Спорт
Убедливиот Менхенгладбах го зголеми притисокот на Реал и Интер, Сити совршени во осминафинале

Борусија Менхенгладбах уште еднаш воодушеви во Лигата на шампионите, демонтирајќи ги Шахтјор Доњецк со 4:0 за да постави притисок на Интер и Реал Мадрид кои од 21 часот го играат големото дерби, додека Манчестер сити и официјално е во осминафиналето по 1:0 победата над Олимпијакос на гости во Грција.
На „Борусија-Парк“, домаќините дојдоа во водство уште во 14. минута преку гол од пенал на Штиндл, за Нико Елведи во 34. минута да зголеми на 2:0, пред Брил Ембодо да постигне сензационален гол со ножички во финишот на полувремето. Оскар Вент во второто полувреме го потврди триумфот, за „ждребињата“ да се зацврстат на првото место на табелата во групата Б со осум поени, додека Реал имаат само 4, а Интер 2 пред нивниот меч.
Тимот на Пеп Гвардиола, пак, ја забележа и четвртата победа во четири меча во ЛШ, славејќи со 1:0 со убавиот гол на Фил Фоден во првото полвуреме, за целосна контрола во групата Ц.
ЛИГА НА ШАМПИОНИ, 4.КОЛО
ГРУПА Б
Борусија Менхенгладбах – Шахтјор Доњецк 4:0
Интер – Реал Мадрид 21.00 ч.
Табела: 1.Борусија М. 8, 2.Шахтјор 4, 3.Реал Мадрид 4, 4.Интер 2
ГРУПА Ц
Олимпијакос – Манчестер сити 0:1
Марсеј – Порто 21.00 ч.
Табела: 1. Манчестер с. 12, 2.Порто 6, 3.Олимпијакос 3, 4.Марсеј 0
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Мамардашвили: Се обложив со Вини во 50 евра дека ќе му го одбранам пеналот

Голманот на Валенсија, Георги Мамардашвили е херојот на сеозационалната победа на Валенсија во Мадрид над Реал (2:1).
Грузиецот потврди и дека е специјалист за пенали. Во 13. минута при резултат 0:0, Мамардашвили му одбрани пенал на Винисиус Жуниор. Валенсија победи со 2:1, со голот на Уго Дуро во 95.минута и ја оствари првата победа на „Бернабеу“ по 17 години.
По натпреварот голманот на Валенсија откри интересни детали поврзани со овој пенал.
„Се обложив со Вини во 50 евра дека ќе му го одбранам пеналот. Не ги ми даде парите“, изјави Мамардашвили.
Future Liverpool goalkeeper Mamardashvili saving ‘Ballon d’Or’ Vini’s penalty. pic.twitter.com/N5ggi9EsOu
— Samuel (@SamueILFC) April 5, 2025
Спорт
(Видео) Интер се сопна на „Енио Тардини“, Парма ја врати незивесноста во шампионската трка

Парма ремизираше 2:2 (0:2) со Интер на домашен терен. Интер и понатаму е на врвот на табелата, но доколку Наполи во понеделник победи во Болоња, ќе му се доближи на само еден бод.
Во првото полувреме се чинеше дека „нероѕурите“ имаат се под контрола. На одмор заминаа со комотни 2:0 по головите на Матео Дармијан во 15. минута и Маркус Тирам во 45. минута.
Веројатно клучната одлука на натпреварот ја донесе Кристијан Киву, тренер на Парма и поранешен играч на Интер. Романецот направи тројна измена на полувремето, а девет минути подоцна внесе уште еден нов играч. Токму двајца од тие четворица резервни играчи беа стрелци на головите со кои Парма дојде до бод.
Адријан Бернабе погоди во 60. минута по додавањето на Дел Прат, а Швеѓанецот Јакоб Ондрејка во 69. минута на асистенција на Пелегрино ги постигна конечните 2:2.
Спорт
(Видео) ПСЖ ја одбрани шампионската титула

Фудбалерите на Пари Сен Жермен на шест кола до крајот на сезоната ја одбранија шампионската титула во Франција.
„Светците“ на домашен терен го совладаа Анже со 1:0 во мечот од 28. коло од Лига 1 и ја освоија 13. титула во националниот шампион, четврта во низа.
Решавачкиот гол попладнево го постигна младиот Дезире Дуе на асистенција на Хвича Кварацхелија во 55. минута.
Парижаните со натпревар повеќе стигнаа до 74 бода, дури 24 повеќе, во однос на второпласираниот Монако.
ПСЖ во моментов е најуспешниот тим во Франција со 13 освоени шампионски титули. Следуваат Сент Етјен и Олимпик од Марсеј со по 10.