Европа
Повторно се разгоре европското жариште – во Италија досега се заразиле над милион луѓе
Во Италија бројот на заразени од почетокот на пандемијата на коронавирус надмина еден милион.
Според последните податоци, во таа земја досега се заразиле 1.028.424 лица.
Како резултат на инфекцијата починале 42.953 луѓе, се наведува на страницата за статистика „Ворлдометерс“.
Според најновите статистики, во Италија за 24 часа забележани се 35 илјади новозаболени од Ковид-19, а починале рекордни 580 луѓе.
Во земјата во моментов има 613.358 активни случаи на инфекција, а 3.081 се критични.
Италија беше главното жариште на коронавирус во март, не само во Европа туку и во светот.
Здравствениот систем во таа земја не издржа по избивањето на вирусот, најпрво во Милано, а потоа и во други делови, но подоцна ситуацијата се стабилизираше. Сега, по летниот период, бројот за заболени повторно вртоглаво се зголемува, како и во повеќето европски земји.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Деветгодишното девојче застрелано во ресторан во Лондон се бори за живот
Деветгодишно девојче, кое синоќа беше застрелано додека вечераше со семејството во ресторан во источен Лондон, е во критична состојба, јавува Скај њуз. Таа е една од четирите жртви во пукањето што се случи на истокот на градот.
Девојчето се бори за живот, соопшти полицијата, а тројцата мажи на возраст од 26, 37 и 42 години се во стабилна состојба.
"New normal" scenes in "Modern London" tonight as 4 people were shot in Hackney including a child, who is a critical condition in the shooting outside a restaurant at 21:20hrs. pic.twitter.com/O3qfUHr4Fp
— Tommy Robinson 🇬🇧 (@TRobinsonNewEra) May 30, 2024
Семејствата биле излезени на вечера кога се случило пукањето, а очевидци изјавиле за Скај њуз дека првично мислеле дека тоа е огномет пред да слушнат шкрипење на мотор.
Никој не е уапсен, полициската истрага е во тек.
Европа
„Фајненшл тајмс“: НАТО не може да ја заштити Источна Европа
НАТО има помалку од пет отсто од капацитетите за противвоздушна одбрана потребни за заштита на Источна и Централна Европа во случај на интензивен напад, пишува Фајненшл тајмс, повикувајќи се на неколку извори запознаени со доверливите одбранбени планови на алијансата, направени во 2023 година, пренесува Спутник.
„Воздушната одбрана е една од најголемите празнини што ги имаме. Тоа не можеме да го негираме“, изјави неименуван дипломат на НАТО.
„Способноста на алијансата да издржи ракетни и воздушни напади беше суштински дел од планот за одбрана на Источна Европа од инвазија“, вели друг извор.
„И сега го немаме тоа“, додаде тој.
Во написот се вели дека и на Велика Британија ѝ оди лошо во оваа област. Според „Фајненшл тајмс“, шесте разурнувачи дизајнирани за противвоздушна одбрана имаат недостатоци во дизајнот, а шесте модерни системи за воздушна одбрана „Скај Сабер“ имаат дострел од само 40 километри, а два од нив се наоѓаат во странство.
Европа
Макрон разговараше со претседателот на Палестина:„Решението за две држави не треба да се одложува“
Францускиот претседател Емануел Макрон изјави дека систематското одложување во спроведувањето на решението за две држави за Израел и Палестина треба да заврши.
„Макрон ја потврди посветеноста на Франција да работи, со своите европски и арапски партнери, на заедничката визија за мир што нуди гаранции за безбедност на Палестинците и Израелците“, се вели во соопштението на Елисејската палата по телефонскиот разговор меѓу францускиот претседател и неговиот колега Махмуд Абас.
„Овој процес треба да ја вклучи перспективата за признавање на палестинска држава со практична структура“, се вели во соопштението.
Макрон ја истакна потребата од реформирање и зајакнување на палестинската самоуправа за да може да ги извршува своите одговорности на палестинските територии, вклучувајќи го и Појасот Газа, за доброто на палестинскиот народ, пренесува француската новинска агенција АФП. Тој повторно го осуди неодамнешниот израелски напад во Рафах во кој, според локалните власти, загинаа 45 лица.
Разговорот меѓу францускиот и палестинскиот претседател дојде откако Норвешка, Шпанија и Ирска официјално ја признаа Палестина.
Вчера и Макрон изрази наклоност за француското признавање на Палестина, но додаде дека тоа треба да се случи во вистинско време.