Црна хроника
Семејна масовна тепачка во Рашче
Уште една масовна, семејна тепачка се случи вчера, овој пат во скопското село Рашче, соопштуваат од МВР
Татко, мајка и син се степале со братучед и братучетка на таткото. Прво почнале да се расправаат жените, жената и братучетката. За да ја одбрани својата сопруга, мажот зел чекан и ја удрил братучетката по глава. Во тепачката се вклучил и братот на повредената, зел мотика и го удрил нивниот син. Но, тој не му останал должен, извадил нож и го повредил својот чичко во левата рака.Сите, со телесни повреди се пренесени во Градската болница, а на понатамошно лекување е задржана братучетката, која е повредена со чекан по главата. Полицијата го расветлува случајот и подготвува соодветни пријави за сите кои биле вклучени во тепачката. Минатата недела се случи иста ваква масовна тепачка меѓу две семејства во скопското село Батинци. Две раскарани семејства го решаваа имотниот спор исто така со чекан. Во тепачката учествуваа 11 лица, а деветмина беа повредени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повредена жена во Охрид, разбојник ја турнал и ја ограбил
СВР Охрид поднесе кривична пријава против 36-годишниот Д.М. од Охрид поради постоење основи на сомнение за сторени кривични дела „разбојништво“ и „тешка кражба на дрзок начин“, извести СВР Охрид.
„Тој, на 28.03.2024 на улицата „Марко Нестороски“ во Охрид турнал 84-годишна жена од Охрид и ѝ одзел чанта со пари и лични документи. Притоа, таа паднала и се здобила со тешки телесни повреди. Исто така, пријавениот на улица „Богомолска“ на сличен начин од 65 – годишна жена одзел чанта со пари и лични документи“, соопшти СВР Охрид.
Црна хроника
Физичка пресметка меѓу охриѓанки: по кавга меѓу две деца, се истепаа мајките
Вчера во 14.50 часот во СВР Охрид е пријавено дека на улицата „Ванчо Питошески“ во Охрид, поради меѓусебно недоразбирање помеѓу две малолетни лица, нивните родители 36-годишната П.В. и 35-годишната М.Т., двете од Охрид, го нарушиле јавниот ред и мир со меѓусебна физичка пресметка, извести СВР Охрид.
По целосно документирање на настанот, ќе биде поднесена соодветна пријава.
Црна хроника
Тешко повреден тетовчанец во судир на два автомобили
Вчера во 11.00 часот во СВР Тетово било пријавено дека на регионален пат Тетово – с.Јажинце, на влез за тетовско Теарце, се случила сообраќајна несреќа помеѓу патничко моторно возило „фолксваген голф“, управувано од Ш.Џ.(74) од тетовско Шемшово и патничко возило „фолксваген голф“, управувано од А.Р.(78) од тетовско Пршовце, двете со тетовски регистарски ознаки.
Во несреќата, А.Р. се здобил со тешки телесни повреди, додека Ш.Џ. се здобил со телесни повреди, констатирани во Клиничка болница Тетово.
Увид на местото извршила екипа од СВР Тетово.