Забава
Мајк Тајсон призна дека користел урина од бебето и сопругата за да помине на допинг-тест
Боксерската икона Мајк Тајсон во понеделникот призна дека во текот на неговата боксерска кариера подметнувал урина од своето бебе за да помине на допинг-тест.
Во поткастот „Хотбоксинг“ тој изјави дека користел протетички вештачки пенис наречен „визинатор“ за да ги измами антидопинг-делегатите.
Челичниот Тајсон (54) откри дека повеќепати ги лажирал резултатите на допинг-тест пред неговите мечеви.
„Беше супер, човеку; Ја ставив урината од моето бебе“, рече поранешниот светски шампион во тешка категорија додека разговараше со официјалниот претставник за допинг во УФЦ, Џеф Новицки, кој му беше гостин во поткастот.
„А понекогаш така правев и со примерок од сопругата и таа ми велеше: „Бејб, да не се надеваш дека тестот ќе покаже бременост или нешто слично“.
Њујорчанецот рече дека направил приспособувања затоа што се плашел од казните доколку се открие неговата измама.
Тајсон не појасни кои од неговите деца или сопруги биле вклучени во неговиот трик. Тој е во брак со Лакиха Спајсер од 2009 година, а претходно беше во брак со Моника Тарнер од 1997 до 2003 година и со Робин Гивенс од 1988 до 1989 година.
Челичниот Тајсон се враќа во рингот по 15 години и првин ќе ги одмери силите со поранешениот американски олимпиец Рој Џоунс Јуниор. Ревијалниот спектакл е закажан за 28 ноември со името „Лига само за легенди“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.