Спорт
Овие 11 рекорди изгледаат недостижно во Лигата на шампионите
Лигата на шампионите ги понуди некои од најдобрите фудбалски моменти што се видени некогаш. Од 1992 година ова натпреварување е во сила како продолжение на Европскиот куп.
Постојат рекорди кои и понатаму изгледаат недостижно, а поставени се од 1992 година се до ден-денес.
Еве кои се рекордите што чекаат некој да ги сруши:
– Бафетимби Гомис за само 7 минути постигна хет-трик за Лион против Динамо Загреб. Лион на „Максимир“ во 2011 година победи со 7-1, а Гомис постигна 4 гола на тој меч;
– Лео Меси во осмина-финалето постигна 5 гола, а Барса славеше со 7-1 против Баер Леверкузен. Мечот се одигра во 2012 година;
– Екголманот на Баерн Минхен, Ханс-Јорг Бут, постигна 3 гола во ЛШ, интересно – сите против Јувентус од пенал;
– Германскиот голман Јенс Леман од 2005 до 2006 година како голман на Арсенал врза 9 меча без примен гол во ЛШ;
– ХЈК Хелсинки во второто претколо во квалификациите за ЛШ во 2011 година со 10:0 го победи Бангор Сити, во двата меча финскиот клуб славеше со вкупни 13:0 против клубот од Велс;
– Борусија Дортмунд во групната фаза во 2016 година на домашен терен со 8-4 ја победи Легија Варшава, а тоа е мечот со најмногу голови на еден натпревар во ЛШ;
– Екситалијанскиот голман Марко Балота имаше 43 години и 253 дена кога настапи за Лацио при поразот од Реал Мадрид (3-1) во сезоната 2007/2008. Тоа беше неговиот последен настап во ЛШ и го држи рекордот како најстар фудбалер;
– Кристијано Роналдо во сезоната 2013/2014 постигна дури 17 гола во ЛШ, таа сезона стигна до титулата со Реал;
– Барселона во сезоната 1994/1995 на „Камп ноу“ играше против ПСЖ, а на трибините имаше рекордни за ЛШ 115.000 гледачи;
– Лајвин Курзава во победата на ПСЖ против Андерлехт во 2017 година постигна дури 3 гола и стана дефанзивец со најмногу постигнати голови на еден меч во ЛШ;
– Раул во победата на Реал против Ференцварош во 1995 годин постигна хет-трик, а имаше само 18 години и 114 дена. Досега само 5 тинејџери постигнале хет-трик во ЛШ, но никој не бил помлад од легендарниот Шпанец.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тони Надал: Рафа живеe нормално, а Ѓоковиќ е најдобар во историјата затоа што не живее нормален живот
Тони Надал, поранешниот тренер на Рафаел Надал, крена голема прашина со изјави за трката за најдобриот тенисер на сите времиња. Најчесто вујкото на Надал ги омаловажува успесите на Новак Ѓоковиќ.
Искусниот стручњак, кој ја прекина соработката со Надал во 2017 година, изјави дека Новак Ѓоковиќ постигнал се што имал, пред се затоа што за разлика од неговите ривали „не живее нормален живот“.
„Мислам дека Новак Ѓоковиќ беше мотивиран од желбата да напише приказна, да стане најдобар играч во историјата, додека Рафа, од друга страна, секогаш живеел сосема нормален живот. Рафа игра тенис, но живее нормално, јаде, игра фудбал и се занимава со други активности Се сеќавам на еден тренинг кога неговиот менаџер ни кажа дека Рафа не е професионален, а мојот одговор беше дека не ни сакам да биде, туку дека е доволно што дава се од себе кога е на теренот и дека во слободното време може да живее како и секој друг маж“, вели Тони.
Според него, Новак бил далеку повеќе фокусиран на деталите, поради што толку долго е во самиот врв на светскиот тенис.
„За разлика од Рафа, Новак е многу внимателен што јаде, како го поминува слободното време и има сосема поинаква визија од Рафа и Роџер. На крајот, сите тројца сакаа да бидат најдобри досега, а најважното нешто во тоа приказната беше колку се спремни да се жртвуваат“, заклучи искусниот тренер.
Спорт
Почина легендарниот Аргентинец, Цезар Луис Меноти
Аргентинскиот фудбалски тренер Цезар Луис Меноти почина на 85-годишна возраст, соопшти аргентинскиот фудбалски сојуз.
Меноти, познат и како „Ел Флако“ (Слабиот), го освои Светското првенство во фудбал во 1978 година како селектор на Аргентина.
Роден е во градот Росарио, а најголемиот дел од својата кариера го помина во истоимениот клуб. Играше и за Бока Јуниорс.
Како тренер, меѓу другите ги водеше Њуелс Олд Бојс од Росарио, Бока Јуниорс, Ривер Плата, Атлетико Мадрид, Барселона и Индепендиенте, а покрај сениорскиот тим беше селектор и на аргентинската репрезентација под 20 години, како и Мексико.
Меноти последниот месец го помина во болница поради анемија.
Шпанска „Марка“, наведува дека Меноти како тренер ја пропагирал идејата за фудбалот како уметнички израз, наспроти „биладиризмот“, кој го имплементирал аргентинскиот тренер Карлос Билардо, а кој вклучувал користење на сите достапни сегменти од играта за да се постигне победа по секоја цена.
Спорт
Ферстапен за Норис: Ова нема да биде неговата последна победа
Втор пат во 2024 година, Макс Ферстапен не триумфираше на една од трките во Формула 1 шампионатот Холанѓанецот мораше да се откаже во Австралија поради проблеми со сопирачките (победи Карлос Саинц), а во неделата вечерта во Мајами, шампионот беше поразен од Британецот Ландо Норис.
Норис ја постигна првата победа во својата 110. трка во кариерата, а по тој повод зборуваше и Ферстапен.
„Понекогаш победуваш, а понекогаш губиш. Сите сме навикнати на тоа во тркачкиот свет, нели? Денеска ми беше малку проблематично. Дури и на мидиум пневматиците не се чувствував удобно. Правевме предност но не на востонски начин. Кога слушнав како Мекларен поминува во боксот, помислив: „Леле, тоа е навистина брзо“. Тој леташе. Тој дел беше навистина тежок за нас“, изјави Макс Ферстапен по трката.
„Многу сум среќен за Ландо. Долго чекаше на оваа победа, а нема да му биде последна. Дефинитивно го заслужи триумфот“, изјави актуелниот шампион во Формула 1.
На прашањето дали оваа трка е одраз на вистинската брзина на надградениот болид на Мекларен, Ферстапен одговори:
„Се надевам дека не!
Во генералниот поредок води Верстапен со 136 бодови, пред Перез со 101, додека Леклер е трет со 98.
Овогодинешниот шампионат во Формула 1 продолжува со Големата награда на Емилија Ромања на патеката „Енцо и Дино Ферари“ од 17 до 19 мај.