Регион
Откажана посетата на Николиќ на Сараево
Официјалната посета на српскиот претседател Томислав Николиќ на Босна и Херцеговина (БиХ) планиран за 16 јуни одложен е, потврдено е во понеделникот од Претседателство на БиХ.
Во кусото соопштение се цитира пораката од кабинетот на Николиќ во која се наведува дека „тој ќе дојде во официјална посета на БиХ кога сите три члена на Претседателството на БиХ покажат единство и подготвеност.
На посетата на Николиќ денеска се спротивстави бошњачкиот член на Претседателството на БиХ, Бакир Изетбеговиќ кој оцени дека посетата нема смисол се додека не се реши проблемот со апсењето на воениот командант на одбраната на Сребреница, Насер Орлиќ врз основа на потерница распишана од Србија.
Спротивно мислење на ставот на Изетбеговиќ изнесе српскиот член на Претседателството на БиХ, Младен Иваниќ кој оцени дека на овој начин само ќе се влошат односите меѓу двете држави.
Хрватскиот член на Претседателството на БиХ, Драган Човиќ воопшто не се огласи, а Николиќ во таква ситуација сам ги прекина дилемите откажувајќи ја посетата на Сараево.
Освен главниот град на Бих, Николиќ требаше да ја посети и Бања Лука и да се сретне со раководството на Република Српска. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
На таткото на момчето убиец од Србија му е продолжен притворот за уште 60 дена, има сомнение дека може да го повтори делото
Вишиот суд во Белград му го продолжи притворот за уште 60 дена на Владимир Кечмановиќ, таткото на момчето кое на 3 мај уби девет негови врсници и чувар во ОУ „Владислав Рибникар“.
На Владимир Кецмановиќ му е продолжен притворот поради сомнение дека доколку биде пуштен на слобода за краток временски период ќе го повтори кривичното дело, како и поради тоа што постои основано сомнение дека сторил кривично дело за кое е пропишана затворска казна над десет години, а начинот на извршување и сериозноста на последиците од кривичното дело доведоа до вознемиреност кај јавноста што може да го загрози непреченото и правично водење на кривичната постапка, соопштија од тој суд.
Во обвинението за тешко кривично дело против општата безбедност се товари Владимир К., а за сторено кривично дело недозволено изработување, држење, носење и тргување со оружје и распрскувачки материи, мајката на момчето Миљана К.
Регион
„Мислев дека регалот ќе падне врз мене“ – жена од Србија сведочи за силниот земјотрес
Земјотресот беше многу силен. Кратко, но силно, вели вознемирената Мила Петровиќ од Кладово – место кое утрово го погоди силен земјотрес.
Како што опишува преплашената жена, земјотресот ја исплашил и неа, но и останатите жители на Кладово.
„Мислев дека регалот ќе падне врз мене. Немаше време за бегство никаде. Сè се тресеше многу. За среќа, тоа беше кратко. Кога се смири, сите излегоа на улица“, раскажува таа за Телеграф.рс.
Земјотресот бил со јачина од 4,3 степени според Рихтеровата скала, на длабочина од 11 километри.
Колку бил силен, сведочи и фактот што бил почувствуван во Заечар, Неготин, Доњи Милановац, Бор и други градови на истокот на Србија, а некои граѓани го почувствувале и во Ниш.
„Почувствував земјотрес, се тресеше мебелот во куќата“, „Бев во кревет кога почна тресењето“, напишаа граѓаните.
Регион
Земјотрес од 4,3 степени утрово во Србија
Утрово земјотрес со јачина од 4,3 степени според Рихтеровата скала е регистриран во регионот на Кладово, соопшти Републичкиот сеизмолошки завод.
Земјотресите со ваков интензитет можат да предизвикаат помали оштетувања на зградите во епицентралното подрачје, јавуваат српските медиуми.
Засега нема извештаи за евентуална штета.