Спорт
Златан: Прво го мразев Михајловиќ, сега би одел во војна за него
Златан Ибрахимовиќ имаше само пофални зборови за својот стар пријател, тренерот на Болоња, Синиша Михајловиќ, и во интервју за „Ла Газета дело спорт“ тврди дека иако на почетокот не можел да го трпи, потоа српскиот тренер ја добил неговата целосна доверба.
„Мислам дека Синиша е голем човек, и имав среќа што го запознав како личност. Не се сакавме на почетокот, но кога го запознав подобро во Интер тоа беше љубов на прв поглед. Порано велев: ‘Ако одам во војна, го сакам Сини напред, јас во вториот ред’“, вели Ибрахимовиќ на промоцијата на новата автобиографија на тренерот.
И Михајловиќ мисли исто.
„Сакав да го убијам кога игравме Јувентус-Интер. Мислев само најлошо за него. За среќа ништо не се случи, а потоа кога дојде во Интер сфатив дека е одлично момче и горд сум што сум му пријател“, објаснува Михајловиќ.
Златан признава дека бил блиску до потпис со Болоња, пред да реши да продолжи со Милан.
„Синиша секогаш бил посилен од мене. Кога беше болен му кажав: ‘Само кажи што треб, а јас ќе го направам’. Тој направи многу да ме донесе во Болоња, ги кажа вистинските работи, но бев искрен со него, не трчам како порано. Тој ми кажа дека треба да седам напред и да давам голови. Ќе потпишев со Болоња бесплатно само поради него, но потоа дојдоа Милан. Не беше изборот помеѓу Болоња и Милан, туку помеѓу играње и пензионирање“, открива Ибрахимовиќ.
✅Zlatan #Ibrahimovic racconta il retroscena sul possibile approdo al #Bologna di #Mihajlovic
?Le sue parolehttps://t.co/vLJpmKidRt
— CalcioToday.it (@calciotoday_it) November 21, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Покетино: ВАР го нарушува имиџот на англискиот фудбал
Менаџерот на Челзи, Маурисио Покетино, изјави дека употребата на ВАР технологијата го нарушува имиџот на англискиот фудбал. Аргентинецот ова го изјави по натпреварот во Бирмингем, каде на Челси против Астон Вила му беше поништен гол за победа во 95.минута.
Челзи, на „Вила Парк“, губеше со 2:0, се врати во мечот со головите на Мадуеке и Галагер, а во петтата минута од судиското надополнување, по употребата на ВАР технологијата, голот на Аксел Дисаси беше поништен поради прекршок на почетокот на акцијата.
„Ова е болно и го нарушува имиџот на англискиот фудбал. Мислам дека ниту играчите на Астон Вила, ниту нивните навивачи не разбираа зошто голот е поништен. Судиите рекоа дека е прекршок, а ако на секој таков дуел гледаме како фаул, тогаш ние не би го завршиле натпреварот со 11 играчи. Можеме да зборуваме за играта или за одлуката, таа му штети за на фудбалот“, рече Покетино.
Спорт
(Видео) Два гола и две асистенции, Меси го реши Њу Ингланд
Фудбалерите на Интер Мајами ја продолжија победничката серија во МЛС лигата, а Меси ја продолжи голгетерската серија.
Избраниците на Херардо Тата Мартино славеа над Њу Ингланд со резултат 4:1 на гостински терен, во рамките на 11. коло и ја задржаа лидерската позиција во Источната конференција.
Ова беше шести триумф за Интер сезонава, за него најзаслужен беше Лионел Меси, двоен стрелец и асистент на стадионот „Жилет“ во Фоксборо, Масачусетс.
Аргентинецот на тој начин се проби на првото место на листата на стрелци со девет гола, а воедно е и прв асистент во лигата со осум асистенции.
Гол за гостите постигна и Луис Суарез, а меѓу стрелците се запиша и Американецот Бенјамин Кремаски.
In case you guys missed…here's highlights of Lionel Messi vs New England Revolution | 2 goals and an assist🐐pic.twitter.com/hu4l8fhgvq
— SK10 𓃵🇵🇸 (@SK10_Football) April 28, 2024
Спорт
Порто го смени претседателот по 42 години
Хорхе Нуно Пинто повеќе не е претседател на Порто, а на негово место е избран поранешниот тренер на овој клуб Андре Вилаш Боаш.
Новиот претседател доби дури 80 отсто од гласовите, со што заврши најдолгата претседателска ера во светот на фудбалот.
-„Порто повторно е слободен“, изјави Вилаш Боаш откако беше избран.
Хорхе Нуно Пинто, беше претседател на трофејниот клуб од 1982 година. Кога го презеде, Порто беше далеку зад ривалите од Лисабон (Бенфика и Спортинг) по бројот на национални титули (седум), а 42 години подоцна имаат 30, дури 11 повеќе од Спортинг, а Бенфика е напред со 38.
Покрај тоа, Порто во неговата ера освои дури пет европски трофеи и два Интерконтинентални купа.
Еден од тие пет трофеи како тренер го освои Вилаш Боаш, Лига Европа во 2011. Таа сезона, единствената во која беше тренер на Порто, ја заокружи со сите три домашни трофеи. Потоа ги водеше Челзи, Тотенхем, Зенит, Шангај СИПГ и Олимпик од Марсеј.