Забава
Сезона 4 на „Круната“ сoбра повеќе гледачи од свадбата на Чарлс и Дијана
Кралската свадба беше телевизиски настан на 20 век, но хитот на „Нетфликс“ е успешната приказна за 2020 година, пишува „Сан“.
Според британскиот весник, новиот извештај објавен во средата покажува дека 29 милиони луѓе минатата недела биле вклучени на „Нетфликс“ за да ја гледаат новата сезона на „Круната“ (The Crown).
„Не е за изненадување: сигурно најочекувана серија досега. Четвртата сезона ја претставува лејди Дијана Спенсер, идната принцеза Дајана, (ја глуми одлично новодојдената Ема Корин), како и премиерката Маргарет Тачер (Џилијан Андерсон)“, пишуваат британските таблоиди.
„Ако на сета оваа примамлива перспектива ги додадете мерките за самоизолација и ограничувањата на социјалниот живот ги добивате сите потребни состојки за Нетфликсов хит на годината“.
Доколку се точни бројките, тоа би значело дека повеќе луѓе се вклучиле да ја гледаат измислената верзија на настаните – додворувањето на Чарлс и Дијана и денот на нивната венчавка – отколку вистинската кралска свадба која во тоа време беше голем телевизиски настан. Свадбата во 1981 година, која се одржа во Бакингемската палата и на која дебитираше славниот фустан на Дијана, дебитираше со 600.000 гледачи помалку во Британија од моќните 29 милиони на „Нетфликс“. Сепак, треба да се напомене дека на глобално ниво, кралската венчавка привлече публика од 750 милиони.
Четвртата сезона е неверојатен хит за стриминг-сервисот, надминувајќи ја третата сезона со околу 8 милиони гледачи во првата недела.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.