Спорт
Тер Штеген ги честеше „јорганџиите“ – Атлетико ја победи Барселона
Атлетико, во Мадрид, ја победи Барселона со 1:0, во дерби мечот одигран во рамките на 10.коло, во Ла Лига. Оваа победа е прва за тренерот на Атлетико Мадрид, Диего Симеоне, против Барселона во Ла Лига.
Мечот го реши Јаник-Фереира Караско, со голот постигнат во последните секунди од првото полувреме. Белгиецот ја искористи катастрофалната грешка на голманот на Барселона, Марк Андре тер Штеген.
Германскиот голман без потреба излета далеку од својот гол, во обид да спречи долго додавање кон Караско.
Белгиецот со еден прием му продаде тунел на голманот, а потоа ја испрати топката во празниот гол.
Во првото полувреме двата тима имаа по две добри шанси, најпрвин Гризман за Барселона во седмата минута, а потоа Атлетико се закани преку Саул во 10.минута, неговиот удар го одбрани Тер Штеген, а во следната минута Ударот на Љоренте заврши во гредата.
Во 40 минута Меси од чиста позиција шутираше лошо, а Облак го одбрани неговиот удар.
Барселона се обиде во второто полувреме да ја стигне предноста на противникот, меѓутоа шансите што ги имаа играчите на Роналд Куман не ги искористија.
Два пати, од пет метри Клеман Ленгле беше во чисти шанси, но голманот на Атлетико Јан Облак ги одбрани неговите удари.
Последената шанса за израмнување Барса ја имаше во самиот финиш, ударот на Серхи Роберто на патот кон голот го закачи Хименез, но топката за среќа на облак заврши во корнер.
Атлетико во вториот дел имаше свои периоди на добра игра, неколку полу-шанси, но без конкретна завршница.
Со овој триумф, Атлетико дојде до 20 поен во сезоната. Со натпревар помалку од Реал Сосиедад „органџиите“ ја делат првата позиција на табелата со екипата од Баскија. Атлетико е единствениот тим без пораз во Ла Лига. Барселона е на 10.место со 11 поени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Рајмунд сензационален победник на малата скокалница
Германецот Филип Рајмунд ја шокира конкуренцијата и го освои златниот медал на малата сколаница на Зимските олимписки игри во Милано и Кротина.
Покрај Германецот изненади и Полјакот Каспер Томашијак, тој заврши на втората позиција.
Оценките на судиите беа пресудни, во борбата межу нив двајца. Филип Рајмунд го освои златниот медал, и покрај тоа што Каспер Томашјак имаше подолги скокови и во првата и во втората серија. Благодарение на неговиот добар стил и доскок, Германецот стана олимписки шампион и покрај тоа што нема ниту победа во Светскиот куп.
Бронзата им припадна на Грегор Дешванген од Швајцарија и Рени Никаидо од Јапонија.
Разочара Словенецот Домен Превц, победникот на Новогодишната турнеја и светски првак во ски летовите. На крајот го освои шестото место.
Следниот натпревар, мажите ќе го имаат на 14 февруари на големата скокалница, ден подцна ќе се натпреваруваат и дамите.
Foto/ EPA
Спорт
Кам-бек на Серена Вилијамс
Серена Вилијамс се враќа на тениските терени.
Оваа ексклузива ја објави американскиот новинар Бен Ротенберг на својот блог.
„До крајот на овој месец, Серена Вилијамс, ќе се стекне со право да се натпреварува, бидејќи завршува шестмесечна програма за тестирање на нејзините можности“, напиша Ротенберг и додаде:
„Враќањето на Серена сега е официјално – официјално“.
Сопственичката на 23 гренд слем трофеи во сингл не играла професионален тенис 1.256 дена, практично откако загуби во третото коло на Отвореното првенство на САД од Ајла Томљановиќ на 2 септември 2022 година.
Една од најголемите тенисерки на сите времиња има 44 години и две деца.
Серена го имаше своето професионално деби во октомври 1995 година, пред 31 година.
Во меѓувреме, таа освои 73 титули во поединечна конкуренција, вклучувајќи седум титули на Австралија Опен, три на Ролан Гарос, седум на Вимблдон и шест титули на Ју-ес Опен.
Таа има и 23 титули во двојки, од кои 14 на „главните турнири“, каде што оствари и два триумфа во микс-дубл. Освои една титула во ФЕД и две во Хопман купот, секако е важно да се споменат четири олимписки златни медали – едно во поединечна конкуренција (2012) и три во двојки (2000, 2008 и 2012) освоени со постарата сестра Венус.
Серена Вилијамс помина 319 недели на врвот на ранг-листата на ВТА.
Ова ја прави втора најуспешна тенисерка во историјата според тој критериум, зад Штефи Граф (377 недели).
Foto/ depositphotos
Спорт
„Ова е доказ зошто ВАР системот апсолутно не функционира“
Легендарниот дански голман Петер Шмајхел се приклучи на дискусиите и негодувањата по дербито меѓу Ливерпул и Манчестер Сити, кое гостинскиот тим го доби со 2:1.
Некогаш еден од најдобрите голмани во светот не штедеше зборови кога коментираше за судењето и примената на ВАР технологијата.
Шмајхел, кој долго време јавно го оспорува воведувањето на видео асистентот во фудбалот, конкретно се осврна на ситуацијата на крајот од натпреварот на „Енфилд“.
Контроверзен момент беше поништениот гол на Рајан Шерки, со кој Сити можеше да поведе со 3:1, додека во исто време Доминик Собослај доби црвен картон, откако претходно го фаулираше Ерлинг Халанд.
Поранешниот голман на Манчестер Јунајтед и Сити им изјави на англиските медиуми дека не гледа логика во таквата одлука, потсетувајќи дека главниот судија Крег Посон првично го призна голот. Дури по консултација со својот колега Џон Брукс од ВАР собата ја променил својата одлука.
Шмајхел вели дека интервенцијата била целосен неуспех.
„Едноставно не разбирам. Одлуката на теренот е гол. Требаше така да остане. За мене, ваков епилог е доказ зошто ВАР апсолутно не функционира. Нема смисла да им се дозволи на судиите да прават нешто вакво… Која е целта? И Ливерпул сакаше голот да биде потврден, бидејќи кога го поништија црвен картон доби Собослај“, рече меѓу другото Петер Шмајхел.
Сличен став изрази и менаџерот на Манчестер Сити, Пеп Гвардиола, кој по натпреварот оцени дека одлуката не и користи на ниту една страна, прашувајќи „каде е тука здравиот разум?“.

