Свет
На секои 17 секунди умира по еден човек во Европа од Ковид-19
Минатата недела 29.000 луѓе починаа во Европа како резултат на инфекција со коронавирус. Тоа значи дека еден човек умира на секои 17 секунди, предупреди Ханс Клуж, директор на Светската здравствена организација за Европа.
Тој нагласи дека повеќе од четири милиони нови случаи на инфекција се регистрирани само во ноември.
Досега во Европа починале околу 355.000 луѓе, а регистрирани се близу 16 милиони случаи на инфекција со коронавирус, рече Ханс Клуге.
Тој исто така нагласи дека бројот на смртни случаи се зголемил за 18% во претходните две недели.
„ Ако минатата недела починале 29 000 луѓе, тоа значи дека едно лице умира на секои 17 секунди во Европа од коронавирус. Во моментов, околу 4500 луѓе умираат секој ден. Само во ноември беа регистрирани повеќе од четири милиони нови случаи”, предупреди Клуге.
Тој процени дека ако 95% од луѓето носат маски, „строгите мерки не би биле потребни“.
„ Сепак, се проценува дека околу 60 проценти од луѓето во Европа носат маски, можеби дури и помалку, па затоа е тешко да се избегнат ограничувачките мерки“, смета Клуге.
Тој нагласи дека над 80 проценти од европските земји забележале зголемување на бројот на пациенти на 100.000 жители.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел ги напаѓа јужните предградија на Бејрут
Израелски воздушни напади ги погодија јужните предградија на Бејрут, при што е извршено најинтензивното бомбардирање на либанската престолнина откако Израел ја засили својата воена кампања против поддржаното од Иран – либанско шиитско движење Хезболах.
Во текот на ноќта силни експлозии одекнуваа низ различни делови на Бејрут, а небото беше осветлено со црвени и бели светла, како молњи, кои се гледаа од неколку километри.
Израелската армија соопшти дека нејзините воздушни сили извршиле „серија прецизни удари врз складишта за оружје и терористичка инфраструктура на Хезболах во реонот на Бејрут.“
Либанските власти сè уште не соопштија кои објекти биле погодени и какви штети предизвикале ракетите.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.