Свет
Кина започнува вселенска мисија на Месечината
Кина планира да лансира беспилотно летало на Месечината оваа недела, кое би требало да донесе примероци од Месечината и тоа ќе биде првиот обид на која било нација да земе примероци од тој природен сателит на Земјата од 1970-тите.
Сондата Чанг-5, именувана по античката кинеска божица на Месечината, ќе се обиде да собере материјал што може да им помогне на научниците да разберат повеќе за потеклото и настанувањето на Месечината. Мисијата ќе ја тестира способноста на Кина за далечинско земање примероци од вселената, пред посложените мисии.
Ако успее, мисијата ќе ја направи Кина само третата земја што земала примероци од Месечината, откако тоа го сторија Соединетите држави и Советскиот сојуз пред неколку децении.
Научниците се залагаат за роботски мисии да донесат примероци од овие различни критични области за да одговорат на низа фундаментални прашања што останаа неодговорени за време на претходните истражувања.
Мисијата Чанг 5 може да помогне во одговарање на прашања како што е колку време Месечината е вулкански активна во нејзината внатрешност и кога се распрснува магнетното поле, клучно за заштита на која било форма на живот од сончево зрачење.
Кога ќе стигне на орбитата на Месечината, сондата ќе се насочи во неколку возила на површината. Планирано е да се дупчи земјата, а потоа да се земат примероци од земја и камен. Доколку успешно го сторат ова, примероците ќе бидат префрлени во повратна капсула што ќе ги врати на Земјата. Кина своето прво слетување на Месечината го направи во 2013 година. Во јануари 2019 година, сондата Чанг 4 ја допре Месечината.
Во следната деценија, Кина планира да воспостави роботска базна станица за спроведување на истражувања без екипаж во јужниот поларен регион. Мисиите ќе бидат развиени преку Чанг-6, 7 и 8 во следните десет години, а планот е тоа да се стори до 2030 година во пресрет на слетувањето на вселенскиот брод со екипаж.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Нарачала фустани преку интернет, а во пакетот ѝ стигнала епрувета со крв
Ана Елиот од Тенеси неодамна нарачала фустани преку онлајн продавница, а кога пристигнал пакетот била преплашена.
Во кутијата, покрај облеката, пронашла епрувета со човечка крв и конзерва грав!
„Епруветата немаше име, име на лабораторија, ниту датум кога е земена крвта“, објаснува таа во видеото кое е прегледано повеќе од седум милиони пати.
Девојчето го контактирало Центарот за контрола и превенција на болести, кој го третира инцидентот како „биолошка опасност“, пренесува New York Post.
Ана ги предупреди клиентите на онлајн продавницата да бидат внимателни при отворањето на пакетите, а подоцна откри дека била во контакт со нивните претставници.
„Покренавме истрага и утврдивме дека пакетот поминал контрола на квалитетот и го оставил нашиот пакет без дополнителни артикли. Само со артикли кои се нарачани“, велат од компанијата.
Жителката на Тенеси објави серија видеа во кои ги информира своите следбеници за најновите случувања.
Претставник на транспортната компанија изјави:
„Искрено се извинуваме за ова искуство. Ние ги третираме пратките на нашите клиенти со најголема грижа и преземаме соодветни чекори за да го решиме овој проблем“.
Сè уште не се знае чија крв е во шишето, а конзервата со грав е уште поголема мистерија.
@anna_200.1 @SHEIN is denying that they have anything to do with it. And the @CDC.govOfficial ♬ Spooky, quiet, scary atmosphere piano songs – Skittlegirl Sound
Свет
(Мапа) Украина мора да се повлече 15 километри на Запад, Бердичи е опколен
Украина се подготвува да ги повлече војниците од Бердичи, јавуваат српските медиуми.
На вооружените сили на Украина во Бердичи им се заканува опкружување по неодамнешната загуба на Новобахмутовка и Соловјов, а според некои воени блогери се очекува повлекување до 15 километри на запад.
Ним им се заканува загуба и на Нетајлов, Карловка, Умански, Новокалинов, Керамик, Архангелски…
По падот на Авдијивка во февруари, Украина одржа линија на одбрана во близина на Бердичи. За време на безмилосните борби во претходните два и пол месеци на тој дел од линијата на фронтот, беа изгубени и неколку американски тенкови Абрамс, обидувајќи се да го запрат напредувањето на руските трупи.
Воениот блогер Рибар наведува дека руските војници напредуваат и кај Новокалинов.
– Напаѓачките групи ја пробија одбраната на украинските формации во центарот на селото во правец на Керамик. Моментално се консолидираат позициите во центарот на селото. Имајќи го предвид налетот од Очеретин во правец на Архангелск, не може да се исклучи дека во блиска иднина вооружените сили на Русија ќе можат целосно да го окупираат Керамик – вели Рибар.
Според него, Русите успеале да ги истуркаат противниците од Семјеновка.
– Остатоците од пешадијата на вооружените сили на Украина под оган на артилерија и беспилотни летала се повлекоа од северната периферија на селото на запад кон Новопокровски. Под контрола на вооружените сили на Русија делумно беа и шумските појаси кај Семјоновка. Борбите во моментов се водат на најзападната периферија на Бердици. Малку е веројатно дека непријателот ќе може долго да држи позиции поради неговото повлекување од Семјеновка. Следната линија на напад на Вооружените сили на Русија најверојатно ќе бидат шумските појаси на делницата Новопокровско – Новоселовка Перваја каде што сега украинските формации динамично градат одбрана – вели Рибар.
Украинскиот телеграмски канал DeepState потврди дека руските војници ги зазеле Семјоновка и Соловиев и дека се водат борби за Керамик.
Свет
Евакуација на аеродромот во Москва поради дојава за бомба
Еден од катовите на зградата на аеродромот Внуково во Москва е евакуиран поради закана за бомба, соопшти полицијата.
„Едниот кат е евакуиран. Во тек е проверка и контрола“, се наведува во соопштението и се додава дека евакуацијата не влијаела на функционирањето на аеродромот.
Евакуиран е седмиот кат од зградата на управата на аеродромот.
Неименуван извор изјавил за агенцијата ТАСС дека евакуацијата уследила по закана за бомба.
– Се проверуваат сите простории и канцеларии – изјавил овој извор.