Спорт
Фудбалерите на Јуве збунети, Пирло не зборува за тактика со нив?
Италијанскиот весник „Ил кориере дела сера“ тврди дека фудбалерите на Јувентус се збунети од тренерот Андреа Пирло бидејќи тој воопшто не зборувал за фудбалската тактика со нив и дека тоа се случувало и со неговиот претходник Маврицио Сари.
Јувентус е на четвртото место во Серија А заедно со Наполи, шест поени зад лидерот Милан, кога имаше само една победа во четири меча без Кристијано Роналдо во составот.
Според весникот, за фудбалерите на Јувентус е необично што Пирло не зборува со нив за тактика, туку го праќа неговиот заменик Игор Тудор, а за време на мечевите задолжен за инструкциите е вториот помошник Роберто Баронио. Тишината имала влијание врз тимот и Пауло Дибала и Дејан Кулушевски се посочени како фудбалери што не разбираат што сака тренерот од нив на теренот, а слична ситуација е и со другите од средината, особено кога се работи за одбраната.
⚠️⚠️#Juventus, luna di miele finita per #Pirlo: alcuni giocatori, riporta il ‘Corriere dela Sera’, sarebbero confusi sulle direttive del tecnico bresciano
?#CMITmercatohttps://t.co/Zk5Otp1kt3
— calciomercato.it (@calciomercatoit) November 30, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Железниот човек Ѓоковиќ посилен од повредата и Серундло – Избори четвртфинале по четири часа и 39 минути
Новак Ѓоковиќ одигра уште еден епски меч на Ролан Гарос. Светскиот број 1 во осминафиналето по четири часа и 39 минути беше посилен од повредата и 23. носител на турнирот Аргентинецот Франциско Серундоло.
Ѓоковиќ славеше во пет сета со 6:1, 5:7, 3:6, 7:5, 6:4. Србинот во претходната рунда играше четири и 26 минути и сега се поставува прашањето, под услови неговото колено да биде како треба, како ќе го издржи наредниот дуел.
Откако рутински го доби првиот сет, Ѓоковиќ на почетокот на вториот побара лекарска помош. Се пожали на болка во пределот на десното колено. До крајот на вториот сет, кој Серундоло го доби се брејк во 11.гем, лекарот константно беше присутен на секоја пауза.
Проблемите со коленото кај Ѓоковиќ беа евидентни во третиот сет. Видливо беше дека тешко се движи. Аргентинецот го искористи тоа со 6:3 направи пресврт и поврде со 1:2 во сетови.
Дали лековите што ги доби против болка почнаа да делуваат во четвртиот сет, тоа знае само Ѓоковиќ, но тој полека започна да го крева нивото на играта. Направи брејк во седмиот гем, а од тој момент освои шест од наредните седум гемови. Не само што изедначи во сетови туки и поведе со 2:0 во решавачкиот сет. Серундолу сепак успеа да го врати брејкот, а потоа гледавме нестварна борба.
Брејк направи Ѓоковиќ во деветтиот гем и тоа во ситуација кога Серундоло имаше 40:0. На крајот релатвно лесно го доби својот сервис и прослави уште една неверојатна победа.
„Денес, уште еднаш, голема, голема благодарност. Како и на претходниот меч, победата е ваша. Ова е ваша победа и против Мусети губев со 1:2, беше 2:2 во 4. сет, енергиите се сменија, ми дадовте енергија и вечерва. Благодарам, што да кажам. Ова можеби беше меч кој можев да го загубам, бев на неколку поени до пораз, му честитам на Серундоло за начинот на кој играше. Направи да ми биде тешко. Како го најдов патот до победата, не знам. Единственото објаснување сте вие“, рече Новак по мечот.
Во четвртфиналето ќе игра против Тејлор Фриц или Каспер Руд.
Спорт
(Видео) Убедлив пораз на Македонија од Хрватска
Фудбалската репрезентација на Македонија доживеа убедлив пораз од Хрватска. Пријателскиот натпревар во Риека, Хрватите го добија со 3:0.
Натпреварот во Риека покажа дека Македонија нема капацитет да се носи со елитните европски репрезентации. Хрватска и со комбиниран состав убедливо славеше.
Македонија имаше неколку обиди во првата половина од првото полувреме, но впечатокот е дека нашите момци немаа јасна идеа како да дојдат до голот на Ливаковиќ.
Хрватска победи со головите на Ловро Маер во 10. и 45., односно Марко Пашалиќ во 79.минута.
Маер првиот гол го постигна од слободен удар, а вториот по извонредната аситенција на Петковиќ. Миленикот на домашната публика Марко Пашалиќ го постигна првиот гол во националниот тим, откако Димитиревски го одбрани ударот на Будимир, а тој ја спести топката под гредата.
Македонија на 10.јуни ќе одигра пријателски натпревар против Чешка.
Спорт
Мбапе и официјално е играч на Реал
Килијан Мбапе и официјално е играч на Реал Мадрид. Она што се најавуваше со денови, а беше сигурно со месеци, сега е и официјално потврдено. Клубот од Мадрид на својата официјална веб-страница потврди дека француската суперѕвезда пристигна како слободен играч откако му истече договорот со ПСЖ.
Мбапе (25) дојде во ПСЖ во 2018 година за 180 милиони евра од Монако. Иако играше со Меси и Нејмар и постигна 256 и забележа 108 асистенции за ПСЖ на 308 натпревари, тој не успеа да ја освои Лигата на шампионите. Тоа не му успеа ниту годинава, ПСЖ беше елиминиран во полуфиналето од Борусија Дортмунд.
Долго време не го криеше незадоволството и беше извесно дека ќе си замине. Претседателот на клубот го задржа пред две години со еден од најголемите договори во историјата на фудбалот.
Месечно заработуваше околу 6 милиони евра бруто (2,7 милиони нето), доби бонус од 180 милиони евра само за потпишување на договорот и дополнителни 70 милиони на крајот од секоја година од договорот, кој требаше да трае до три години. Но, кога го потпишуваше договорот му била понудена опција да замине бесплатно по две сезони и тој реши да ја искористи таа опција.