Европа
Професор Шахин: Животот ќе се врати во нормала до следната зима
Ефектот на новата вакцина против Ковид-19 ќе се почувствува значително во текот на претстојното лето, а треба да се врати во нормала до следната зима, тврди еден од креаторите на вакцината, професорот Угур Шахин, косопственик на „Бионтекс“.
Шахин верува дека оваа зима сепак ќе биде тешка бидејќи вакцината нема да има големо влијание врз бројот на новозаразени, пишува Би-би-си.
Во интервју за Би-би-си, професорот Шахин изјави дека е убеден дека вакцината ќе го намали преносот на вирусот меѓу луѓето и со тоа ќе спречи развој на симптоми кај луѓето кои се вакцинирани. Тој додаде дека можно е и вакцината да го преполови преносот на вирусот, што би било од големо значење.
Откако беше објавена веста за првата ефикасна вакцина против коронавирус во светот, сер Џон Бел, професор на Медицинскиот факултет на Универзитетот во Оксфорд, рече дека животот може да се врати во нормала до пролетта.
Но, проф. Шахин верува дека ќе биде потребно повеќе време за повторно да се нормализира животот.
Meet Drs. Ugur Sahin and Özlem Türeci, the husband-and-wife team that founded the German company BioNTech, which has worked with Pfizer on a coronavirus vaccine found to be more than 90 percent effective. https://t.co/USKaTsRj8j
— The New York Times (@nytimes) November 11, 2020
„Нашата цел е да испорачаме повеќе од 300 милиони дози вакцини ширум светот до април следната година“, што, посочи тој, „треба да биде само почеток на поголем ефект“ на вакцината врз ширењето на пандемијата. Тој објасни дека поголема ефикасност на вакцинацијата ќе се почувствува подоцна.
„Летото ќе ни помогне во тоа, бидејќи стапката на инфекција се намалува во текот на летото, и за нас е многу важно да можеме да реализираме висока стапка на вакцинација пред есента и зимата следната година.
На новинарско прашање дали вакцината е исто толку ефикасна за постарата популација како за помладата, тој одговори дека ќе може да даде попрецизен одговор во следните три недели.
If you want to tell positive stories about immigration, look no further than the BioNTech vaccine: company co-founders Uğur Şahin and Özlem Türeci are both children of Turkish Gastarbeiter who came to Germany in the late 1960s. https://t.co/wcHG7da61x
— Philip Oltermann (@philipoltermann) November 9, 2020
Тој исто така рече дека сè уште не е познато колку долго ќе трае имунитетот на лицето откако ќе ја прими втората доза на вакцината.
Во секој случај, дополнителната, повторна вакцинација не треба да биде премногу комплицирана доколку се утврди дека имунитетот значително се намалил по една година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Во Киев се урива споменик кој ја слави блискоста меѓу Русија и Украина
Властите на Киев во вторникот почнаа да го отстрануваат споменикот од советската ера што ја означува врската меѓу Русија и Украина, повеќе од две години откако Москва започна инвазија врз Украина.
Неколку дена ќе бидат потребни за целосно уривање на споменикот од црвен гранит, кој се состои од дваесетина поединечни елементи, соопшти градската управа.
Тоа е всушност група статуи кои прикажуваат украински Козаци кои го опкружуваат лидерот Богдан Хмелницки и московскиот амбасадор.
Статуите ќе бидат префрлени во воздухопловниот музеј.
Споменикот е изграден во 1982 година за да го одбележи „обединувањето на украинскиот народ со братскиот руски народ“ во 1654 година, кога Хмелницки склучил сојуз со рускиот император во борбата против полско-литванскиот сојуз.
Советските историски книги го романтизираа како почеток на нераскинливо пријателство меѓу Украина и Русија.
Европа
Белоруските спортисти одат на Олимписките игри, Лукашенко: Победете ги противниците
Белорускиот претседател Александар Лукашенко денеска им порача на белоруските спортисти кои учествуваат на Олимписките игри во Париз под неутрален статус „да ги победат своите противници“.
„Ако сте избрале и одите таму под неутрален статус, истепајте ги, покажете им дека сте вистински Белоруси“, рече Лукашенко во соопштението за печатот на претседателството.
За време на посетата на регионот Могилев во Белорусија, жителите го прашале Александар Лукашенко што мисли за ова учество под неутрален статус, се вели во извештајот објавен на веб-страницата на белоруското претседателство.
„Спортистот треба да избере. Доколку одлучи да учествува на Олимписките игри, ќе биде уште пожесток. Затоа што разбирате дека состојбата на умот и гневот не се од мала важност во спортот“, реагира Лукашенко. „Вие сте Белорусија и кога ќе излезете како победници, тоа е добар начин политички да ги удрите во лице“.
Лукашенко, кој е на власт од 1994 година, ги искорени сите форми на опозиција во неговата земја, потиснувајќи мирно масовно движење во 2020 година. Тој е навикнат и на широки изјави и испади, како на пример кога парадираше со калашников во раката пред демонстрантите кои се противат на неговото владеење, нарекувајќи ги „стаорци“. Во февруари 2022 година, тој ја отвори Белорусија за руската армија за да може да ја нападне Украина од север.
Белорусија беше исклучена како земја од Игрите поради нејзината поддршка за руската инвазија на Украина, а нејзините спортисти се натпреваруваат под неутрален статус, без химна, знаме или национални обележја.
Европа
(Видео) Полицијата го бркаше убиецот со меч низ Лондон, објавена е снимка
Би-би-си објави снимка на која се гледа лондонската полиција која го брка напаѓачот со нож, кој денеска уби 13-годишно момче и повреди неколку други.
На снимката се слушаат полицајците како им викаат на граѓаните: „Заклучете ги вратите“.
Полицијата смета дека не се работи за терористички напад.
Полицајците уапсија маж вооружен со меч по извештаите за сериозен инцидент со прободување во североисточен Лондон.
Со електрошокер бил совладан 36-годишниот маж кој мавтал со меч.
„Со голема тага можам да потврдам дека 13-годишното момче кое беше избодено, почина во болница набргу откако му биле нанесени убодите“, изјави началникот на лондонската полиција Стјуарт Бел.
Уште две лица и двајца полицајци се во болница поради убодни рани и се надвор од животна опасност.
„Не мислиме дека постои закана за пошироката заедница, полицијата не бара други осомничени и се чини дека овој инцидент не е поврзан со тероризам“, рече Бел.