Спорт
Ангеловски: Не сум тренер што калкулира, особено не да играм нерешено!
Селекторот на македонската фудбалска репрезентација, Игор Ангеловски, во Никозија, Кипар, ја одржа вообичаената прес-конференција пред утрешниот квалификациски меч во Лигата на нациите, последен во вториот циклус од ова натпреварување.
Популарниот Мрме рече дека не сака да се жали, иако на последниот дуел против Ерменија ќе недостигаат во составот речиси две третини од првотимците што го остварија историскиот пласман на едно Европско првенство.
„Никогаш не сум бил тренер што калкулира, а особено не да играм нерешено. Тоа очигледно ми е мана. Имаме доволно квалитет, играчите што се тука се подготвени да покажат зошто се тука. Секој позитивен резултат нè носи во Б-групата во Лигата на нациите и тоа е многу важно. И порано сме имале казнети и повредени и не сме се жалеле. Одбраната со Дарко Велковски функционира добро и немаме намера да експериментираме. Имаме доволно играчи во средниот ред“, рече Ангеловски.
Селекторот смета дека оваа репрезентација секогаш се подготвува за победа.
„Целта е првото место, да се заокружи овој циклус со победа, а дали сè, освен победа, ќе биде разочарување, не би сакал да коментирам. Ние секогаш се подготвуваме за победа. Доколку ние сме вистинските, ќе ги диктираме околностите на мечот и нема да имаме проблеми“, посочи Игор Ангеловски.
Мечот меѓу Ерменија и Македонија се игра утре со почеток во 18 часот на неутрален терен во Кипар поради ситуацијата во Ерменија. На Македонија, која е лидер на табелата, доволен ѝ е и бод за заверка на првото место, кое носи пласман од сегментот Ц во Б за следните квалификации.
Фото: FFM.mk
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Хојлунд или Влаховиќ кого ќе избере Конте како замена за Лукаку

Повредата на Ромелу Лукаку може да го реши статусот на Душан Влаховиќ во Јувентус. Белгискиот напаѓач, според прогнозите од Неапол нема да игра до крајот на годината. Влаховиќ сега се појави како опција во нападот за актуелниот италијански шампион.
Трансфер пазарот во Италија влегува во својата последна фаза, се очекува дека неколку трансфери за кои се зборува во изминатиот период ќе добијат епилог.
Интер дефинитивно се откажа од Адемоле Лукман.
Преговорите со Аталанта не вродија со плод бидејќи клубот од Бергамо не сакаше да попушти, побара фиксни 50 милиони евра, без никакви бонуси.
По неуспешните разговори, Лукман се враќа во Бергамо, каде што се соочува со дисциплинска казна за пропуштање тренинзи.
Останува да се види дали Атлетико Мадрид ќе го конкретизира својот интерес до крајот на преодниот рок, иако во моментов се чини дека се поблиску до поповолно решение околу трансферот на Нико Гонзалез од Јувентус. Од друга страна, Јувентус би можел да го реши проблемот наречен , Душан Влаховиќ.
Неочекувано Влаховиќ би можел да заврши во Наполи, поради повредата на Ромелу Лукаку. Белгиецот ќе мора да се оперира и ќе биде надвор од терените најмалку четири месеци. Ова го принуди Наполи повторно да тргне во потрага по напаѓач.
Според медиумите покрај Влаховиќ во конкуренција се Расмус Хојлунд, Стеван Крстовиќ, Артем Довбик, Родриго Муниз од Фулам и Џошуа Зиркзе. Медиумите шпекулираат, но реално е Наполи да избира меѓу Хоклунд и Влаховиќ, останатите имаат цврсти договори со клубовите, што значи дека за некој од нив клубот би требало да плати голема оштетта.
Хојлунд е отпишан во Манчестер јунајтед, претпоставка е дека клубот би го пуштил за околу 25 милиони евра, додека Влаховиќ доколку сака трансфер ќе мора најпрвин да се согласи на дратично намалување на платата. Според договорот, оваа сезона треба да заработи 12 милиони евра.
Фото/ Принтскрин
Спорт
Арсенал ја одбил понудата од Мадрид за размена на фудбалери

Арсенал го одбил предлогот на Реал за размена на фудбалери.
Предлогот од Мадрид упатен до колегите во северен лондон бил Бразилскиот напаѓач Родриго (24) да се пресели во Арсенал, а во спротивна насока би заминал дефанзивецот Вилијам Салиба (24).
Според информациите од шпанските медиуми, Арсенал ја отфрлил идејата на „кралскиот клуб“.
Да ве потсетиме дека Реал веќе подолго време се обидува да го доведе Салиба, додека во исто време бара 100 милиони евра за Родриго, кој би можел да го напушти клубот поради големата конкуренција во нападот.
Најголем интерес за Бразилецот покажаа Арсенал и Манчестер сити.
Фото/ Принтскрин
Спорт
Езе за 60 милиони евра се сели во Тотенхем

Прашање на денот е кога најдобриот играч на Кристал Палас, Еберечи Езе ќе се пресели во Тотенхем. Клубот од северен Лондон бара замена за Џејмс Медисон, кој ги повреди лигаментите пред две недели и според прогнозите веројатно нема да игра оваа сезона.
Според медиумите на островот, англискиот репрезентативец постигнал договор со Тотенхем, сега чека истото да го направат клубовите. Работата е во завршна фаза, а вредноста на трансферот ќе биде околу 60 милиони евра плус седум милиони, кои Кристал Палас ќе ги добие преку разни бонуси.
Езе дојде во Кристал Палас во 2020 година од Квинс Парк Ренџерс за 20 милиони евра и постигна 39 гола на 167 натпревари.
Тој беше еден од најзаслужните за изворедната сезона во која тимот од Лондон го освои ФА Купот, што беше првиот трофеј во историјата на клубот. Неодамна, по победата над шампионот Ливерпул беше освоен и Комјунити Шилд. Одигра 11 натпревари за репрезентацијата на Англија и постигна еден гол.
Палас веќе ја започна потрагата по негова замена, а првите опции се Христос Цолис од Клуб Бриж и Билал Ел Ханус од Лестер.
Фото/ Принтскрин