Спорт
Браќата Гасол првпат во ист тим, и тоа во шампионски!?

Она што со денови се шпекулира на социјалните медиуми набргу би можело да добие епилог. Сè поизвесно станува дека кошаркарските браќа По и Марк Гасол, конечно, ќе заиграат во иста екипа, и тоа шампионска – ЛА Лејкерс.
Pau and Marc Gasol would be the first set of brothers to each play for the Lakers at any point in their careers ? pic.twitter.com/oNJz3RfuSY
— ESPN (@espn) November 23, 2020
Двајцата ги бранеа боите на Барселона и Мемфис гризлис, Марк уште настапуваше и за шпанска Џирона и за Торонто репторс, а постариот брат беше дел од Чикаго, Сан Антонио и Милвоки Бакс.
По имаше големи проблеми со повредите, сè уште не се знае каква е неговата здравствена состојба, а целата приказна ја лансира најдобриот играч на денешницата, Леброн Џејмс.
LeBron talking about his new teammates the Lakers acquired during free agency. Can’t wait to see the whole interview ??
— NBA SKITS (@NBA_Skits) December 1, 2020
„По во Лејкерс? Можеби, ќе видиме, ќе видиме… Многу сум среќен што го гледам Марк во Лејкерси. Тој е голем НБА-шампион. Освои прстен со Репторс плус Марк има освоено и трофеј за најдобар дефанзивец на годината“, рече Џејмс.
По никогаш не ги криел емоциите што ги има кон „езерџиите“, играше за оваа екипа од 2008 до 2014 година и освои шампионски прстен во тандем со Коби Брајант.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Мењан во Челзи, во Милан доаѓа Милинковиќ-Савиќ

Францускиот репрезентативен голман Мајк Мењан (29) ќе ја продолжи кариерата во Челзи. „Сините“ за услугите на голманот на Милан ќе му платата 18 милиони евра отштета, објавија италијанските медиуми.
Мењан пристигна во Милан летото 2021 година од Лил, а неговиот договор важеше до јуни следната година.
Милан се согласи да го продаде бидејќи не можеше да се договори за продолжување на договорот, па овој летен преоден рок беше последна шанса да заработи нешто од неговиот трансфер.
Мењан треба да биде заменет на голот на Милан со српскиот голман Вања Милинковиќ-Савиќ (28), чиј договор со Торино истекува за една година.
Спорт
Седум играчи го засилија Алкалоид

Фото/ rkalkaloid.mk
РК Алкалоид останува на својата определба и во следната сезона да биде клуб составен во најголем дел од македонски ракометари кои ќе добијат врвни услови за тренинг, ќе работат според професионална програма и ќе имаат простор за напредок преку настапите на домашната и на европската сцена.
Неколку ракометари со голем потенцијал и за клубот и за сениорската репрезентација на Македонија доаѓаат следната сезона во клубот.
Алкалоид кој ја освои титулата во Европскиот куп, за следната сезона ангажира седум нови играчи, шестмина се Македонци, странец е само Србинот, Урош Борзаш. Покрај него нови играчи на Алкалоид се: Ненад Костески, Емилијан Ѓорговски, Михаил Аларов, Михаил Иваноски, Ѓорѓи Николовски и Давид Трајкоски,
Спорт
Пукна љубовта, Мурињо ќе го напушти Фенербахче

Жозе Мурињо и Фенербахче ќе го објават прекинот на соработката во следните неколку дена, тврдат турските медиуми.
Ова е епилогот од средбата во Лондон помеѓу познатиот тренер и Али Коч, претседателот на клубот од Истанбул. Мурињо бара 15 милиони евра за предвремен раскин на договорот.
Португалецот го презеде тимот минатото лето, но Фенербахче под негово водство не освои ниту еден трофеј. Во првенството на Турција, тие беа втори зад нивниот најголем ривал Галатасарај.
Покрај тоа, Мурињо беше во постојан конфликт, со судиите, со службените лица од другите клубови, што предизвика гнев кај навивачите и новинарите и му наштети на угледот на турскиот фудбал.