Спорт
Лампард пред 1.000-тиот меч на Абрамович: Тој е човек кој ги завршува работите
Менаџерот на Челси, Френк Лампард признава дека односите со сопственикот на клубот, рускиот милијардер Роман Абрамович не се „најблиски“ и дека тој работи со неговата десна рака, Марина Грановскаја пред мечот број 1.000 под негова сопственост.
Повеќе од 17 години откако Абрамович го презеде клубот и направи апсолутна трансформација од тим кој се бореше за средина на теренот до вечен кандидат за титула, Лампард, еден од столбовите на неговиот прв „моќен тим“ ќе го води тимот во дуелот со Тотенхем, иронично предводен од Жозе Мурињо, тренерот кој им ја донесе првата титула во Премиер лигата.
„Првото сеќавање од Роман во живо ми беше кога тој пристигна во нашиот стар тренинг-центар во близината на Хитроу и држеше состанок со нас додека хеликоптерот уште му се ‘смируваше’. Тоа беше нереално. Првото што го кажа, преку преведувач беше: ‘Па, треба да го подобриме тренинг-центарот’. Веднаш се виде дека стандардите на клубот целосно се сменија. Во првата сезона се засиливме и дојде најуспешниот дел во клупската историја и тоа не можевме да го оствариме без него. Постојано освојување трофеи, нов тренинг-центар, нови фудбалери, брендирање на Челси…“, вели Лампард во разговор со Алан Ширер.
Меѓу 13-те трофеи кои Лампард ги освои во златните години од 2004 до 2013 вклучуваа три трофеи од Лигата на шампионите и трофеј од ЛШ, но Абрамович речиси секогаш стоеше зад сцената. Истото се случи и кога го донесоа Лампард за тренер од Дерби каунти во 2019, кога со него разговарала најважниот партнер на Абрамович, директорката на клубот, Марина Грановскаја.
„Марина прво контактираше со Дерби, а потоа со мене. Го видов Роман на меч од предсезоната лани и беше насмеан. Оттогаш немаме некои блиски односи, и работите ги кажуваме преку Марина. Јас сум супер-задоволен“, вели Лампард.
И треба да биде задоволен – Абрамович во текот на летото ги купи Каи Хаверц, Тимо Вернер, Хаким Зијеш, Бен Чилвел, Тијаго Силва, секако, со амбиции да се врати златната ера. Ќе видиме дали Лампард е човекот кој ќе го оствари тоа.
Our game this weekend is a very special landmark – the 1000th game since Roman Abramovich became Chelsea owner. So far, our record is:
999 games played
608 wins
215 draws
176 defeats
61% win percentageLong may his ownership continue ? pic.twitter.com/EcNNHpuWWr
— LDN (@LDNFootbalI) November 26, 2020
Roman Abramovich deserves massive credit for the transformation of Chelsea. But he deserves more credit for his investment into Chelsea's Academy & Women's Football Team.
He's been a great owner & fans should always be grateful for what he's done for Chelsea???#CFC @ChelseaFC pic.twitter.com/P7E0FvEzlY
— ChelseaFCBlogs (@ChelseaFCBlogs_) November 27, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал прв обезбеди пласман на Ф4 во Берлин
Кошаркарите на Реал Мадрид први се пласираа на фајнл-форот во Евролигата. Актуелните шампиони серијата против Басконија ја добија со 3:0.
Третиот натпревар од серијата се одигра во „Фернандо Буеса“, во Виторија, Реал победи со 102:98.
Најефикасен во тимот на Чус Матео Бои беше Гершон Јабуселе со 23 поени, седум скока и три асистенции. Се истакнаа и хрватскиот кошаркар Марио Хезоња со 16 поени, четири скока и две асистенции и една топка, односно Факундо Кампацо со 13 поени, четири скока, осум асистенции и Валтер Тавареш со 12 поени, 13 скокови и четири блокади.
Најистакнати во тимот на Басконија беа плејмејкерите Маркус Хауард (29 поени, по два скока и асистенции) и Коди Милер-Мекинтајр (17 поени, четири скока, 11 асистенции, две украдени топки). Двициврени беа и Никос Рогкавопулос со 18 поени, четири скока и Вања Маринковиќ со 17 поени и четири скока.
Завршниот турнир во Берлин ќе се одржи од 24. до 26.мај, актуелниот шампион во полуфиналната пресметка со победникот од серијата Барселона-Олимпијакос.
Спорт
(Видео) „Милионерите“ чекор поблиску до финалето – Филкруг му пресуди на ПСЖ
Борусија Дортмунд го совлада Пари Сен Жермен во првиот полуфинален натпревар од Лигата на шампионите. „Милионерите“ забележаа победа 1:0 на „Вестфален“. Херој на „жолтиот ѕид“ беше Никлас Филкруг.
Борусија во првото полувреме, беше подобра само сза тој еден гол, иако всушност до самиот крај на првиот дел од натпреварот ниту еден од тимовите немаше изгледни шанси.
Се играше 36. минута кога Шлотенберг од половината на парижаните ја испрати топката до Филкруг. Овој ја прими брилијантно, повлече напред, се избори со Лукас Ернандез и го совлада Донарума.
Борусија имаше две одлични шанси во самиот финиш на првото полувреме, но Донарума беше на висината на задачата и го спаси својот тим.
Во вториот дел и двете екипи го зголемија својот ритам. Пари Сен Жермен тргна крајно офанзивно во вториот дел од натпреварот.
Стативата од голот на Кобел се тресеше два пати за само десет секунди во 51. минута. Прво се обиде Мбапе, ја погоди стативата, топката се врати кај гостите, по што се обиде и Хакими, но овојпат се затресе статива.
Набргу потоа Борусија имаше шанса да ја зголеми предноста, но одличната аситенција на Санчо, Филкруг не успеа да ја претвори во гол. До крајот ПСЖ два пати опасно се закани преку Фабијан Руиз и еднаш преку Дембеле, а втор гол на домаќинот спречи Маркињос кој во последен момент го блокираше Бранд.
Реваншот е следниот вторник во Париз.
Спорт
Парма се врати во Серија А
Со нерешениот резултат 1:1, на стадиното „Свети Никола“ против Бари, Парма се врати во Серија А. Култниот италијански клуб, на две кола до крајот на сезоната во Серија Б има седум бода повеќе од третопласираната Венеција.
Историјата на Парма во последниве години беше сè само не сјајна. Клубот згасна, па повторно оживеа во 2015 година.
Во следните три години, Парма стана првиот клуб кој остварил промоција во повисок ранг во три последователни сезони и успеа да се врати во Серија А, каде што остана до сезоната 2020/21, Во таа сезона забележа само три победи и повторно испадна во понизок ранг.
Минатата година навивачите беа разочарани по плеј-офот, а сега Парма го обезбеди најмалку второ место и враќање во елитата.