Свет
(Видео) Повеќе од 100 исчезнати во бурата Ета, евакуација на Флорида
Американската сојузна држава Флорида ги затвори плажите, местата за тестирање на коронавирусот, јавниот превоз и нареди евакуација на одреден број луѓе бидејќи се засилува тропската бура Ета носејќи силен дожд на веќе поплавените градски улици.
Флорида веќе ги брои мртвите поради бурата Ета, а во Мексико и Централна Америка повеќе од 100 лица се водат за исчезнати, пренесува АП.
Tropical Storm Eta brings heavy rain and flooding to parts of South Florida. https://t.co/au9eMyyqoo pic.twitter.com/qAE8B1B4Yt
— ABC News (@ABC) November 9, 2020
Дури и ако невремето не се претвори во ураган, бавната брзина со која се движи и обилниот дожд се огромна закана за јужна Флорида, каде што минатиот месец паднаа повеќе од 35 сантиметри дожд, а се проценува дека набргу може да паднат уште 30.
„Во некои области земјата не апсорбира вода доволно бргу, а дождот паѓа сè повеќе“, рече Хозе Пепе Дијаз, секретар на округот Мајами Дејд.
Firefighters in Honduras helped save several people, including an infant, from flooding caused by Tropical Storm Eta.
Although Eta has weakened to a tropical depression, it continues to bring life-threatening flooding to parts of Central America. https://t.co/IAO1tLMcYK pic.twitter.com/jDxNLn2e3P
— ABC News (@ABC) November 5, 2020
Градоначалникот на округот Мајами Дејд, Карлос Хименез, изјави дека е во контакт со службите против поплави, кои се обидуваат да испумпаат вода од поплавените подрачја и да извлечат заглавени возила.
Досега Ета имаше просечна брзина на ветрот од 100 километри на час.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Претседателот на Колумбија: Ги раскинуваме дипломатските односи со Израел
Колумбискиот претседател Густаво Петро изјави дека ќе ги прекине дипломатските односи со Израел поради војната во Газа.
Петро претходно силно го критикуваше израелскиот премиер Бенјамин Нетанјаху и повика Колумбија да се приклучи на тужбата за геноцид на Јужна Африка против Израел пред Меѓународниот суд на правдата.
„Овде пред вас, владата на промени, претседателот на републиката, најавува дека утре ќе ги прекине дипломатските односи со државата Израел, затоа што има влада, затоа што има претседател геноциден“, рече Петро на собир по повод Меѓународниот ден на трудот.
Светот не може да биде слеп пред настаните во Газа, додаде тој.
Во шестмесечната воена операција на Тел Авив загинаа 34.488 Палестинци, а ранети се 77.643, според здравствените власти во Газа. Војната ги расели повеќето од 2,3 милиони жители на Појасот Газа и го уништи најголемиот дел од крајбрежната енклава.
Најавата на Петро за прекин на дипломатските односи со Израел доаѓа во екот на се почестите шпекулации дека Израел наскоро ќе го нападне градот Рафах во јужниот дел на Газа, каде што се засолниле повеќе од милион Палестинци раселени од своите домови.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.
Свет
Хамас: Одговор за предлогот за примирје и ослободување на заложниците веројатно утре
Водачите на Хамас вечерва рекоа дека го проучуваат предлогот за примирје и ослободување на заложниците што им го претставија египетските посредници и велат дека се надеваат оти ќе го испратат својот одговор до утре, се вели во соопштението на палестинската милитантна група испратена до „Асошиејтед прес“.
Тековната рунда разговори за примирје меѓу Израел и Хамас изгледаат сериозни, но страните се во несогласување за едно клучно прашање – дали војната треба да заврши како дел од договорот, објави „Тајмс оф Израел“.
„Многу веројатно утре, односно четврток, ако даде Господ, посредниците ќе добијат одговор“, соопшти Хамас.
Преговорите меѓу Хамас и Израел, преку посредници како САД, Катар и Египет, траат со недели, а по Париз се водат нови рунди разговори во Каиро.