY pic.twitter.com/qT6bUH28zM
— Marcus Rashford MBE (@MarcusRashford) November 8, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.
Спорт
Васкес ќе го продолжи договорот со Реал
Реал Мадрид речиси сигурно ќе го продолжи договорот со Лукас Васкез.
Реал ги прекина преговорите за нови договори до крајот на сезоната, бидејќи се очекува тимот да играа во финалето на Лигата на шампионите. Тимот оваа сезона ја освои титулата во Примера и игра во полуфиналето на Лигата на шампионите.
На многу играчи им истекуваат договори на крајот од сезоната и тренерот Карло Анчелоти треба да донесе одлука за составот за следната сезона, а како што пренесоа денеска шпанските медиуми, тренерот сака Васкез да остане уште една година.
Фудбалерот и управата сакаат соработката да продолжи, а Васкез се истакна со своите настапи во претходните недели.
Васкез ќе наполни 33 години во јули и е подготвен за 10-та сезона во Реал Мадрид, а двете страни се блиску до договор.
Се очекува Начо Фернандез и Лука Модриќ да го напуштат Сантијаго Бернабеу.
Спорт
Јунајтед три недели ќе биде без Мегваер
Фудбалерот на Манчестер Јунајтед, Хари Мегваер ќе отсуствува три недели поради повреда на мускулот.
Мегваер се повреди на тренинг, има шанса да игра во финалето на ФА Купот, а како што денеска објави „Скај Спортс“, се очекува да биде подготвен за Европското првенство.
Финалето на ФА Купот меѓу бранителот на титулата Манчестер Сити и Манчестер Јунајтед ќе се одигра на 25 мај во Лондон.
Европското првенство е закажано од 14 јуни до 14 јули во Германија.
Тренерот на Јунајтед, Ерик тен Хаг има големи проблеми во последната линија на тимот, бидејќи се повредени Рафаел Варан, Лисандро Мартинес и Виктор Линделоф.
Дефанзивецот Џони Еванс се врати на тренинзите но неизвесно е дали ќе биде во составот за натпреварот вечерашниот напревар Кристал Палас.