Спорт
Унгарките со „приземјување“ за уморните Србинки
Неполни 16 часа по сензационалната победа над светскиот шампион Холандија, ракометната репрезентација на Србија доживеа дебакл во мечот со Унгарките, кои стигнаа до 38:26 (20:11) победа во второто коло на Европското првенство во Данска.
Србинките беа еднакви ривалки само во првите десетина минути, и сега ги очекува пресметка со Хрватска за влез во втората рунда. Хрватките по победата над Унгарија во првото коло од 18.15 часот играат со Холандија.
Без својата најдобра ракометарка Андреа Лекиќ (која се повреди против Холанѓанките), Србинките губеа дури со 16 поени разлика. Сандра Солоши-Сачик имаше 10 гола а Унгарија, Викторија Лукач додаде шест, а за Србија, Сања Радосављевиќ беше најефикасна со пет гола.
ЕВРОПСКО ПРВЕНСТВО РАКОМЕТ 2020, 2.КОЛО
ГРУПА Ц
Србија – Унгарија 26:38 (11:20)
Хрватска – Холандија 18.15 ч.
WATCH: The afternoon's action is underway and @MKSZhandball ?? have an early lead vs @rssrbije ??, with Szandra Szöllösi-Zácsik netting this ?from the 9m!#ehfeuro2020 #handballispassion pic.twitter.com/Iffa63rLvV
— EHF EURO (@EHFEURO) December 6, 2020
WATCH: They're trailing but Jovana Milojević scores a beauty for @rssrbije ?? which spurs a bit of a rally by the Serbs.#ehfeuro2020 #handballispassion pic.twitter.com/XXHGbobVc0
— EHF EURO (@EHFEURO) December 6, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Покетино: Не одлучувам јас дали ќе го напуштам Челзи
Тренерот на Челзи, Маурисио Покетино изјави дека не е сигурен дали ќе има време да го врати клубот на врвот на англискиот фудбал.
Челзи на домашен терен го победи Тотенхем со 2:0 во натпреварот од Премиер лигата и ги задржа шансите за пласман во европските натпреварувања.
„Сините“, речиси цела сезона се справуваат со повреди, а во моментов дури 14 играчи поради повреди се надвор од тимот. Се шпекулира дека аргентинскиот стручњак би можел да го напушти клубот на крајот на сезоната.Тој не сакаше да одговори на ова прашање.
„Мислам дека е доста“, изјави Покетино за Скај на прашањето за шпекулациите околу неговата иднина.
„На сите тренери им треба време за да пренесат идеи и филозофии. Уште повеќе кога екипата е ваква. Ни треба време. Тоа не е моја одлука. Тешко е бидејќи секоја недела сум под лупа. Но, тоа не е моја одлука. Ако сакаме да испишеме историја со Челси, не чека многу работа. Ќе бидиме дали ќе имаме доволно време“.
Челзи моментално е осмо на табелата со 51 бод од 34 натпревари во Премиер лигата и заостанува три бода зад шестопласираниот Манчестер Јунајтед, кој го држи последното место кое обезбедуа пласман во европските купови.
Спорт
Тренерот на Бенфика сега е прв фаворит за нов тренер на Баерн
Баерн беше подготвен да го претстави Ралф Рангник како тренер кој ќе го наследи Томас Тухел следната сезона, но австрискиот тренер се премисли во последен момент и реши да остане на кормилото на репрезентацијата на Австрија. Претходно Баерн го одбија Чаби Алонсо и Јулијан Нагелсман.
Баерн ја продолжува потрагата по наследникот на Тухел, а според „Билд“ следен кандидат е Роџер Шмит (57), актуелниот тренер на Бенфика.
„Билд“ тврди дека Баерн сега со сите сили ќе тргне по Шмит, чиј договор со Бенфика е со важност до 2026 година и има откупна клаузула од 30 милиони евра. Сепак, португалскиот клуб наводно не е целосно задоволен од неговата работа, па постои можност Баерн да го добие на друг начин, наместо да плати голема сума.
Спорт
Сунес: Салах е најсебичниот играч што некогаш сум го видел
Греем Сунес, легендата на Ливерпул, кој со клубот од Енфилд освои пет титули во англиското првенство и три европски купа, го нарече Мохамед Салах најсебичниот играч што некогаш го видел.
Салах пристигна во Ливерпул во трансфер од Рома во 2017 година, тој одигра 346 натпревари за клубот, постигна 210 голови и забележа 88 асистенции.
Сонес верува и дека Салах наскоро ќе го напушти „Енфилд“.
„Мислам дека Мохамед Салах ќе го напушти Ливерпул. Беше одличен и ако замине во Саудиска Арабија ќе стане најголемата ѕвезда таму. Има многу високо мислење за себе и беше лут што не го започна натпреварот против Вест Хем. Тој е најсебичниот играч што некогаш сум го видел.“