Црна хроника
Според најновите податоци 16 загинати во несреќата во Црна Гора
Според најновите податоци од Клиничкиот центар во Подгорица, 16 патници загинале а 31 се повредени во тешката сообраќајна несреќа што се случи во неделата околу 17 часот во Црна Горан на магистралниот пат Подгорица – Колашин, кога во кањонот на реката Морача слета автобус со романси туристи, потврди рано утрото црногорскиот министер за здравство Миодраг Радуновиќ.
Додал дека осум од повредените се наоѓаат на одделот за интензивна нега, дека се во тешка состојба и оти се загрозени нивните животи. Во болницата во Подгорица се примени вкупно 30 повредени, изјавил директорот на болницата, додавајќи дека меѓу повредените е и едно дете со полесни повреди.
Настраданите во текот на ноќта ги посети црногорскиот премиер Мило Ѓукановиќ и амбасадорот на Романија во Црна Гора, Михаил Флорович, кој потврдил дека сите 46 патници во автобусот биле романски државјани коишто преку романска туристичка агенција патувале на одмор во Будва.
Истрагата за несреќата сé уште трае, а според првичните информации, автобусот се движел од правецот на Колашин и околу 17 часот излегувајќи од тунел по влажен коловоз на почетокот од мостот Грло кај манастирот Морача ја пробил заштитната ограда и се урнал во провалијата на околу 30 до 40 метри од патот./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Се договориле да ѝ донесе дрва, па откако му дала 100 евра си заминал и не се вратил: кумановка пријавила дека е измамена
Седумдесет и двегодишна кумановка во полиција пријавила дека била измамена за 6.000 денари при набавка на дрва за огрев, информираше денеска СВР Куманово.
-Вчера во СВР Куманово, 72-годишна жена од Куманово пријавила дека била измамена од едно лица за сума од 6.000 денари. Според пријавеното, лицето ѝ понудило огревни дрва и откако се договориле и таа му ги дала парите, тоа ѝ кажало дека дрвата ќе ги донесе од складот во кој наводно се наоѓаат, но не се вратило, по што сфатила дека е измамена, соопшти СВР Куманово.
Полицијата презема мерки за расчистување на случајот.
Ова не е прв случај на измама при набавка на огревни дрва.
Во јануари годинава, беа пријавени два случаи на измами со огревни дрва, првиот повозрасен кумановец за сума од 3.000 денари и вториот случај, кумановка за 5.000 денари.
Во 2023 година на подрачјето на СВР Куманово биле регистрирани вкупно седум измами за дрва, а во 2022 година 15 вакви пријави. СВР Куманово презема мерки и активности за пронаоѓање и санкционирање на сторителите на овие измами.
-Секторот за внатрешни работи Куманово апелира до граѓаните да бидат претпазливи, а особено повозрасните лица кога непознати лица им се јавуваат, да не наседнуваат на измами во кои лажно се нудат услуги и сите сомнителни случаи да ги пријават на 192, велат оттаму.
Црна хроника
Двајца Срби краделе велосипеди во општина Аеродром, полицијата ги фати
Министерството за внатрешни работи информира дека двајца Срби се уапсени под сомнение дека сториле 7 кривични дела, од кои 6 тешки кражби, како и кражба на велосипеди низ општина Аеродром.
„Единицата за внатрешни работи Аеродром и Драчево при СВР Скопје поднесе кривична пријава против Љ.Г.(21) и А.К.(42), двајцата од Р.Србија.
Тие се сомничат дека во изминатиот период извршиле 6 кривични дела „тешка кражба“ и едно кривично дело „кражба“ на велосипеди на подрачјето на општина Аеродром. Двете лица се лишени од слобода, а украдените велосипеди се пронајдени кај пријавените и вратени на сопствениците“, велат од МВР.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.